ಚಿತ್ರ ವೀಕ್ಷಣೆಗೆ ಪುನೀತ್ ಅವರ ಅಭಿಮಾನಿಗಳು ತಡರಾತ್ರಿ 1 ಗಂಟೆಯಿಂದಲೇ ಚಿತ್ರಮಂದಿರದ ಎದುರು ಜಮಾಯಿಸಿದ್ದರು. ಚಿತ್ರಮಂದಿರದ ಮುಂದೆ ಪಟಾಕಿ ಸಿಡಿಸಿ, ಪುನೀತ್ ಕಟೌಟ್ ಗೆ ಮಾಲೆ ಹಾಕಿ ಜಯಘೋಷ ಹಾಕಿ ಅಲ್ಲಿಯೇ ಕಾದು ಕುಳಿತರು. ಐದು ಗಂಟೆಗೆ ಜನದಟ್ಟಣೆ ಹೆಚ್ಚಾಯಿತು. ಬಾಲಾ ಚಿತ್ರಮಂದಿರದ ಗೇಟ್ ತೆರೆಯುತ್ತಿದ್ದಂತೆ ಎಲ್ಲರೂ ಟಿಕೆಟ್ ಕೌಂಟರ್ ನಲ್ಲಿ ಮುಗಿಬಿದ್ದದ್ದರಿಂದ ನೂಕು ನುಗ್ಗಲು ಉಂಟಾಯಿತು. ಪರಿಸ್ಥಿತಿ ಕೈಮೀರುತ್ತಿರುವುದನ್ನು ಗಮನಿಸಿದ ಪೊಲೀಸರು ಜನರನ್ನು ನಿಯಂತ್ರಿಸಲು ಲಘು ಲಾಠಿ ಪ್ರಹಾರ ನಡೆಸಿದರು.