ಮೆಕ್ಯಾನಿಕಲ್ ಎಂಜಿನಿಯರಿಂಗ್ ಮುಗಿಸಿರುವ ರಣವ್, ಸಿನಿಮಾ ಕನಸಿನಿಂದ ನಟನೆ ತರಬೇತಿ ಪಡೆದುಕೊಂಡಿದ್ದಾರೆ. ‘ಈಗಾಗಲೇ ನಾಲ್ಕೈದು ಸಿನಿಮಾ ಒಪ್ಪಿಕೊಂಡಿರುವೆ. ನಾವೇ ಎಲ್ಲವನ್ನೂ ಹೇಳಿಕೊಂಡರೆ ಚೆನ್ನಾಗಿರುವುದಿಲ್ಲ. ಸಿನಿಮಾ ತಂಡಗಳೇ ಅಧಿಕೃತವಾಗಿ ಘೋಷಿಸುತ್ತವೆ. ಪ್ರತಿ ನಟನ ಕನಸೂ ನಾಯಕನಾಗುವುದು. ಮೊದಲು ಖಳನಾಯಕನಾಗಿ ನೆಲಯೂರಬೇಕಿದೆ. ಸಿನಿಮಾಗಾಗಿಯೇ ಬದುಕಿನಲ್ಲಿ ಬೇರೆಲ್ಲ ದೂರ ಇಟ್ಟಿರುವೆ’ ಎಂದು ತಮ್ಮೊಳಗಿನ ಸಿನಿಮಾ ಹಂಬಲ ಹಂಚಿಕೊಂಡರು.
