ಕ್ರಿಕೆಟ್‌ ದಿಗ್ಗಜ ಎಂ.ಎಸ್‌. ಧೋನಿ ಮತ್ತು ಅವರ ಪತ್ನಿ ಸಾಕ್ಷಿ ಧೋನಿ ತಮಿಳು ಚಿತ್ರ 'ಎಲ್‌ಜಿಎಮ್‌' ಮೂಲಕ ನಿರ್ಮಾಪಕರಾಗಿ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ಇತ್ತೀಚೆಗೆ ಚೆನ್ನೈನಲ್ಲಿ ಚಿತ್ರದ ಆಡಿಯೊ ಬಿಡುಗಡೆಯಾಗಿದೆ.
ಎಲ್‌ಜಿಎಮ್‌ (ಲೆಟ್ಸ್‌ ಗೆಟ್‌ ಮ್ಯಾರೀಡ್‌) ಚಿತ್ರದ ಮೂಲಕ ತಮ್ಮ ಸಿನಿ ಜರ್ನಿಯನ್ನು ಪ್ರಾರಂಭಿಸಿರುವ ಧೋನಿ, ಕೇಕ್‌ ಕತ್ತರಿಸುವ ಮೂಲಕ ಅದ್ಧೂರಿಯಾಗಿ ಚಿತ್ರದ ಆಡಿಯೊ ಬಿಡುಗಡೆ ಮಾಡಿದ್ದಾರೆ. ಈ ವೇಳೆ ಹಲವಾರು ಕಲಾವಿದರು ಭಾಗವಹಿಸಿದ್ದರು.
ಕೇಕ್‌ ಕತ್ತರಿಸುವ ವೇಳೆ ನಟ ಯೋಗಿ ಬಾಬು ಮತ್ತು ಧೋನಿ ನಡುವೆ ತಮಾಷೆಯ ಸನ್ನಿವೇಶ ನಡೆದಿದೆ. ಕೇಕ್‌ ಕತ್ತರಿಸಿದ ಧೋನಿ ಕೇಕ್‌ ತುಂಡೊಂದನ್ನು ಎತ್ತಿಕೊಂಡರು. ಧೋನಿ ಅವರು ತನಗೆ ತಿನ್ನಿಸುತ್ತಾರೆ ಎಂಬ ನಿರೀಕ್ಷೆಯಲ್ಲಿದ್ದ ಯೋಗಿ ಬಾಬು ಅವರಿಗೆ ಕೇಕ್‌ ತಿನ್ನಿಸದೇ ಧೋನಿ ಅವರೇ ಅದನ್ನು ತಿಂದಿದ್ದರು.
