ಶುಕ್ರವಾರ, ಜುಲೈ 30, 2021
28 °C

ಗಲ್ಫ್‌ ಕನ್ನಡಿಗರ ಜತೆ ಸುದೀಪ್‌ ಮಾತುಕತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸುದೀಪ್‌ ಸಂವಾದದ ಪೋಸ್ಟರ್‌

ಸಾಗರೋತ್ತರ ಕನ್ನಡಿಗ ಅಭಿಮಾನಿಗಳ ಜತೆಗೆ ಸ್ಯಾಂಡಲ್‌ವುಡ್‌ನ ಅಭಿನಯ ಚಕ್ರವರ್ತಿ ಸುದೀಪ್‌ ನಿರಂತರವಾಗಿ ಸಂವಾದ ನಡೆಸಲು ಆರಂಭಿಸಿದ್ದಾರೆ. ಜೂ.13ರಂದು ಯುನೈಟೆಡ್‌ ಕಿಂಗ್‌ಡಮ್‌ನಲ್ಲಿರುವ ಕನ್ನಡ ಬಳಗ ಆಯೋಜಿಸಿದ್ದ ‘ನನ್ನ ಪಯಣ’ ಎಂಬ ಆನ್‌ಲೈನ್‌ ವರ್ಚ್ಯುವಲ್‌ ಮೀಟಿಂಗ್‌ನಲ್ಲಿ ಸುದೀಪ್‌ ಅಭಿಮಾನಿಗಳೊಂದಿಗೆ ಮುಕ್ತಮಾತುಕತೆ ನಡೆಸಿದ್ದರು. ಅಮೆರಿಕ, ಆಸ್ಟ್ರೇಲಿಯಾ, ಸಿಂಗಪುರ ಸೇರಿ ಸುಮಾರು 18 ರಾಷ್ಟ್ರಗಳಲ್ಲಿನ ಕನ್ನಡಿಗರು ಈ ಸಂವಾದದಲ್ಲಿ ಪಾಲ್ಗೊಂಡಿದ್ದರು. ಅಭಿಮಾನಿಗಳು ತೋರಿಸಿದ ಪ್ರೀತಿ, ಮೆಚ್ಚುಗೆ, ಅಭಿಮಾನದ ಮಾತುಗಳಿಗೆ ಕಿಚ್ಚ ಫಿದಾ ಆಗಿದ್ದಾರಂತೆ. 

ಇದೇ ಶುಕ್ರವಾರ (ಜೂ.19ರಂದು) ಗಲ್ಫ್‌ ಕನ್ನಡಿಗರ ಜೊತೆ ಕಿಚ್ಚನ ಮಾತುಕತೆ ನಡೆಯಲಿದೆ. ಅಂದು ಸಂಜೆ 5 ಗಂಟೆಗೆ ಕುವೈತ್‌, ಕತಾರ್‌, ಬರೈನ್‌, ಸೌದಿ ಅರೆಬಿಯಾ, ಸಂಜೆ 6 ಗಂಟೆಗೆ ದುಬೈ, ಒಮನ್‌, ಯುಎಇಯಲ್ಲಿರುವ ಅಭಿಮಾನಿಗಳೊಂದಿಗೆ ಆನ್‌ಲೈನ್‌ನಲ್ಲಿ ಸಂವಾದ ನಡೆಸಲಿದ್ದಾರೆ. ಹೊರ ರಾಷ್ಟ್ರಗಳಲ್ಲಿರುವ ಅಭಿಮಾನಿಗಳೊಂದಿಗೆ (ಭಾರತೀಯ ಕಾಲಮಾನ ಸಂಜೆ 7.30) ಕಿಚ್ಚ ತಮ್ಮ ಮನದ ಮಾತು ಬಿಚ್ಚಿಡಲಿದ್ದಾರೆ.

ಹಾಗೆಯೇ ಕಿಚ್ಚ ಅಭಿನಯಿಸುತ್ತಿರುವ ಬಹು ನಿರೀಕ್ಷಿತ ಚಿತ್ರ ‘ಫ್ಯಾಂಟಮ್’ ಶೂಟಿಂಗ್‌ ಹೈದರಾಬಾದ್‌ನ ಅನ್ನಪೂರ್ಣ ಸ್ಟುಡಿಯೋದಲ್ಲಿ ಜುಲೈ 1ರಿಂದ ಶುರುವಾಗಲಿದೆ. ಸಾಮಾಜಿಕ ಅಂತರ ಕಾಯ್ದುಕೊಂಡು, ಅಗತ್ಯ ಮುನ್ನೆಚ್ಚರಿಕೆಯೊಂದಿಗೆ ಶೂಟಿಂಗ್‌ ಶುರುಮಾಡಲು ಒಪ್ಪಿಕೊಂಡಿದ್ದಾರೆ ಎನ್ನುತ್ತಾರೆ ಸುದೀಪ್‌ ಅವರ ಮ್ಯಾನೇಜರ್‌ ಮತ್ತು ಫ್ಯಾಂಟಮ್‌ ಚಿತ್ರದ ನಿರ್ಮಾಪಕ ಜಾಕ್‌ ಮಂಜು.

‘ಕೋಟಿಗೊಬ್ಬ 3’ ಚಿತ್ರದ ಶೂಟಿಂಗ್‌ ಪೂರ್ಣಗೊಂಡಿದೆ. ಚಿತ್ರೀಕರಣೋತ್ತರದ ಸಣ್ಣಪುಟ್ಟ ಕೆಲಸಗಳು ಬಾಕಿ ಇವೆ. ಈ ಚಿತ್ರದ ಒಂದು ಹಾಡನ್ನು ಈಗಾಗಲೇ ಬಿಡುಗಡೆ ಮಾಡಿದ್ದು, ಅಭಿಮಾನಿಗಳು ಖುಷಿಯಾಗಿದ್ದಾರೆ. ಇನ್ನೊಂದು ಅದ್ಧೂರಿ ಹಾಡನ್ನು ಸದ್ಯದಲ್ಲೇ ಬಿಡುಗಡೆ ಮಾಡುವ ಯೋಜನೆಯೂ ಇದೆ ಎನ್ನುವ ಮಾತು ಸೇರಿಸಿದರು ಮಂಜು. 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು