‘ಲವ್‌ ಯೂ ರಚ್ಚು’ ಸಿನಿಮಾ ದುರಂತ: ನಟ ಅಜಯ್ ರಾವ್‌ ವಿಚಾರಣೆ

ಈ ಸಂದರ್ಭ ಪತ್ರಕರ್ತರ ಜೊತೆ ಮಾತನಾಡಿದ ಅಜಯ್‌ ‘ನಾನು ಯಾರಿಗೂ ಹೆದರಿಕೊಂಡು ಜಾಮೀನಿಗೆ ಅರ್ಜಿ ಸಲ್ಲಿಸಿಲ್ಲ. ಅದರ ಅಗತ್ಯವೂ ಇಲ್ಲ. ಆದರೆ ನನ್ನನ್ನೇ ನಂಬಿಕೊಂಡು ಹಲವು ಚಲನಚಿತ್ರ ನಿರ್ಮಾಪಕರು ಕೋಟ್ಯಾಂತರ ರೂಪಾಯಿ ಬಂಡವಾಳ ಹೂಡಿದ್ದಾರೆ. ಕೃಷ್ಣ ಟಾಕೀಸ್‌ ಮತ್ತೆ ಬಿಡುಗಡೆ ಆಗುತ್ತಿದ್ದು, ಶೋಕಿವಾಲಾ ಸಿನಿಮಾ ಬಿಡುಗಡೆಗೆ ಸಿದ್ಧತೆ ನಡೆದಿದೆ. ಲವ್‌ ಯೂ ರಚ್ಚು ಸಿನಿಮಾ ಬಳಿಕ ಇನ್ನೊಂದು ಚಿತ್ರಕ್ಕೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದೇನೆ. ಅವರಿಗೆಲ್ಲ ತೊಂದರೆ ಆಗಬಾರದು ಎನ್ನುವ ಕಾರಣಕ್ಕೆ ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಸಲ್ಲಿಸಿದ್ದೇನೆ’ ಎಂದು ತಿಳಿಸಿದರು.

ವಿಡಿಯೊ ನೋಡಿ:‘ಲವ್‌ ಯೂ ರಚ್ಚು’ ದುರಂತ: ಸ್ಥಳದಲ್ಲಿರಲಿಲ್ಲ ಎಂದು ಎಲ್ಲಿಯೂ ಹೇಳಿಲ್ಲ, ಅಜಯ್ ರಾವ್

ಗಾಯಾಳು ರಂಜಿತ್‌ ಹೇಳಿಕೆ ಕುರಿತು ಪ್ರತಿಕ್ರಿಯೆ ನೀಡಿದ ಅಜಯ್ ‘ಕೆಲವರು ಉದ್ದೇಶಪೂರ್ವಕವಾಗಿ ರಂಜಿತ್‌ಗೆ ತಪ್ಪು ಮಾಹಿತಿ ನೀಡಿದ್ದಾರೆ. ನಾನು ಸ್ಥಳದಲ್ಲಿ ಇರಲಿಲ್ಲ ಎಂದು ಎಲ್ಲಿಯೂ ಹೇಳಿಲ್ಲ. ಸೆಟ್‌ನಲ್ಲಿ ಹುಡುಗ ಬಿದ್ದ ನಂತರ ನಿಮಿಷದ ಬಳಿಕ ನಾನು ಸ್ಥಳಕ್ಕೆ ತೆರಳಿ ವೀಕ್ಷಿಸಿದೆ. ಅಷ್ಟರಲ್ಲಿ ಆಗಲೇ ಹಲವರು ಸಹಾಯಕ್ಕೆ ಧಾವಿಸಿದ್ದರು. ಮಾನವೀಯತೆ ದೃಷ್ಟಿಯಿಂದ ಇಡೀ ಚಿತ್ರತಂಡ ಸ್ಪಂದಿಸಿದೆ. ಸಾಕ್ಷ್ಯ ನಾಶಕ್ಕೆ ಪ್ರಯತ್ನ ಮಾಡಿಲ್ಲ.’ ಎಂದರು.

‘ಘಟನೆ ನಂತರ ನಿರ್ಮಾಪಕರು ನನ್ನ ಸಂಪರ್ಕಕ್ಕೆ ಸಿಕ್ಕಿಲ್ಲ. ನೊಂದ ಕುಟುಂಬಗಳಿಗೆ ಖಂಡಿತವಾಗಿಯೂ ನಾವೆಲ್ಲ ಕೈಲಾದ ಸಹಾಯ ಮಾಡುತ್ತೇವೆ. ಪೊಲೀಸರು ಮುಂದೆಯೂ ವಿಚಾರಣೆಗೆ ಕರೆದರೆ ಬರುತ್ತೇನೆ’ ಎಂದರು.

ಯುವಕ–ಯುವತಿ ರಾತ್ರಿವೇಳೆ ನಿರ್ಜನ ಪ್ರದೇಶಕ್ಕೆ ಹೋಗಬಾರದಿತ್ತು: ಸಚಿವ ಜ್ಞಾನೇಂದ್ರ