<p><strong>ನವದೆಹಲಿ:</strong> ಬಾಲಿವುಡ್ ಗಾಯಕಿ ನೇಹಾ ಕಕ್ಕರ್ ಅವರು ಆಸ್ಟ್ರೇಲಿಯಾದ ಮೆಲ್ಬರ್ನ್ನಲ್ಲಿ ಆಯೋಜಿಸಿದ್ದ ಸಂಗೀತ ಕಾರ್ಯಕ್ರಮಕ್ಕೆ 3 ತಾಸು ತಡವಾಗಿ ಬಂದ ಕಾರಣ ಪ್ರೇಕ್ಷಕರು ಆಕ್ರೊಶ ಹೊರಹಾಕಿದ್ದಾರೆ. ಇದರಿಂದ ನೇಹಾ ವೇದಿಕೆ ಮೇಲೆಯೇ ಗಳಗಳನೆ ಅತ್ತಿದ್ದಾರೆ.</p><p>ಸಾಮಾಜಿಕ ಮಾಧ್ಯಮದಲ್ಲಿ ಬಳಕೆದಾರರು ಕೆಲವು ವಿಡಿಯೊಗಳನ್ನು ಹಂಚಿಕೊಂಡಿದ್ದಾರೆ. ವಿಡಿಯೊದಲ್ಲಿ ನೇಹಾ ವೇದಿಕೆಗೆ ಬರುತ್ತಿದ್ದಂತೆ ಪ್ರೇಕ್ಷಕರು ಬೊಬ್ಬೆ ಹಾಕಿದ್ದಾರೆ, ಕೆಲವರು ‘ವಾಪಸ್ ಹೋಗಿ’ ಎಂದು ಕಿರುಚಿದ್ದಾರೆ ಅದನ್ನು ನೋಡಿ ನೇಹಾ ಏಕಾಏಕಿ ಅಳಲು ಆರಂಭಿಸಿರುವುದನ್ನು ಕಾಣಬಹುದು.</p><p>‘ನೀವೆಲ್ಲಾ ಬಹಳ ತಾಳ್ಮೆಯಿಂದ ಕಾದಿದ್ದೀರಿ, ನಾನು ಜೀವನದಲ್ಲಿ ಯಾರನ್ನೂ ನನಗಾಗಿ ಕಾಯುವಂತೆ ಮಾಡಿಲ್ಲ, ಅದನ್ನು ದ್ವೇಷಿಸುತ್ತೇನೆ ಕೂಡ. ನನ್ನನ್ನು ಕ್ಷಮಿಸಿ. ನೀವೇ ನನ್ನ ಪ್ರಪಂಚ. ಈಗ ಆಗಿರುವುದಕ್ಕೆ ನನಗೆ ಬೇಸರವಿದೆ. ಈ ಕಾರ್ಯಕ್ರಮವನ್ನು ಎಂದಿಗೂ ಮರೆಯುವುದಿಲ್ಲ. ನನಗಾಗಿ ನಿಮ್ಮ ಅಮೂಲ್ಯ ಸಮಯವನ್ನು ಮೀಸಲಿಟ್ಟಿದ್ದೀರಿ. ಅದಕ್ಕಾಗಿ ನೀವು ನೃತ್ಯ ಮಾಡುವಂತೆ ರಂಜಿಸುತ್ತೇನೆ’ ಎಂದು ನೇಹಾ ವೇದಿಕೆ ಮೇಲೆ ಹೇಳಿದ್ದಾರೆ.</p><p>ನೇಹಾ ಕ್ಷಮೆ ಕೇಳಿದರೂ ಪ್ರೇಕ್ಞಕರು ಅದನ್ನು ಒಪ್ಪಿಕೊಳ್ಳದೆ ಕಿರುಚಾಡಿದ್ದಾರೆ.</p><p>ಪ್ರೇಕ್ಷಕರೊಬ್ಬರು, ‘ಇದು ಭಾರತವಲ್ಲ, ನೀವು ಆಸ್ಟ್ರೇಲಿಯಾದಲ್ಲಿದ್ದೀರಿ. ವಾಪಸ್ ಹೋಗಿ ವಿಶ್ರಾಂತಿ ತೆಗೆದುಕೊಳ್ಳಿ. ನಾವು ಇಷ್ಟುಹೊತ್ತು ಕಾದಿದ್ದೇವೆ. ಒಳ್ಳೆಯ ನಟನೆ ಮಾಡಿದ್ದೀರಿ, ಆದರೆ ಇದು ಇಂಡಿಯನ್ ಐಡಲ್ ಸ್ಪರ್ಧೆಯಲ್ಲ’ ಎಂದಿದ್ದಾರೆ. </p><p>ಇನ್ನೊಬ್ಬ ಬಳಕೆದಾರ, ನೇಹಾ ವೇದಿಕೆ ಮೇಲೆ ನಿಂತು ಅಳುತ್ತಿರುವ ಫೋಟೊ ಶೇರ್ ಮಾಡಿಕೊಂಡು, ‘ಸಂಜೆ7.30ರ ಕಾರ್ಯಕ್ರಮಕ್ಕೆ ರಾತ್ರಿ 10 ಗಂಟೆಗೆ ಬಂದಿದ್ದಾರೆ. ಬಳಿಕ ಅಳುವ ನಾಟಕವಾಡಿದ್ದಾರೆ. ನಂತರ ಒಂದು ಗಂಟೆಯೊಳಗೆ ಕಾರ್ಯಕ್ರಮ ಮುಗಿಸಿದ್ದಾರೆ. ಎಷ್ಟು ಕೆಟ್ಟ ಸಂಗೀತ ಕಾರ್ಯಕ್ರಮ’ ಎಂದು ಬರೆದುಕೊಂಡಿದ್ದಾರೆ. </p><p>ಮತ್ತೊಬ್ಬರು, ನೇಹಾ ಕಕ್ಕರ್ ಸಂಗೀತ ಕಾರ್ಯಕ್ರಮಕ್ಕೆ ಬರುವುದು ‘ಹಣ ಮತ್ತು ಸಮಯ ವ್ಯರ್ಥ’ ಎಂದು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಬಾಲಿವುಡ್ ಗಾಯಕಿ ನೇಹಾ ಕಕ್ಕರ್ ಅವರು ಆಸ್ಟ್ರೇಲಿಯಾದ ಮೆಲ್ಬರ್ನ್ನಲ್ಲಿ ಆಯೋಜಿಸಿದ್ದ ಸಂಗೀತ ಕಾರ್ಯಕ್ರಮಕ್ಕೆ 3 ತಾಸು ತಡವಾಗಿ ಬಂದ ಕಾರಣ ಪ್ರೇಕ್ಷಕರು ಆಕ್ರೊಶ ಹೊರಹಾಕಿದ್ದಾರೆ. ಇದರಿಂದ ನೇಹಾ ವೇದಿಕೆ ಮೇಲೆಯೇ ಗಳಗಳನೆ ಅತ್ತಿದ್ದಾರೆ.</p><p>ಸಾಮಾಜಿಕ ಮಾಧ್ಯಮದಲ್ಲಿ ಬಳಕೆದಾರರು ಕೆಲವು ವಿಡಿಯೊಗಳನ್ನು ಹಂಚಿಕೊಂಡಿದ್ದಾರೆ. ವಿಡಿಯೊದಲ್ಲಿ ನೇಹಾ ವೇದಿಕೆಗೆ ಬರುತ್ತಿದ್ದಂತೆ ಪ್ರೇಕ್ಷಕರು ಬೊಬ್ಬೆ ಹಾಕಿದ್ದಾರೆ, ಕೆಲವರು ‘ವಾಪಸ್ ಹೋಗಿ’ ಎಂದು ಕಿರುಚಿದ್ದಾರೆ ಅದನ್ನು ನೋಡಿ ನೇಹಾ ಏಕಾಏಕಿ ಅಳಲು ಆರಂಭಿಸಿರುವುದನ್ನು ಕಾಣಬಹುದು.</p><p>‘ನೀವೆಲ್ಲಾ ಬಹಳ ತಾಳ್ಮೆಯಿಂದ ಕಾದಿದ್ದೀರಿ, ನಾನು ಜೀವನದಲ್ಲಿ ಯಾರನ್ನೂ ನನಗಾಗಿ ಕಾಯುವಂತೆ ಮಾಡಿಲ್ಲ, ಅದನ್ನು ದ್ವೇಷಿಸುತ್ತೇನೆ ಕೂಡ. ನನ್ನನ್ನು ಕ್ಷಮಿಸಿ. ನೀವೇ ನನ್ನ ಪ್ರಪಂಚ. ಈಗ ಆಗಿರುವುದಕ್ಕೆ ನನಗೆ ಬೇಸರವಿದೆ. ಈ ಕಾರ್ಯಕ್ರಮವನ್ನು ಎಂದಿಗೂ ಮರೆಯುವುದಿಲ್ಲ. ನನಗಾಗಿ ನಿಮ್ಮ ಅಮೂಲ್ಯ ಸಮಯವನ್ನು ಮೀಸಲಿಟ್ಟಿದ್ದೀರಿ. ಅದಕ್ಕಾಗಿ ನೀವು ನೃತ್ಯ ಮಾಡುವಂತೆ ರಂಜಿಸುತ್ತೇನೆ’ ಎಂದು ನೇಹಾ ವೇದಿಕೆ ಮೇಲೆ ಹೇಳಿದ್ದಾರೆ.</p><p>ನೇಹಾ ಕ್ಷಮೆ ಕೇಳಿದರೂ ಪ್ರೇಕ್ಞಕರು ಅದನ್ನು ಒಪ್ಪಿಕೊಳ್ಳದೆ ಕಿರುಚಾಡಿದ್ದಾರೆ.</p><p>ಪ್ರೇಕ್ಷಕರೊಬ್ಬರು, ‘ಇದು ಭಾರತವಲ್ಲ, ನೀವು ಆಸ್ಟ್ರೇಲಿಯಾದಲ್ಲಿದ್ದೀರಿ. ವಾಪಸ್ ಹೋಗಿ ವಿಶ್ರಾಂತಿ ತೆಗೆದುಕೊಳ್ಳಿ. ನಾವು ಇಷ್ಟುಹೊತ್ತು ಕಾದಿದ್ದೇವೆ. ಒಳ್ಳೆಯ ನಟನೆ ಮಾಡಿದ್ದೀರಿ, ಆದರೆ ಇದು ಇಂಡಿಯನ್ ಐಡಲ್ ಸ್ಪರ್ಧೆಯಲ್ಲ’ ಎಂದಿದ್ದಾರೆ. </p><p>ಇನ್ನೊಬ್ಬ ಬಳಕೆದಾರ, ನೇಹಾ ವೇದಿಕೆ ಮೇಲೆ ನಿಂತು ಅಳುತ್ತಿರುವ ಫೋಟೊ ಶೇರ್ ಮಾಡಿಕೊಂಡು, ‘ಸಂಜೆ7.30ರ ಕಾರ್ಯಕ್ರಮಕ್ಕೆ ರಾತ್ರಿ 10 ಗಂಟೆಗೆ ಬಂದಿದ್ದಾರೆ. ಬಳಿಕ ಅಳುವ ನಾಟಕವಾಡಿದ್ದಾರೆ. ನಂತರ ಒಂದು ಗಂಟೆಯೊಳಗೆ ಕಾರ್ಯಕ್ರಮ ಮುಗಿಸಿದ್ದಾರೆ. ಎಷ್ಟು ಕೆಟ್ಟ ಸಂಗೀತ ಕಾರ್ಯಕ್ರಮ’ ಎಂದು ಬರೆದುಕೊಂಡಿದ್ದಾರೆ. </p><p>ಮತ್ತೊಬ್ಬರು, ನೇಹಾ ಕಕ್ಕರ್ ಸಂಗೀತ ಕಾರ್ಯಕ್ರಮಕ್ಕೆ ಬರುವುದು ‘ಹಣ ಮತ್ತು ಸಮಯ ವ್ಯರ್ಥ’ ಎಂದು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
