ಬುಧವಾರ, ಆಗಸ್ಟ್ 12, 2020
27 °C

ಪ್ರಿಯಾಂಕಾ ಉಗ್ರಾವತಾರ!

ಹರವು ಸ್ಫೂರ್ತಿ Updated:

ಅಕ್ಷರ ಗಾತ್ರ : | |

Prajavani

ಪ್ರಿಯಾಂಕಾ ಉಪೇಂದ್ರ ‘ಉಗ್ರಾವತಾರ’ ಸಿನಿಮಾದಲ್ಲಿ ನಟಿಸುತ್ತಿರುವುದು ಈಗಾಗಲೇ ಗೊತ್ತಿರುವ ವಿಷಯ. ಆ ಸಿನಿಮಾದಲ್ಲಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಿರುವ ಪ್ರಿಯಾಂಕಾ, ಫೈಂಟಿಂಗ್ ದೃಶ್ಯಗಳಲ್ಲಿ ಡೂಪ್‌ ಇಲ್ಲದೇ ಪಾಲ್ಗೊಂಡಿದ್ದಾರೆ.

ಅತ್ಯಾಚಾರ ಪ್ರಕರಣವೊಂದರ ತನಿಖೆಯ ಜಾಡು ಹಿಡಿದು ಹೊರಟ ಇನ್‌ಸ್ಪೆಕ್ಟರ್‌ ಶ್ರೀದುರ್ಗಿ, ಈ ದಾರಿಯಲ್ಲಿ ಎದುರಾಗುವ ಕ್ಲಿಷ್ಟ ಸನ್ನಿವೇಶಗಳ ಜತೆಯ ಹೋರಾಟವೇ ‘ಉಗ್ರಾವತಾರ‘ದ ಕತೆ. ಮರ್ಡರ್‌ ಮಿಸ್ಟರಿ ಹಂದರವಿರುವ ಚಿತ್ರದಲ್ಲಿ ಪ್ರಿಯಾಂಕಾ ಅವರಿಗಾಗಿ ಐದು ವಿಶೇಷ ಫೈಟ್‌ ಸೀನ್‌ಗಳನ್ನು‌ ಸಂಯೋಜಿಸಲಾಗಿದೆ. ಆ ಪೈಕಿ ಗೋದಾಮಿನಲ್ಲಿ ನಡೆಯುವ ಒಂದು ಫೈಟ್‌ ದೃಶ್ಯದ‌ ಚಿತ್ರೀಕರಣ ಈಗಾಗಲೇ ಮುಗಿದಿದೆ. ಸಂಭಾಷಣೆ ಸೇರಿ ಒಟ್ಟು 8 ನಿಮಿಷದ ಈ ಫೈಟ್‌ ಸೀನ್‌ನಲ್ಲಿ ಪ್ರಿಯಾಂಕಾ ಒಬ್ಬರೇ 20 ರೌಡಿಗಳ ಜತೆ ಹೋರಾಡುತ್ತಾರೆ.

ಸಾಹಸ ದೃಶ್ಯಗಳು ನೈಜವಾಗಿ ಮೂಡಿಬರಲೆಂದು ಪ್ರಿಯಾಂಕಾ ಅವರು ಮೂರು ದಿನ ಮನೆಯಲ್ಲೇ ರಿಹರ್ಸಲ್ ಮಾಡಿದ್ದಾರಂತೆ. ಫಿಟ್‌ನೆಸ್‌ಗಾಗಿ, ತರಬೇತುದಾರ ಜೀತು, ಪ್ರಿಯಾಂಕಾ ಅವರಿಗೆ ವರ್ಕೌಟ್‌ ಮಾಡಿಸುತ್ತಿದ್ದಾರೆ. 

‘ಈ ಮೊದಲು ಬರಿ ಕಾರ್ಡಿಯೊ ವರ್ಕೌಟ್‌ ಮಾಡುತ್ತಿದ್ದೆ. ಈ ಸಿನಿಮಾಕ್ಕಾಗಿ ದೇಹದ ಶಕ್ತಿ ಹೆಚ್ಚಿಸುವ ಹಲವು ವ್ಯಾಯಾಮವನ್ನು ಜೀತು ಮಾಡಿಸುತ್ತಿದ್ದಾರೆ. ಕೊರೊನಾ ಲಾಕ್‌ಡೌನ್‌ನಿಂದಾಗಿ ಮೂರು ತಿಂಗಳು ಮನೆಗೆಲಸದಲ್ಲೇ ಕಳೆದುಹೋಗಿದ್ದೆ. ಲಾಕ್‌ಡೌನ್‌ ತೆರವಾದ ನಂತರ ನಮ್ಮ ಮನೆಯಲ್ಲೇ ತರಬೇತಿ ನೀಡುತ್ತಿದ್ದಾರೆ. ನನ್ನೊಂದಿಗೆ ಉಪೇಂದ್ರ ಹಾಗೂ ಮಗ ಕೂಡ ವರ್ಕೌಟ್‌ ಮಾಡುತ್ತಾರೆ‘ ಎನ್ನುತ್ತಾರೆ ಪ್ರಿಯಾಂಕಾ.

ಜೀತು, ಪ್ರಿಯಾಂಕಾ ಅವರ ಆಹಾರದ ಬಗ್ಗೆಯೂ ನಿಗಾ ವಹಿಸುತ್ತಿದ್ದಾರೆ. ವರ್ಕೌಟ್‌ ಜತೆಗೆ ಪೌಷ್ಟಿಕ ಆಹಾರ ಸೇವನೆ ಮುಖ್ಯ ಎನ್ನುವುದು ಜೀತು ಅಭಿಪ್ರಾಯ. ’ಫೈಟಿಂಗ್‌ ದೃಶ್ಯಗಳಿಗೆ ಬೇಕಾದಂತೆ ದೇಹವನ್ನು ಹುರಿಗೊಳಿಸುತ್ತೇವೆ. ಕೈ ಕಾಲು, ಸೊಂಟ ಎಲ್ಲವೂ ಫ್ಲೆಕ್ಸಿಬಲ್‌ ಆಗಿರಬೇಕು‘ ಎನ್ನುತ್ತಾರೆ ಜೀತು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು