2ನೇ ಡೋಸ್ ಕೋವಿಡ್ ಲಸಿಕೆ ಪಡೆದ ಸುಸಾನೆ ಖಾನ್‌ಗೆ ಅಭಿನಂದಿಸಿದ ಗೆಳೆಯ ಗೋನಿ
ಅಕ್ಷರ ಗಾತ್ರ :ಆ |ಆ |ಆ
ಬಾಲಿವುಡ್‌ ನಟ ಹೃತಿಕ್ ರೋಷನ್‌ ಅವರ ಮಾಜಿ ಪತ್ನಿ ಸುಸಾನೆ ಖಾನ್ ಮಂಗಳವಾರ ಕೋವಿಡ್-19 ಲಸಿಕೆಯ ಎರಡನೇ ಡೋಸ್ ಅನ್ನು ಪಡೆದಿದ್ದಾರೆ. ಸುಸಾನೆ ಒಬ್ಬರೇ ಲಸಿಕೆ ಪಡೆದಿಲ್ಲ ಬದಲಿಗೆ ತಮ್ಮ ಇಂಟೀರಿಯರ್ ಡಿಸೈನ್‌ನ ದಿ ಚಾರ್‌ಕೋಲ್ ಪ್ರಾಜೆಕ್ಟ್‌ನ ತನ್ನ ತಂಡದೊಂದಿಗೆ ಲಸಿಕೆ ಪಡೆದಿರುವುದಾಗಿ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಹಾಕಿದ್ದಾರೆ.
ಸುಸಾನೆ ತನ್ನ ಲಸಿಕೆಯ ಎರಡನೇ ಡೋಸ್ ಅನ್ನು ಪಡೆದರೆ, ಆಕೆಯ ತಂಡದ ಸದಸ್ಯರು ಇಂದು ಲಸಿಕೆಯ ಮೊದಲ ಡೋಸ್ ಅನ್ನು ಪಡೆದಿದ್ದಾರೆ.
ಸುಸಾನೆ ಅವರ ಪೋಸ್ಟ್‌ಗೆ ಹಲವಾರು ಮಂದಿ ಕಮೆಂಟ್ ಮಾಡಿದ್ದು, ಸುಸಾನೆ ಅವರ ಬಾಯ್‌ಫ್ರೆಂಡ್‌ ಎನ್ನುವ ವದಂತಿ ಕೇಳಿಬಂದಿರುವ ನಟ ಅರ್ಸ್ಲಾನ್ ಗೋನಿ ಕಮೆಂಟ್ ಮಾಡಿರುವುದು ಇದೀಗ ಹೊಸ ಚರ್ಚೆಗೆ ಗ್ರಾಸವಾಗಿದೆ. ಚಪ್ಪಾಳೆಯ ಎಮೋಜಿಗಳನ್ನು ಕಮೆಂಟ್ ಮಾಡಿದ್ದಾರೆ. ಮತ್ತೊಂದೆಡೆ, ಟಿವಿ ನಿರ್ಮಾಪಕ ಏಕ್ತಾ ಕಪೂರ್ ಕೂಡ ಕಮೆಂಟ್ ಮಾಡಿದ್ದು, ಹೃದಯದ ಎಮೋಜಿಗಳೊಂದಿಗೆ 'ಲವ್ಲಿ' ಎಂದು ಬರೆದಿದ್ದಾರೆ.
ಪ್ರತ್ಯೇಕ ಇನ್‌ಸ್ಟಾಗ್ರಾಂ ಪೋಸ್ಟ್‌ನಲ್ಲಿ, ದಿ ಚಾರ್‌ಕೋಲ್ ಪ್ರಾಜೆಕ್ಟ್ ತಂಡದ ಗುಂಪು ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಚಿತ್ರವನ್ನು ಹಂಚಿಕೊಳ್ಳುತ್ತಾ, 'ಚಾರ್‌ಕೋಲ್ ತಂಡವು ಲಸಿಕೆಯ ಮೊದಲನೇ ಡೋಸ್ ಹಾಕಿಸಿಕೊಂಡಿದೆ... ನಮ್ಮ ದೇವತೆಗಳ ಸ್ವಲ್ಪ ಸಹಾಯದಿಂದ ನಾವೆಲ್ಲರೂ ಬದುಕಬಹುದು' ಎಂದು ಬರೆದುಕೊಂಡಿದ್ದಾರೆ.
ಸುಸಾನೆ ಖಾನ್ 2000 ರಲ್ಲಿ ನಟ ಹೃತಿಕ್ ರೋಶನ್ ಅವರನ್ನು ವಿವಾಹವಾಗಿದ್ದರು. ಅವರು 2014 ರಲ್ಲಿ ವಿಚ್ಛೇದನ ಪಡೆದರು. ಆದರೆ ವಿಚ್ಛೇದನದ ನಂತರವೂ ಅವರು ಸ್ನೇಹಿತರಾಗಿ ಉಳಿದಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
