‘ಆಕಾಶ’ದಿ ‘ಅಭಿ’ಯಾಗಿ ಕನ್ನಡ ‘ಪೃಥ್ವಿ’ಗೆ ನೀ ‘ಅರಸು’ ಎಂದು ಆರಂಭವಾಗುವ ಈ ಹಾಡಿನಲ್ಲಿ, ‘ಪ್ರೇಮದ ಕಾಣಿಕೆ’ಯಿಂದ ಹಿಡಿದು ‘ಲಕ್ಕಿ ಮ್ಯಾನ್’ ಸಿನಿಮಾದವರೆಗೆ ಪುನೀತ್ ರಾಜ್ಕುಮಾರ್ ಅವರು ನಟಿಸಿದ ಎಲ್ಲ ಸಿನಿಮಾಗಳ ಶೀರ್ಷಿಕೆ ಇದೆ. ಶೀರ್ಷಿಕೆಯನ್ನೇ ಬಳಸಿಕೊಂಡು ಹಾಡಿನ ಸಾಹಿತ್ಯ ರಚಿಸಿರುವುದು ಇಲ್ಲಿನ ವಿಶೇಷ. ತಮ್ಮ ಆಕರ್ಷಕ ಡ್ಯಾನ್ಸ್ ಮೂಲಕ ಪುನೀತ್ ಈ ಹಾಡಿನಲ್ಲಿ ಮತ್ತೆ ಜೀವಿಸಿದ್ದಾರೆ. ನೆಚ್ಚಿನ ಅಪ್ಪುವನ್ನು ಕಂಡು ಅಭಿಮಾನಿಗಳು ಭಾವುಕರಾಗಿದ್ದಾರೆ. ಹಾಡನ್ನು ವೀಕ್ಷಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಿದ್ದಾರೆ.