ಅಖಿಲ್‌ ಜತೆ ಕಿಯಾರಾ?

‘ಪಾರುಗು’ ನಿರ್ದೇಶಕ ಬೊಮ್ಮಾರಿಲು ಭಾಸ್ಕರ್ ತಮ್ಮ ಹೊಸ ಚಿತ್ರದಲ್ಲಿ ಕಿಯಾರಾ ಇರಬೇಕು ಎಂದು ತೀರ್ಮಾನಿಸಿದ್ದಾರಂತೆ. ಚಿತ್ರದ ನಾಯಕನಾಗಿ ಅಖಿಲ್‌ ಅಕ್ಕಿನೇನಿ ನಟಿಸುವುದು ಖಚಿತವಾಗಿದೆ. ಅಖಿಲ್‌ ಪ್ರೇಮಿಯ ಪಾತ್ರಕ್ಕೆ ಕಿಯಾರಾ ಸೂಕ್ತ ಆಯ್ಕೆ ಎಂಬುದು ಭಾಸ್ಕರ್‌ ಅಭಿಪ್ರಾಯ. ಆದರೆ ಈಗಾಗಲೇ ಒಪ್ಪಿಕೊಂಡಿರುವ ಪ್ರಾಜೆಕ್ಟ್‌ಗಳಲ್ಲಿ ಬಿಡುವಿಲ್ಲದೆ ತೊಡಗಿಸಿಕೊಂಡಿರುವ ಕಿಯಾರಾ ಈ ವಾರಾಂತ್ಯದೊಳಗೆ ನಿರ್ಧಾರ ತಿಳಿಸುವುದಾಗಿ ಹೇಳಿದ್ದಾರಂತೆ.

ನಿರ್ದೇಶಕ ಭಾಸ್ಕರ್‌ ಅವರೇ ತಮ್ಮ ಚಿತ್ರಕ್ಕೆ ಚಿತ್ರಕತೆಯನ್ನೂ ಬರೆಯುತ್ತಿದ್ದಾರೆ. ಮುಂದಿನ ತಿಂಗಳು ಚಿತ್ರ ಸೆಟ್ಟೇರುವ ನಿರೀಕ್ಷೆ ಇದೆ. ಗೀತಾ ಆರ್ಟ್ಸ್‌ ನಿರ್ಮಾಣದಲ್ಲಿ ಚಿತ್ರ ಮೂಡಿಬರಲಿದ್ದು, ಗೋಪಿ ಸುಂದರ್‌ ಗೀತಸಾಹಿತ್ಯ ರಚಿಸಲಿದ್ದಾರೆ.