ಫೇಸ್‌ಬುಕ್‌ನಲ್ಲಿ ಲೈವ್‌ಗೆ ಬಂದಿದ್ದ ನಟ ದರ್ಶನ್ ಸಿನಿಮಾ ಬಿಡುಗಡೆ ದಿನಾಂಕವನ್ನು ಬಹಿರಂಗ ಪಡಿಸಿದ್ದಾರೆ. ಆ ಮೂಲಕ ಅಭಿಮಾನಿಗಳಿಗೆ ಸಂತಸ ಹಂಚಿದ್ದಾರೆ. ಇದೇ ಲೈವ್‌ನಲ್ಲಿ ಒಟಿಟಿ ವೇದಿಕೆಯ ಕುರಿತು ಮಾತನಾಡಿರುವ ದರ್ಶನ್ ‘ನಾನು ಒಟಿಟಿಗೆ ದೊಡ್ಡ ಅಭಿಮಾನಿಯಲ್ಲ. ನನಗೆ ಜನರು ದೊಡ್ಡ ಪರದೆಯ ಮೇಲೆ ಸಿನಿಮಾ ನೋಡಿ ಎಂಜಾಯ್ ಮಾಡುವುದು ಇಷ್ಟವಾಗುತ್ತದೆ. ಸಿನಿಮಾಗಳಿಗೆ ನಿರ್ಮಾಪಕರು ತುಂಬಾನೇ ಹಣ ಹೂಡಿಕೆ ಮಾಡುತ್ತಾರೆ, ಆ ಹಣ ಮರಳಿ ಬರಬೇಕು ಎಂದರೆ ದೊಡ್ಡ ಪರದೆಯ ಮೇಲೆ ಸಿನಿಮಾ ಬಿಡುಗಡೆಯಾಗಬೇಕು’ ಎಂದಿದ್ದಾರೆ.
