ಬೆಂಗಳೂರು: ಹೃತಿಕ್ ರೋಷನ್ ಮಾಜಿ ಪತ್ನಿ ಸುಸಾನೆ ಖಾನ್ ಮತ್ತು ನಟ ಅಸ್ಲಾನ್ ಗೋನಿ ಅವರು ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿ ಬಾಲಿವುಡ್‌ನಲ್ಲಿ ಹರಡಿದೆ.
ಇಬ್ಬರೂ ಜತೆಯಾಗಿ ಶಾಪಿಂಗ್ ಹೋಗಿರುವುದು ಮತ್ತು ವಿವಿಧ ಸಮಾರಂಭಗಳಲ್ಲಿ ಒಟ್ಟಾಗಿ ಕಾಣಿಸಿಕೊಳ್ಳುವುದು ಇದಕ್ಕೆ ಕಾರಣ ಎನ್ನಲಾಗಿದೆ.
ಅಸ್ಲಾನ್ ಗೋನಿ ಅವರು ಸುಸಾನೆ ಖಾನ್ ಜತೆಗಿನ ಫೋಟೊ ಒಂದನ್ನು ಕೂಡ ಸಾಮಾಜಿಕ ತಾಣಗಳಲ್ಲಿ ಪೋಸ್ಟ್ ಮಾಡಿರುವುದು ಕೂಡ ಅವರಿಬ್ಬರ ಮಧ‌್ಯೆ ಪ್ರೇಮ ಉಂಟಾಗಿದೆ ಎಂದು ಜನರು ಹೇಳುವಂತೆ ಆಗಿತ್ತು..
ಆದರೆ ಈ ಬಗ್ಗೆ ಸ್ಪಷ್ಟನೆ ನೀಡಿರುವ ನಟ ಅಸ್ಲಾನ್ ಗೋನಿ, ನಾವಿಬ್ಬರೂ ಒಳ್ಳೆಯ ಗೆಳೆಯರು ಅಷ್ಟೇ, ಅದು ಬಿಟ್ಟು ಬೇರೇನಿಲ್ಲ ಎಂದಿದ್ದಾರೆ.
