ನನ್ನನ್ನು ಆತ್ಮಹತ್ಯೆಯ ಸನಿಹ ದೂಡಿದ್ದ ನಿರ್ಮಾಪಕ: ಚೇತನ್‌ ಭಗತ್‌ರಿಂದ ಹೊಸ ವಿವಾದ
ಮುಂಬೈ: ಸುಶಾಂತ್ ಸಿಂಗ್‌ ರಜಪೂತ್ ಸಾವಿನ ಬೆನ್ನಲ್ಲೇ ಬಾಲಿವುಡ್‌ ಅಂಗಳದಲ್ಲಿ ವಿವಾದಿತ ಚರ್ಚೆಗಳು ಮುನ್ನೆಲೆಗೆ ಬರುತ್ತಲೇ ಇವೆ. ಹಿಂದಿ ಚಿತ್ರರಂಗದಲ್ಲಿ ಸ್ವಜನಪಕ್ಷಪಾತದ ಬಗೆಗಿನ ಮಾತುಗಳಿಗೆ ಹಲವರು ದನಿಗೂಡಿಸಿದ್ದಾರೆ. ಈ ಬೆಳವಣಿಗೆಗಳ ನಡುವೆಯೇ ಲೇಖಕ ಚೇತನ್‌ ಭಗತ್‌ ಹೊಸದೊಂದು ವಿವಾದಕ್ಕೆ ನಾಂದಿಹಾಡಿದ್ದಾರೆ.
ಬಾಲಿವುಡ್‌ ನಿರ್ಮಾಪಕ ವಿಧು ವಿನೋದ್ ಚೋಪ್ರಾ ನನ್ನನ್ನು ಆತ್ಯಹತ್ಯೆಯ ಸನಿಹ ದೂಡಿದ್ದರು ಎಂದು ಚೇತನ್‌ ಭಗತ್‌ ತಮ್ಮ ಟ್ವೀಟ್‌ನಲ್ಲಿ ಹೇಳಿಕೊಂಡಿದ್ದಾರೆ.
ಹಳೆಯ ಘಟನೆ, ಹೊಸ ವಿವಾದ, ಹಲವು ಚರ್ಚೆ: ಏನಿದರ ಹಿನ್ನೆಲೆ
ಕಳೆದ ತಿಂಗಳು ಆತ್ಮಹತ್ಯೆಗೆ ಶರಣಾದ ಸುಶಾಂತ್ ಅವರ ಕೊನೆಯ ಚಿತ್ರದ ಬಗ್ಗೆ ಬರೆದುಕೊಂಡಿದ್ದ ಚೇತನ್‌ ಭಗತ್‌ ಚಿತ್ರ ವಿಮರ್ಶಕರನ್ನು ತರಾಟೆಗೆ ತೆಗೆದುಕೊಂಡಿದ್ದರು.
'ಸುಶಾಂತ್ ಅವರ ಕೊನೆಯ ಚಿತ್ರ ಈ ವಾರ ಬಿಡುಗಡೆಯಾಗಿದೆ. ನಾನು ಈಗ ಗಣ್ಯ ವಿಮರ್ಶಕರಿಗೆ ಹೇಳಲು ಬಯಸುತ್ತೇನೆ, ಸೂಕ್ಷ್ಮವಾಗಿ ಬರೆಯಿರಿ. ತುಂಬಾ ಬುದ್ದಿವಂತರಂತೆ ವರ್ತಿಸಬೇಡಿ. ಕಸವನ್ನು ಬರೆಯಬೇಡಿ. ಸಂವೇದನಾಶೀಲರಾಗಿ. ನಿಮ್ಮ ಕೊಳಕು ತಂತ್ರ ಉಪಯೋಗಿಸುವುದನ್ನು ನಿಲ್ಲಿಸಿ. ನೀವು ಸಾಕಷ್ಟು ಬದುಕುಗಳನ್ನು ಹಾಳು ಮಾಡಿದ್ದೀರಿ. ಈಗ ಅದನ್ನು ಬಿಟ್ಟುಬಿಡಿ' ಎಂದು ಟ್ವೀಟ್‌ ಮಾಡಿದ್ದರು.
Sushant's last film releases this week. I want to tell the snob and elitist critics right now, write sensibly. Don't act oversmart. Don't write rubbish. Be fair and sensible. Don't try your dirty tricks. You have ruined enough lives. Now stop. We'll be watching.
— Chetan Bhagat (@chetan_bhagat) July 21, 2020
ಇದಕ್ಕೆ ಟ್ವೀಟ್‌ ಮೂಲಕವೇ ಪ್ರತಿಕ್ರಿಯಿಸಿದ್ದ ಚಿತ್ರ ವಿಮರ್ಶಕಿ ಅನುಪಮಾ ಚೋಪ್ರಾ 'ಪ್ರವಚನವನ್ನು ಕಡಿಮೆ ಮಾಡಲು ಸಾಧ್ಯವಿಲ್ಲವೆಂದು ಪ್ರತಿ ಬಾರಿಯೂ ನೀವು ಭಾವಿಸಿದಂತಿದ್ದೀರಿ' ಎಂದಿದ್ದರು.
Each time you think the discourse can’t get lower, it does! https://t.co/yhkBUd8VSQ
— Anupama Chopra (@anupamachopra) July 21, 2020
ವಿಧು ವಿನೋದ್ ಚೋಪ್ರಾ ಪತ್ನಿಯೂ ಆಗಿರುವ ಅನುಪಮಾ ಚೋಪ್ರಾ ಅವರಿಗೆ ತಿರುಗೇಟು ನೀಡಿರುವ ಚೇತನ್‌ ಭಗತ್‌, 'ನಿಮ್ಮ ಪತಿ ಸಾರ್ವಜನಿಕವಾಗಿ ನನ್ನನ್ನು ಬೆದರಿಸಿದಾಗ, ಅತ್ಯುತ್ತಮ ಕಥೆ ಪ್ರಶಸ್ತಿಗಳನ್ನು ನಾಚಿಕೆಯಿಲ್ಲದೆ ಪಡೆದುಕೊಂಡಾಗ, ನನ್ನ ಕಥೆಗೆ ಕ್ರೆಡಿಟ್‌ ಕೊಡಲು ನಿರಾಕರಿಸಿದಾಗ, ನನ್ನನ್ನು ಆತ್ಮಹತ್ಯೆ ಸನಿಹಕ್ಕೆ ಕರೆದೊಯ್ದಿದ್ದಾಗ ನೀವು ಬರೀ ಗಮನಿಸುತ್ತ ಸುಮ್ಮನಿದ್ದಿರಿ. ಆಗ ಎಲ್ಲಿತ್ತು ನಿಮ್ಮ ಪ್ರವಚನ' ಎಂದು ಪ್ರತಿಕ್ರಿಯಿಸಿದ್ದರು.
Ma'am, when your husband publicly bullied me, shamelessly collected all the best story awards, tried denying me credit for my story and drove me close to suicide, and you just watched, where was your discourse? https://t.co/CeVDT2oq47
— Chetan Bhagat (@chetan_bhagat) July 21, 2020
ಚೇತನ್‌ ಭಗತ್‌ರ ಈ ಹೇಳಿಕೆ ಟ್ವಿಟರ್‌ನಲ್ಲಿ ಹಲವು ಚರ್ಚೆಗಳಿಗೆ ಎಡೆಮಾಡಿಕೊಟ್ಟಿದೆ. ಚೇತನ್‌ ಭಗತ್‌ಗೆ ಕೆಲವರು ಬೆಂಬಲ ವ್ಯಕ್ತಪಡಿಸಿದ್ದಾರೆ. ಇನ್ನು ಕೆಲವರು ವಿರೋಧಿಸಿ ಟ್ವೀಟ್‌ ಮಾಡಿದ್ದಾರೆ. ವಿಧು ವಿನೋದ್ ಚೋಪ್ರಾ ಬಗ್ಗೆ ಟ್ವೀಟ್‌ ಮಾಡುತ್ತಿದ್ದಂತೆ ಚೇತನ್‌ ಭಗತ್‌ ಹೆಸರು ಟ್ವಿಟರ್‌ನಲ್ಲಿ ಟ್ರೆಂಡ್‌ ಆಗಿದೆ.
And as a public figure, you think it's okay to threaten professionals for doing their job? YOU need to tweet sensibly first. You are just playing to the gallery. Shame on you
— Shomini Sen (@shominisen) July 21, 2020
I am always astonished about how much hate people show Bhagat for being a popular commercial writer - I never see dan brown or Jeffrey archer etc getting this hate in the west. https://t.co/OxyaID5Zeu
— Chiki Sarkar (@Chikisarkar) July 21, 2020
"Write sensibly." What a world we'd have if Mr Bhagat even remotely practiced what he preached. https://t.co/HfWYANtkgN
— Raja Sen (@RajaSen) July 21, 2020
Thanks @chetan_bhagat but it was so clear that they had wronged you and were arrogant enough to believe that nobody would dare point this out.
— vir sanghvi (@virsanghvi) July 21, 2020
You behaved with style & grace despite grave provocation.👍 https://t.co/ce9veB0dMQ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.