ಸಂಜೋತಾ ಭಂಡಾರಿ ನಿರ್ದೇಶನದ ‘ಲಂಗೋಟಿ ಮ್ಯಾನ್’ ಸೆ.20ಕ್ಕೆ ಬಿಡುಗಡೆ

‘ಸಿನಿಮಾ ಬಟ್ಟೆ ಕುರಿತಾದ ಕಥೆ ಹೊಂದಿದೆ. ಮನುಷ್ಯರು ಬಟ್ಟೆ ಧರಿಸಲು ಪ್ರಾರಂಭವಾಗಿದ್ದು ಲಂಗೋಟಿಯಿಂದ. ಅದಕ್ಕಾಗಿಯೇ ಈ ಶೀರ್ಷಿಕೆ ಇಡಲಾಗಿದೆ. ಎಲ್ಲ ಜಾತಿ, ಧರ್ಮದವರು ಲಂಗೋಟಿ ತೊಡುತ್ತಾರೆ. ಹೀಗಾಗಿ ಯಾರನ್ನು ನೋಯಿಸುವ ಉದ್ದೇಶ ಇಲ್ಲ. ಯುವಕರನ್ನು ಕೇಂದ್ರಿಕೃತವಾಗಿರುವ ಹಾಸ್ಯಮಯ ಚಿತ್ರ. ಈ ಚಿತ್ರದ ವಿಶೇಷವೆಂದರೆ ತಂಡದಲ್ಲಿ ಸಾಕಷ್ಟು ಮಹಿಳಾ ತಂತ್ರಜ್ಞರಿದ್ದಾರೆ’ ಎನ್ನುತ್ತಾರೆ ಸಂಜೋತ.

‘ಸಿಂಗಾರ ಸಿರಿಯೇ...’ ಖ್ಯಾತಿಯ ಪ್ರಮೋದ್ ಮರವಂತೆ ‘ಲಂಗೋಟಿ’ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ಸುಮೆದ್ ಕೆ ಸಂಗೀತ ಸಂಯೋಜಿಸಿದ್ದಾರೆ. ಚೇತನ್ ನಾಯ್ಕ್ ಹಾಗೂ ಸುಮೆದ್ ಈ ಹಾಡಿಗೆ ದನಿಗೂಡಿಸಿದ್ದು.

ತನು ಟಾಕೀಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗಿದೆ. ಆಕಾಶ್ ರ‍್ಯಾಂಬೋ, ಸ್ನೇಹ ಖುಷಿ, ಸಂಹಿತಾ ವಿನ್ಯಾ, ಧೀರೇಂದ್ರ, ಮಹಾಲಕ್ಷ್ಮಿ, ಹುಲಿ ಕಾರ್ತಿಕ್‌ ಮುಂತಾದವರು ಚಿತ್ರದಲ್ಲಿದ್ದಾರೆ.