ವಿಡಂಬನೆ, ಹಾಸ್ಯ ವಿಷಯಾಧರಿತ ಚಿತ್ರಗಳ ಮೂಲಕವೇ ಗುರುತಿಸಿಕೊಂಡಿರುವ ಡ್ಯಾನಿಷ್ ಸೇಟ್ ಅವರ ಹೊಸ ಚಿತ್ರ ‘ಒನ್ ಕಟ್, ಟು ಕಟ್’ನಲ್ಲಿ ಪಾಠ ಕಲಿಸಲು ಕೊನೆಗೂ ಟೀಚರ್ ಸಿಕ್ಕಿದ್ದಾರೆ. ಸಂಯುಕ್ತಾ ಹೊರನಾಡ್ ಈ ಚಿತ್ರದಲ್ಲಿ ವಿಜ್ಞಾನ ಶಿಕ್ಷಕಿ. ಗೋಪಿ ಪಾತ್ರ ಕೆಲಸ ಮಾಡುವ ಶಾಲೆಯಲ್ಲಿ ಅವರು ಶಿಕ್ಷಕಿಯಂತೆ. ‘ಗೋಪಿ’ ಆನ್ಲೈನ್ನಲ್ಲಿ ಈಗಾಗಲೇ ಖ್ಯಾತವಾಗಿರುವ ಸರಣಿ. ಈಗ ಅದೇ ವಸ್ತುವನ್ನಿಟ್ಟುಕೊಂಡು ವಂಶಿಧರ್ ಭೋಗರಾಜು ನಿರ್ದೇಶನದಲ್ಲಿ ‘ಒನ್ ಕಟ್, ಟು ಕಟ್’ ಮೂಡಿಬರುತ್ತಿದೆ. ಕಳೆದ ವಾರ ಈ ಚಿತ್ರ ಸೆಟ್ಟೇರಿದೆ.