ಗುರುವಾರ , ಮೇ 13, 2021
39 °C

‘ಬಂದಿಷ್‌ ಬ್ಯಾಂಡಿಟ್ಸ್‌’ ನಟ ಅಮಿತ್‌ ಮಿಸ್ತ್ರಿ ನಿಧನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹಿಂದಿ ಚಿತ್ರನಟ ಅಮಿತ್‌ ಮಿಸ್ತ್ರಿ ಹೃದಯಾಘಾತದಿಂದ ಶುಕ್ರವಾರ ಬೆಳಗ್ಗೆ ಮುಂಬೈನ ತಮ್ಮ ನಿವಾಸದಲ್ಲಿ ನಿಧನರಾದರು.

ಗುಜರಾತ್‌ನ ಸಿನಿಮಾ ಹಾಗೂ ನಾಟಕ ರಂಗದಲ್ಲಿ ಅವರು ಸಕ್ರಿಯರಾಗಿದ್ದರು. ಕಳೆದ ವರ್ಷ ಒಟಿಟಿ (ಅಮೆಝಾನ್‌ ಪ್ರೈಮ್‌)ಯಲ್ಲಿ ಬಿಡುಗಡೆಯಾದ ‘ಬಂದಿಷ್‌ ಬ್ಯಾಂಡಿಟ್ಸ್‌’ ವೆಬ್‌ಸರಣಿಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದ ಅವರು ಆ ಸರಣಿಯ ನಟನೆಯಿಂದ ಜನಪ್ರಿಯತೆ ಗಳಿಸಿದ್ದರು.

‘ಕ್ಯಾ ಕೆಹೆನಾ ಹೈ’, ‘ಏಕ್ ಚಾಲೀಸ್ ಕಿ’ ‘ಲಾಸ್ಟ್ ಲೋಕಲ್’, ‘99’, ‘ಶೋರ್ ಇನ್ ದ ಸಿಟಿ’, ‘ಎಮ್ಲಾ ಪಗ್ಲಾ ದೀವಾನ’, ‘ಎ ಜಂಟಲ್ಮನ್’ ಅವರು ನಟಿಸಿದ ಹಿಂದಿ ಚಿತ್ರಗಳು. ‘ತೆನಾಲಿ ರಾಮ’, ‘ಮ್ಯಾಡಂ ಸರ್‌’, ‘ಶ್’, ‘ಕೊಯಿ ಹೈ’ ಅವರು ನಟಿಸಿದ ಪ್ರಮುಖ ಧಾರಾವಾಹಿಗಳು. ‘ದಫಾ–420’, ‘ಸಾವಧಾನ್‌ ಇಂಡಿಯಾ’ ಅವರು ಕಾಣಿಸಿಕೊಂಡ ಪ್ರಮುಖ ಟಿವಿ ಕಾರ್ಯಕ್ರಮಗಳು.

‘ಅವರಿಗೆ ಯಾವುದೇ ಆರೋಗ್ಯ ಸಮಸ್ಯೆಗಳು ಇರಲಿಲ್ಲ. ಬೆಳಗ್ಗೆ ಉಪಾಹಾರದ ಬಳಿಕ ಸಣ್ಣಗೆ ಎದೆನೋವು ಎಂದು ಹೇಳಿದರು. ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲೂ ವಿಧಿ ಅವಕಾಶ ಕೊಡಲಿಲ್ಲ. ಅಷ್ಟರೊಳಗೇ ಅವರು ನಿಧನರಾದರು. ಮನೋರಂಜನಾ ಕ್ಷೇತ್ರಕ್ಕೆ ಅವರ ಸಾವು ತುಂಬಾ ನಷ್ಟ ಉಂಟುಮಾಡಿದೆ’ ಎಂದು ಮಿಸ್ತ್ರಿ ಅವರ ಮ್ಯಾನೇಜರ್‌ ಮಹರ್ಷಿ ದೇಸಾಯಿ ಹೇಳಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು