ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬೆಲ್‌ಬಾಟಂ: ಅಕ್ಷಯ್‌ ಜೊತೆ ವಾಣಿಕಪೂರ್‌ ರೊಮ್ಯಾನ್ಸ್‌

Last Updated 3 ಜುಲೈ 2020, 11:02 IST
ಅಕ್ಷರ ಗಾತ್ರ

ಬಾಲಿವುಡ್ ನಟ ಅಕ್ಷಯ್‌ ಕುಮಾರ್‌ ನಟನೆಯ ಮುಂದಿನ ಬಹುನಿರೀಕ್ಷಿತ ಚಿತ್ರ ‘ಬೆಲ್‌ಬಾಟಂ’ಗೆ ನಟಿ ವಾಣಿ ಕಪೂರ್‌ ನಾಯಕಿ. ಈ ಚಿತ್ರವು ಮುಂದಿನ ವರ್ಷ ಏಪ್ರಿಲ್‌ 2 ರಂದು ಬಿಡುಗಡೆಯಾಗಲಿದೆ.

ಈ ವಿಚಾರವನ್ನು ಸ್ವತಃ ವಾಣಿಕಪೂರ್‌ ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಂಡಿದ್ದಾರೆ. ‘ಸೂಪರ್ ಸೂಪರ್‌ ಥ್ರಿಲ್‌ ಹಾಗೂ ಎಕ್ಸೈಟ್‌ ಆಗಿದ್ದೇನೆ. ಅಕ್ಷಯ್‌ ಕುಮಾರ್‌ ಜೊತೆ ನಟಿಸುತ್ತಿದ್ದೇನೆ. ‘ಬೆಲ್‌ಬಾಟಂ’ ಚಿತ್ರೀಕರಣ ಆರಂಭಕ್ಕೆ ಕಾಯುತ್ತಿದ್ದೇನೆ’ ತಮ್ಮ ಖುಷಿಯನ್ನು ಹಂಚಿಕೊಂಡಿದ್ದಾರೆ.

ವಾಣಿ ಕಪೂರ್‌ ‘ಶುದ್ಧ್‌ ದೇಸಿ ರೊಮ್ಯಾನ್ಸ್‌’ ಚಿತ್ರದ ಮೂಲಕ ಬಾಲಿವುಡ್‌ ಪ್ರವೇಶಿಸಿದ್ದರು. ಇದರಲ್ಲಿ ಸುಶಾಂತ್‌ ಸಿಂಗ್‌ ರಜಪೂತ್‌ ಜೊತೆ ನಾಯಕಿಯಾಗಿ ನಟಿಸಿದ್ದರು. ಈ ಚಿತ್ರದ ನಟನೆಗೆ ಅವರಿಗೆ ‘ಬೆಸ್ಟ್‌ ಫಿಮೇಲ್‌ ಡಿಬೇಟ್‌’ ಫಿಲಂಫೇರ್‌ ಪ್ರಶಸ್ತಿ ಬಂದಿತ್ತು.ನಂತರ ರಣವೀರ್‌ ಸಿಂಗ್‌ ಜೊತೆ ‘ಬೇಫಿಕ್ರೆ’ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದರು. ಹೃತಿಕ್‌ ರೋಷನ್‌ ಜೊತೆ ‘ವಾರ್‌’ ಚಿತ್ರದಲ್ಲೂ ಅಭಿನಯಿಸಿದ್ದರು.

ಇದೇ ಮೊದಲ ಬಾರಿಗೆ ವಾಣಿಕಪೂರ್‌ ಹಾಗೂ ಅಕ್ಷಯ್‌ಕುಮಾರ್‌ ಒಟ್ಟಿಗೆ ನಟಿಸುತ್ತಿರುವುದು. ಈ ಚಿತ್ರವನ್ನು ನಿಖಿಲ್‌ ಅಡ್ವಾಣಿ ನಿರ್ದೇಶಿಸುತ್ತಿದ್ದಾರೆ. ವಶು ಭಗ್ನನಿ, ಜಾಕಿ ಭಗ್ನಾನಿ, ದೀಪ್‌ಶಿಖಾ ದೇಶ್‌ಮುಖ್‌ , ಮೊನೀಶಾ ಅಡ್ವಾಣಿ ಬಂಡವಾಳ ಹೂಡಿದ್ದಾರೆ. ಈ ಚಿತ್ರವು ಜೂನ್‌– ಜುಲೈ ತಿಂಗಳಲ್ಲಿ ಚಿತ್ರೀಕರಣ ಆರಂಭಿಸಬೇಕಿತ್ತು. ಆದ್ರೆ ಕೊರೊನಾ ವೈರಸ್‌ ಸಾಂಕ್ರಾಮಿಕ ಭಯದಿಂದ ಮುಂದೂಡಲಾಗಿದೆ.

‘ಬೆಲ್‌ಬಾಟಂ’ ಚಿತ್ರದ ಮೊದಲ ಪೋಸ್ಟರ್‌ನ್ನು ಚಿತ್ರತಂಡ ಕಳೆದ ನವೆಂಬರ್‌ ತಿಂಗಳಲ್ಲಿ ಹಂಚಿಕೊಂಡಿತ್ತು. ಕೆಂಪು ಕಾರಿನ ಮುಂದೆ ಬೆಲ್‌ಬಾಟಂ ಉಡುಪು ಧರಿಸಿ ನಿಂತಿದ್ದ ಅಕ್ಷಯ್‌ ಭಂಗಿ ಅವರ ಅಭಿಮಾನಿಗಳನ್ನು ರೆಟ್ರೊ ನೆನ‍ಪುಗಳನ್ನು ಮರುಕಳಿಸುವಂತೆ ಮಾಡಿತ್ತು.

ಈ ಚಿತ್ರ ಮುಂದಿನ ವರ್ಷದ ಜನವರಿ ತಿಂಗಳಲ್ಲಿ ಬಿಡುಗಡೆಯಾಗಬೇಕಿತ್ತು. ಆದರೆ ಅದೇ ದಿನ ಅಕ್ಷಯ್‌ ಅಭಿನಯದ ಮತ್ತೊಂದು ಚಿತ್ರ ‘ಬಚ್ಚನ್‌ ಪಾಂಡೆ’ ಬಿಡುಗಡೆಯಗುತ್ತಿರುವುದರಿಂದ ‘ಬೆಲ್‌ಬಾಟಂ’ ಚಿತ್ರದ ಬಿಡುಗಡೆಯನ್ನು ಏಪ್ರಿಲ್‌ವರೆಗೆ ಮುಂದೂಡಲಾಗಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT