<p><strong>ಮುಂಬೈ:</strong> ಖ್ಯಾತ ಹಾಸ್ಯನಟ ಜಗದೀಪ್ (81) ಅವರು ಬುಧವಾರ ತಮ್ಮ ನಿವಾಸದಲ್ಲಿ ಕೊನೆಯುಸಿರೆಳೆದರು. ಅವರು ‘ಶೋಲೆ’ ಚಿತ್ರದಲ್ಲಿ ‘ಸೂರ್ಮ ಭೊಪಾಲಿ’ ಪಾತ್ರದಲ್ಲಿ ನಟಿಸಿ ಗಮನಸೆಳೆದಿದ್ದರು. 400ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅವರು ನಟಿಸಿದ್ದರು. ಅವರಿಗೆ ಇಬ್ಬರು ಪುತ್ರರಿದ್ದಾರೆ.</p>.<p>ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಸೈಯದ್ ಇಷ್ತಿಕ್ ಅಹಮದ್ ಜಫ್ರಿ (ಜಗದೀಪ್) ಅವರು ಬುಧವಾರ ರಾತ್ರಿ ನಿಧನರಾದರು ಎಂದು ಜಗದೀಪ್ ಕುಟುಂಬದ ಸ್ನೇಹಿತರಾದ ನಿರ್ಮಾಪಕ ಮೆಹ್ಮೂದ್ ಅಲಿ ತಿಳಿಸಿದರು.</p>.<p>ಬಿ.ಆರ್.ಛೋಪ್ರಾ ಅವರ 'ಅಫ್ಸಾನಾ' ಚಿತ್ರದಲ್ಲಿ ಬಾಲನಟರಾಗಿ ತಮ್ಮ ವೃತ್ತಿ ಜೀವನ ಆರಂಭಿಸಿದರು. ಕೆ.ಎ.ಅಬ್ಬಾಸ್ ಅವರ 'ಮುನ್ನಾ', ಗುರು ದತ್ ಅವರ 'ಆರ್ ಪಾರ್', ಬಿಮಲ್ ರಾಯ್ ಅವರ 'ದೊ ಬಿಘಾ ಜಮೀನ್' ಚಿತ್ರಗಳಲ್ಲಿ ನಟಿಸಿದ್ದರು.</p>.<p>'ಹಮ್ ಪಂಚಿ ಏಕ್ ದಾಲ್ ಕೆ' ಚಿತ್ರದ ಅಭಿನಯಕ್ಕಾಗಿ ಜಗದೀಪ್ ಅವರಿಗೆ ಮೊದಲ ಪ್ರಧಾನಿ ಜವಾಹರ್ಲಾಲ್ ನೆಹರು ಒಂದು ಬೇಟನ್ ಕೊಡುಗೆ ನೀಡಿದ್ದರು. 'ಪುರಾನಾ ಮಂದಿರ್' ಸೇರಿದಂತೆ ರಾಮ್ಸೆ ಸೋದರರ ಹಲವು ಚಿತ್ರಗಳಲ್ಲಿ ಜಗದೀಪ್ ಅಭಿನಯಿಸಿದ್ದರು.</p>.<p>1975ರಲ್ಲಿ ತೆರೆಕಂಡ ಬಹುತಾರಾಗಣದ 'ಶೋಲೇ' ಚಿತ್ರದ ಸೂರ್ಮ ಭೊಪಾಲಿ ಪಾತ್ರ ಅವರಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿತ್ತು. ಇದರಿಂದ ಪ್ರೇರಿತರಾದ ಅವರು 'ಸೂರ್ಮ ಭೊಪಾಲಿ' ಹೆಸರಿನ ಚಿತ್ರವೊಂದನ್ನು ನಿರ್ಮಿಸಿದರು. ಆದರೆ ಅದು ಗಲ್ಲಾ ಪೆಟ್ಟಿಗೆಯಲ್ಲಿ ಅಂಥ ಯಶಸ್ಸು ದಕ್ಕಿಸಿಕೊಳ್ಳಲಿಲ್ಲ.</p>.<p>ಸುಮಾರು 60 ವರ್ಷ ಬಣ್ಣದ ಲೋಕದಲ್ಲಿ ಸಕ್ರಿಯರಾಗಿದ್ದ ಜಗದೀಪ್ ಹಲವು ಹಿರಿಯ ನಟರು, ನಿರ್ದೇಶಕರು ಮತ್ತು ನಿರ್ಮಾಪಕರೊಂದಿಗೆ ಕೆಲಸ ಮಾಡಿದ್ದಾರೆ. 70 ಮತ್ತು 80ರ ದಶಕಗಳಲ್ಲಿಅವರ ವೃತ್ತಿ ಜೀವನಉನ್ನತ ಸ್ತರದಲ್ಲಿತ್ತು.</p>.<p>'ಬ್ರಹ್ಮಚಾರಿ' ಮತ್ತು 'ಆಂದಾಜ್ ಅಪ್ನಾ ಅಪ್ನಾ' ಜಗದೀಪ್ ಅವರ ಇತರ ಕೆಲ ಮುಖ್ಯ ಸಿನಿಮಾಗಳು. ಮಕ್ಕಳಾದ ಜಾವೇದ್ ಜಫ್ರಿ ಮತ್ತು ನವೇದ್ ಜಫ್ರಿ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> ಖ್ಯಾತ ಹಾಸ್ಯನಟ ಜಗದೀಪ್ (81) ಅವರು ಬುಧವಾರ ತಮ್ಮ ನಿವಾಸದಲ್ಲಿ ಕೊನೆಯುಸಿರೆಳೆದರು. ಅವರು ‘ಶೋಲೆ’ ಚಿತ್ರದಲ್ಲಿ ‘ಸೂರ್ಮ ಭೊಪಾಲಿ’ ಪಾತ್ರದಲ್ಲಿ ನಟಿಸಿ ಗಮನಸೆಳೆದಿದ್ದರು. 400ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅವರು ನಟಿಸಿದ್ದರು. ಅವರಿಗೆ ಇಬ್ಬರು ಪುತ್ರರಿದ್ದಾರೆ.</p>.<p>ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಸೈಯದ್ ಇಷ್ತಿಕ್ ಅಹಮದ್ ಜಫ್ರಿ (ಜಗದೀಪ್) ಅವರು ಬುಧವಾರ ರಾತ್ರಿ ನಿಧನರಾದರು ಎಂದು ಜಗದೀಪ್ ಕುಟುಂಬದ ಸ್ನೇಹಿತರಾದ ನಿರ್ಮಾಪಕ ಮೆಹ್ಮೂದ್ ಅಲಿ ತಿಳಿಸಿದರು.</p>.<p>ಬಿ.ಆರ್.ಛೋಪ್ರಾ ಅವರ 'ಅಫ್ಸಾನಾ' ಚಿತ್ರದಲ್ಲಿ ಬಾಲನಟರಾಗಿ ತಮ್ಮ ವೃತ್ತಿ ಜೀವನ ಆರಂಭಿಸಿದರು. ಕೆ.ಎ.ಅಬ್ಬಾಸ್ ಅವರ 'ಮುನ್ನಾ', ಗುರು ದತ್ ಅವರ 'ಆರ್ ಪಾರ್', ಬಿಮಲ್ ರಾಯ್ ಅವರ 'ದೊ ಬಿಘಾ ಜಮೀನ್' ಚಿತ್ರಗಳಲ್ಲಿ ನಟಿಸಿದ್ದರು.</p>.<p>'ಹಮ್ ಪಂಚಿ ಏಕ್ ದಾಲ್ ಕೆ' ಚಿತ್ರದ ಅಭಿನಯಕ್ಕಾಗಿ ಜಗದೀಪ್ ಅವರಿಗೆ ಮೊದಲ ಪ್ರಧಾನಿ ಜವಾಹರ್ಲಾಲ್ ನೆಹರು ಒಂದು ಬೇಟನ್ ಕೊಡುಗೆ ನೀಡಿದ್ದರು. 'ಪುರಾನಾ ಮಂದಿರ್' ಸೇರಿದಂತೆ ರಾಮ್ಸೆ ಸೋದರರ ಹಲವು ಚಿತ್ರಗಳಲ್ಲಿ ಜಗದೀಪ್ ಅಭಿನಯಿಸಿದ್ದರು.</p>.<p>1975ರಲ್ಲಿ ತೆರೆಕಂಡ ಬಹುತಾರಾಗಣದ 'ಶೋಲೇ' ಚಿತ್ರದ ಸೂರ್ಮ ಭೊಪಾಲಿ ಪಾತ್ರ ಅವರಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿತ್ತು. ಇದರಿಂದ ಪ್ರೇರಿತರಾದ ಅವರು 'ಸೂರ್ಮ ಭೊಪಾಲಿ' ಹೆಸರಿನ ಚಿತ್ರವೊಂದನ್ನು ನಿರ್ಮಿಸಿದರು. ಆದರೆ ಅದು ಗಲ್ಲಾ ಪೆಟ್ಟಿಗೆಯಲ್ಲಿ ಅಂಥ ಯಶಸ್ಸು ದಕ್ಕಿಸಿಕೊಳ್ಳಲಿಲ್ಲ.</p>.<p>ಸುಮಾರು 60 ವರ್ಷ ಬಣ್ಣದ ಲೋಕದಲ್ಲಿ ಸಕ್ರಿಯರಾಗಿದ್ದ ಜಗದೀಪ್ ಹಲವು ಹಿರಿಯ ನಟರು, ನಿರ್ದೇಶಕರು ಮತ್ತು ನಿರ್ಮಾಪಕರೊಂದಿಗೆ ಕೆಲಸ ಮಾಡಿದ್ದಾರೆ. 70 ಮತ್ತು 80ರ ದಶಕಗಳಲ್ಲಿಅವರ ವೃತ್ತಿ ಜೀವನಉನ್ನತ ಸ್ತರದಲ್ಲಿತ್ತು.</p>.<p>'ಬ್ರಹ್ಮಚಾರಿ' ಮತ್ತು 'ಆಂದಾಜ್ ಅಪ್ನಾ ಅಪ್ನಾ' ಜಗದೀಪ್ ಅವರ ಇತರ ಕೆಲ ಮುಖ್ಯ ಸಿನಿಮಾಗಳು. ಮಕ್ಕಳಾದ ಜಾವೇದ್ ಜಫ್ರಿ ಮತ್ತು ನವೇದ್ ಜಫ್ರಿ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
