ಬೆಂಗಳೂರು: ನಟಿ ಕೃತಿ ಸನೊನ್ ಗರ್ಭಿಣಿಯಾಗಿದ್ದಾರೆ. ಅದು ಕೂಡ ಬಾಡಿಗೆ ತಾಯಿಯಾಗಿ.. ತಮ್ಮ ಹೊಸ ಚಿತ್ರ ‘ಮಿಮಿ’ ಫಸ್ಟ್ ಲುಕ್ ಪೋಸ್ಟರ್ ಅನ್ನು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಬಾಡಿಗೆ ತಾಯ್ತನದ ವಿಚಾರ ಹೊಂದಿರುವ ಚಿತ್ರ ‘ಮಿಮಿ’ಯಲ್ಲಿ ಕೃತಿ ಮುಖ್ಯ ಪಾತ್ರ ವಹಿಸುತ್ತಿದ್ದಾರೆ.
ತುಂಬು ಗರ್ಭಿಣಿಯಾಗಿ ಇರುವ ಚಿತ್ರವನ್ನು ನಟಿ ಕೃತಿ ಪೋಸ್ಟ್ ಮಾಡಿದ್ದು, ನೀವು ಅಂದುಕೊಂಡಿರುವಂತೆ ಏನೂ ಇಲ್ಲ ಎಂಬ ಅಡಿಬರಹ ಕೂಡ ನೀಡಿದ್ದಾರೆ.
ಅಲ್ಲದೆ, ‘ಮಿಮಿ’ ಕುರಿತು ಇನ್ನಷ್ಟು ವಿವರಗಳನ್ನು ಶೀಘ್ರದಲ್ಲೇ ಹಂಚಿಕೊಳ್ಳುತ್ತೇನೆ ಎಂದು ನಟಿ ಕೃತಿ ಹೇಳಿದ್ದಾರೆ.
