50 ನೇ ಜನ್ಮದಿನದ ಸಂಭ್ರಮದಲ್ಲಿ ಪವನ್ ಕಲ್ಯಾಣ್, ಗಣ್ಯರಿಂದ ಶುಭಾಶಯ

ಬೆಂಗಳೂರು: ನಟ, ಟಾಲಿವುಡ್ ಪವರ್‌ಸ್ಟಾರ್ ಹಾಗೂ ರಾಜಕಾರಿಣಿ ಪವನ್ ಕಲ್ಯಾಣ ಅವರು ಸೆ. 2 ಕ್ಕೆ 50 ನೇ ಜನ್ಮದಿನದ ಸಂಭ್ರಮದಲ್ಲಿದ್ದಾರೆ. ಈ ಹಿನ್ನೆಲೆಯಲ್ಲಿ ಅನೇಕ ನಟ–ನಟಿಯರು ಹಾಗೂ ಅವರ ಅಭಿಮಾನಿಗಳು ಅವರಿಗೆ ಶುಭಾಶಯಗಳ ಮಹಾಪೂರವನ್ನೇ ಹರಿಸಿದ್ದಾರೆ.

ನಟ ಹಾಗೂ ಪವನ್ ಕಲ್ಯಾಣ ಸಹೋದರ ಚಿರಂಜಿವಿ ಅವರು, ‘ನನ್ನ ತಮ್ಮ ಬಾಲ್ಯದಿಂದಲೂ ಸಮಾಜದ ಬಗ್ಗೆ ತುಡಿತ ಹೊಂದಿರುವವ. ಒಂದು ಕ್ಷಣದ ಒಳಿತಿಗೆ ಹತ್ತು ಕ್ಷಣ ಉರಿಯುವ ಸೂರ್ಯನಾಗುವ. ತನ್ನ ಗುರಿ ಈಡೇರಿಕೆಗೆ ಯಾವಾಗಲು ಪ್ರಮಾಣಿಕವಾಗಿ ಪ್ರಯತ್ನಿಸುವ ಕಲ್ಯಾಣಗೆ ನನ್ನ ಶುಭಾಶಯಗಳು‘ ಎಂದು ಟ್ವೀಟ್ ಮಾಡಿದ್ದಾರೆ.

చిన్నప్పటి నుంచి సమాజం గురించే కళ్యాణ్ ప్రతి ఆలోచన... ప్రతి అడుగు. పదిమందికి మేలు జరగాలని ప్రతి క్షణం పరితపించే నిప్పు కణం...కళ్యాణ్ @PawanKalyan
అతని లక్ష్యం నెరవేరాలని మనస్ఫూర్తిగా కోరుకుంటూ, తోడబుట్టిన ఆశయానికి పుట్టిన రోజు శుభాకాంక్షలు. pic.twitter.com/PWAbNmvpAu

— Chiranjeevi Konidela (@KChiruTweets) September 2, 2021

ನಟ ಅಲ್ಲು ಅರ್ಜುನ್ ಸೇರಿದಂತೆ ಅನೇಕ ನಟ–ನಟಿಯರು ಪವರ್‌ ಸ್ಟಾರ್‌ಗೆ ಜನ್ಮದಿನದ ಶುಭಾಶಯಗಳನ್ನು ತಿಳಿಸಿದ್ದಾರೆ. ಪವನ್ ಕಲ್ಯಾಣ್ ಅವರು ಇತ್ತೀಚೆಗಷ್ಟೇ ವಕೀಲ್ ಸಾಬ್ ಮೂಲಕ ಸದ್ದು ಮಾಡಿದ್ದರು. ಇದೀಗ ಅವರ ನಟನೆಯ ‘ಬೀಮಾಲ್ ನಾಯಕ್‘ ಹಾಗೂ ‘ಹರಿ ಹರ ವೀರ ಮಲ್ಲು‘ ಸಿನಿಮಾಗಳು ನಿರ್ಮಾಣದ ಹಂತದಲ್ಲಿವೆ. ನಿನ್ನೆಯಷ್ಟೇ ‘ಭೀಮಾಲ್ ನಾಯಕ್‘ ಟೈಟಲ್ ಟ್ರ್ಯಾಕ್ ಬಿಡುಗಡೆಯಾಗಿದೆ.

Many many happy returns of the day to my @PawanKalyan garu . May this day and the coming year bring you more n more peace and happiness. pic.twitter.com/pPlWr3u34S

— Allu Arjun (@alluarjun) September 2, 2021

ಪವನ್ ಕಲ್ಯಾಣ ಅವರು ಕೇವಲ ನಟನೆಯಷ್ಟೇ ಅಲ್ಲದೇ ನಿರ್ದೇಶನ, ಚಿತ್ರಕಥೆ, ನೃತ್ಯ ಸಂಯೋಜನೆ, ಹಿನ್ನೆಲೆ ಗಾಯನ, ಸಾಹಸ ನಿರ್ದೇಶನದಲ್ಲೂ ಛಾಪು ಮೂಡಿಸಿದ್ದಾರೆ. ಸಾಮಾಜಿಕ ಚಿಂತಕರೂ ಆಗಿರುವ ಇವರು 2014 ರಲ್ಲಿ ತಮ್ಮದೇಯಾದ ‘ಜನ ಸೇನಾ ಪಾರ್ಟಿ‘ಯ ಮೂಲಕ ಸಕ್ರಿಯ ರಾಜಕಾರಣಕ್ಕೆ ಪಾದಾರ್ಪಣೆ ಮಾಡಿದ್ದಾರೆ.

1996 ರಲ್ಲಿ ಅಕ್ಕಡ ಅಮ್ಮಾಯಿ ಇಕ್ಕಡ ಇಮ್ಮಾಯಿ ಸಿನಿಮಾ ಮೂಲಕ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಪವನ್ ಕಲ್ಯಾಣ ಹಿಂತಿರುಗಿ ನೋಡಿದ್ದೇ ಇಲ್ಲ ಅಂದಿನಿಂದ ಇಂದಿನವರೆಗೂ 26 ಸಿನಿಮಾಗಳಲ್ಲಿ ಅಭಿನಯಿಸಿ, ಹಲವು ಚಿತ್ರಗಳಿಗೆ ಕೆಲಸ ಮಾಡಿ ಸೈ ಎನಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಒಂದೇ ಫ್ರೇಮ್‌ನಲ್ಲಿ ಚಿರಂಜೀವಿ– ಪವನ್ ಕಲ್ಯಾಣ್; ಇದು ‘ಸ್ಮರಣೀಯ ದಿನ’ ಎಂದ ಚರಣ್‌