ಕೊರೊನಾ ಪಾಸಿಟಿವ್‌ ಎಂದ ರಾಮ್‌ ಗೋಪಾಲ್‌ ವರ್ಮಾಗೆ ನೆಟ್ಟಿಗರ ತರಾಟೆ

ಬುಧವಾರ ರಾಮ್‌ ಗೋಪಾಲ್‌ ವರ್ಮಾ ನನಗೆ ಕೊರೊನಾ ಪಾಸಿಟಿವ್ ಇದೆ ಎಂದು ವೈದ್ಯರು ಹೇಳಿದ್ದಾರೆ ಎಂದು ಟ್ವೀಟ್‌ ಮಾಡಿದ್ದರು. ಇದರಿಂದ ಅವರ ಅಭಿಮಾನಿಗಳ ಗಾಬರಿಯಾಗಿದ್ದರು. ಬಳಿಕ ಟ್ವೀಟ್‌ ಮಾಡಿದ್ದ ವರ್ಮಾ ವೈದ್ಯರು ನನಗೆ ಏಪ್ರಿಲ್‌ ಫೂಲ್‌ ಮಾಡಲು ಆ ರೀತಿ ಹೇಳಿದ್ದಾರೆ, ಇದು ನನ್ನ ತಪ್ಪು ಅಲ್ಲ ಎಂದು ಟ್ವೀಟ್‌ ಮಾಡಿದ್ದರು.

ಇದರಿಂದ ಕುಪಿತಗೊಂಡ ನೆಟ್ಟಿಗರು ವರ್ಮಾ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಕೆಲವರಂತೂ ಅಸಭ್ಯವಾಗಿ ಕಾಮೆಂಟ್‌ ಮಾಡಿದ್ದಾರೆ.

ಪ್ರಕಾಶ್‌ ಎಂಬುವರು ನೀವು ಕೊರೊನಾ ವೈರಸ್‌ಗಿಂತ ಅಪಾಯಕಾರಿ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

ಸಾರ್ವಜನಿಕ ಜೀವನದಲ್ಲಿ ಇರುವ ನೀವು ಇಂತಹ ಪರಿಸ್ಥಿತಿಯಲ್ಲಿ ಈ ರೀತಿ ಟ್ವೀಟ್‌ ಮಾಡುವುದು ಸರಿ ಅಲ್ಲ, ಈಗಾಗಲೇ ಜನರು ಭಯಭೀತರಾಗಿದ್ದಾರೆ ಎಂದು ಬುದ್ದಿ ಮಾತು ಹೇಳಿದ್ದಾರೆ.