‘ಡಾರ್ಲಿಂಗ್ಸ್‘ನಲ್ಲಿ ಆಲಿಯಾ ಪರಿಣಯ; ಅಭಿಮಾನಿಗಳಲ್ಲಿ ಹೆಚ್ಚಾಯ್ತು ಕುತೂಹಲ
ಮುಂಬೈ: ಆ ಕಾಯುವಿಕೆ ಕೊನೆಗೂ ಕೊನೆಗೊಂಡಿದೆ! ಹೌದು, ನಟಿಆಲಿಯಾ ಭಟ್ ನಿರ್ಮಾಣ ಮಾಡಿರುವ ಮೊದಲ ಸಿನಿಮಾ ‘ಡಾರ್ಲಿಂಗ್ಸ್‘ ಚಿತ್ರದ ಬಹುನಿರೀಕ್ಷಿತ ಟೀಸರ್ ಬಿಡುಗಡೆಯಾಗಿದೆ.
1 ನಿಮಿಷ 40 ಸೆಕೆಂಡುಗಳ ಈ ಟೀಸರ್ ಸಾಮಾಜಿಕ ಮಾಧ್ಯಮಗಳಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಬಿಡುಗಡೆಗೊಂಡು ಕೆಲವೇ ನಿಮಿಷಗಳಲ್ಲಿ ಲಕ್ಷಾಂತರ ವೀಕ್ಷಣೆ ಕಂಡಿದೆ.
ಆಲಿಯಾ ಭಟ್, ಶೆಫಾಲಿ ಶಾ ಮತ್ತು ವಿಜಯ್ ವರ್ಮಾ ಅವರು ರೋಮಾಂಚನ ಸವಾರಿಯಲ್ಲಿ ಕಾಣಿಸಿಕೊಂಡಿದ್ದಾರೆ.ಡಾರ್ಕ್ ಕಾಮಿಡಿಯ (ವಿಡಂಬನಾತ್ಮಕ) ಈ ಚಿತ್ರದಲ್ಲಿ ಆಲಿಯಾ ಭಟ್ ಅವರು ಕಪ್ಪೆ ಮತ್ತು ಚೇಳುಗಳ ಬಗ್ಗೆ ಕಥೆ ಹೇಳುವುದರೊಂದಿಗೆ ಟೀಸರ್ ಪ್ರಾರಂಭವಾಗುತ್ತದೆ. ಹಾಗೇ ಆಲಿಯಾ, ವಿಜಯ್ ನಡುವಿನ ಕೆಲವು ಪ್ರಣಯದ ಕ್ಷಣಗಳಿಗೂ ಟೀಸರ್ ಸಾಕ್ಷಿಯಾಗಿದೆ.
ನಟಿ ಶೆಫಾಲಿ ಶಾ ‘ಡಾರ್ಲಿಂಗ್ಸ್‘ ಸಿನಿಮಾದ ಟೀಸರ್ ಹಂಚಿಕೊಂಡಿದ್ದಾರೆ. ಈ ಸಿನಿಮಾವನ್ನು ಆಗಸ್ಟ್‌ 5ರಂದು ಒಟಿಟಿ ವೇದಿಕೆ ನೆಟ್‌ಪಿಕ್ಸ್‌ನಲ್ಲಿ ವೀಕ್ಷಣೆ ಮಾಡಬಹುದು ಎಂದು ಹೇಳಿದ್ದಾರೆ.
Kya ek meindak aur bichhoo dost ho sakte hain?
— Shefali Shah (@ShefaliShah_) July 5, 2022
Darlings, watch on 5th August, only on Netflix. #Darlings #DarlingsOnNetflix@aliaa08 @MrVijayVarma @roshanmathew22
Directed by @djasmeet
Produced by @gaurikhan @aliaa08 @_GauravVerma
Written by @djasmeet and #ParveezShaikh pic.twitter.com/ajj8GvUtvk
‘ಡಾರ್ಲಿಂಗ್ಸ್‘ ಸಿನಿಮಾವನ್ನುನೆಟ್‌ಪ್ಲಿಕ್ಸ್‌ ಒಟಿಟಿ ವೇದಿಕೆಯು ₹ 75 ಕೋಟಿಗೆ ಖರೀದಿ ಮಾಡಿದೆ ಎಂದು ಚಿತ್ರತಂಡದ ಅಧಿಕೃತ ಮೂಲಗಳು ತಿಳಿಸಿವೆ.
ಪರ್ವೀಜ್ ಶೇಖ್ ಚಿತ್ರಕಥೆ ಬರೆದಿದ್ದಾರೆ. ಜಸ್ಮೀತ್ ಕೆ ರೀನ್ ಅವರ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ.
ಓದಿ...
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.