'ನಿಮ್ಮ ಜೀವನದಲ್ಲಿ ಅದೇ ಘಟನೆಗಳು ಮತ್ತೆ ಮತ್ತೆ ಆದಂತೆ ನಿಮಗೆ ಅನಿಸಿದ್ಯಾ?' ಎಂಬ ಅರ್ಥದಲ್ಲಿರುವ ಡೈಲಾಗ್ ಮೂಲಕ ಟೀಸರ್ ತೆರೆದುಕೊಳ್ಳುತ್ತದೆ. ಪೊಲೀಸ್ ವಾಹನ, ಡೆಲಿವರಿ ಬಾಯ್ನ ಬೈಕ್ ನಡುವೆ ಅಪಘಾತ; ಆತಂಕ, ಫೋನ್ ಕರೆ, ಕನಸು,....ಹೀಗೆ ಪಟಪಟನೆ ದೃಶ್ಯ ಸರಣಿ ಹಿಂದೆ–ಮುಂದೆ ಚಲಿಸಿ ನಿಲ್ಲುತ್ತವೆ. ಬಿಡಿಸಲಾಗದ ಅಪರಾಧ ಕೃತ್ಯದಲ್ಲಿ ಸಿಕ್ಕಿ ಕೊಂಡಿರುವರೇ ಅಥವಾ ಕಲ್ಪನೆಯಲ್ಲಿ ಮುಳುಗಿರುವರೇ? ಎಲ್ಲವೂ ಭ್ರಮೆಯೇ,...ಎಂಬೆಲ್ಲ ಯೋಚನೆಗಳು ಟೀಸರ್ ಜೊತೆಗೆ ಸುಳಿದಾಡುತ್ತವೆ.