ಅನುಷ್ಕಾ ಶರ್ಮಾ ಮತ್ತು ಬಾಲ್ಕನಿ ಗೆಳೆಯರು !

ಬಾಲ್ಕನಿಯಲ್ಲಿ ರಬ್ಬರ್, ಮನಿಪ್ಲಾಂಟ್ ಸೇರಿ ಅನೇಕ ಗಿಡಗಳನ್ನು ಬೆಳದಿರುವ ಅನುಷ್ಕಾ ಅವುಗಳ ಆರೈಕೆಯಲ್ಲಿ ತೊಡಗಿದ್ದಾರೆ. ಗಿಡಗಳೊಂದಿಗೆ ಅನುಷ್ಕಾ ಒಡನಾಡುತ್ತಿರುವ ಫೋಟೊವನ್ನು ಪತಿ ವಿರಾಟ್‌ ಕೊಹ್ಲಿ ಕ್ಲಿಕಿಸಿದ್ದಾರೆ. ಈ ಫೋಟೊವನ್ನು ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಅನುಷ್ಕಾ ’ನಾನು ಮತ್ತು ನನ್ನ ಗೆಳೆಯರು‘ ಎಂದು ಶೀರ್ಷಿಕೆ ಬರೆದಿದ್ದಾರೆ.

ಮುಂಜಾನೆ ವರ್ಕೌಟ್‌ ನಂತರವೂ ಈ ಗಿಡಗಳೊಂದಿಗೆಸಮಯ ಕಳೆಯುತ್ತಿದ್ದಾರೆಅನುಷ್ಕಾ. ಅಪ್ಪನೊಡನೆ ಸೇರಿ ಈ ಕೈ ತೋಟ ಮಾಡಿದ್ದಾರೆ.

ಲಾಕ್‌ಡೌನ್‌ ಸಮಯವಾದ್ದರಿಂದ ಸದ್ಯ ಯಾವುದೇ ಸಿನಿಮಾ ಕೈಗೆತ್ತಿಕೊಂಡಿಲ್ಲ. ಇವರ ನಿರ್ಮಾಣ ಸಂಸ್ಥೆಯ ಕೆಲಸಗಳು ನಡೆಯುತ್ತಿವೆ ಅಷ್ಟೆ.ಅಮೆಜಾನ್‌ ಪ್ರೈಂನಲ್ಲಿರುವ ’ಪಾತಾಳ್ ಲೋಕ್‌‘ ಸರಣಿ ಯಶಸ್ಸು ಕಂಡಿದೆ.

ಈ ಕುರಿತು ಸಂದರ್ಶವೊಂದರಲ್ಲಿ ಮಾತನಾಡಿದ ಅವರು ’ನನಗಾಗಿ ಸಿನಿಮಾ ಮಾಡಲುಈ ನಿರ್ಮಾಣ ಸಂಸ್ಥೆ ಮಾಡಿಲ್ಲ. ಸದಭಿರುಚಿಯ ಸಿನಿಮಾ ಮಾಡಬೇಕು ಎಂಬ ಆಲೋಚನೆಯಿದೆ. ಮಹಿಳಾ ಕೇಂದ್ರೀತ ಕತೆಗಳ ಸಿನಿಮಾ ನಿರ್ಮಾಣ ಮಾಡುವ ಕನಸಿದೆ‘ ಎಂದು ಹೇಳಿಕೊಂಡಿದ್ದರು.