ರೊಮ್ಯಾನ್ಸ್‌ ಮಾಡಲು ಈ ನಟರಿಗೆ ಹೀರೊಯಿನ್‌ ಸಿಗುತ್ತಿಲ್ಲ!

ವಯಸ್ಸು ಅರವತ್ತು ದಾಟಿದರೂ ಮೂವತ್ತು ವರ್ಷದೊಳಗಿರುವ ತರುಣಿಯರೊಟ್ಟಿಗೆಯೇ ರೊಮ್ಯಾನ್ಸ್ ಮಾಡಬೇಕೆಂಬುದು ಬಹುತೇಕ ಹೀರೊಗಳ ಚಡಪಡಿಕೆ. ಕಡಿಮೆ ವಯಸ್ಸಿನ ಹೀರೊಯಿನ್ಗಳು ಸೊಂಟ ಬಳುಕಿಸಿದಷ್ಟು ಗಲ್ಲಾಪೆಟ್ಟಿಗೆಯಲ್ಲಿ ಸಿನಿಮಾ ಗೆಲ್ಲುತ್ತದೆ ಎಂಬುದು ಚಿತ್ರರಂಗದ ಅಲಿಖಿತ ನಿಯಮ.

. ಆದರೆ, ಈಗ ಕಾಲ ಬದಲಾಗಿದೆ. ಅರವತ್ತು ವರ್ಷ ದಾಟಿದ ನಟರೊಟ್ಟಿಗೆ ಹೆಜ್ಜೆ ಹಾಕಲು ಖ್ಯಾತ ನಟಿಯರು ಸುಲಭವಾಗಿ ಒಪ್ಪುತ್ತಿಲ್ಲ. ಹಾಗೆಂದು ಆ ನಟನ ಮೇಲೆ ಬಂಡವಾಳ ಹೂಡುವ ನಿರ್ಮಾಪಕರು ಮತ್ತು ನಿರ್ದೇಶಕರು ಕೂಡ ಸುಮ್ಮನೆ ಕೂರುತ್ತಿಲ್ಲ. ನಟೀಮಣಿಯರು ಪಡೆಯುವ ಸಂಭಾವನೆಗಿಂತ ತುಸು ಹೆಚ್ಚಿಗೆ ಸಂಭಾವನೆ ನೀಡುವುದಕ್ಕೂ ಅವರು ಹಿಂದೇಟು ಹಾಕುವುದಿಲ್ಲ. ಆದರೆ, ಹೀರೊಯಿನ್ಗಳು ಇಂತಹ ಆಪರ್ಗೆ ಸುಲಭಕ್ಕೆ ಮರುಳಾಗುತ್ತಿಲ್ಲ. ದುಬಾರಿ ಸಂಭಾವನೆ ಕೇಳಿ ನಿರ್ಮಾಪಕರನ್ನೇ ತಬ್ಬಿಬ್ಬುಗೊಳಿಸುತ್ತಿದ್ದಾರೆ.

. ಟಾಲಿವುಡ್ನಲ್ಲಿ ಅರವತ್ತು ವರ್ಷ ದಾಟಿದ ನಟರಾದ ನಂದಮೂರಿ ಬಾಲಕೃಷ್ಣ, ವೆಂಕಟೇಶ್ ಮತ್ತು ಚಿರಂಜೀವಿ ಅವರದ್ದು ಅಕ್ಷರಶಃ ಸಂಕ್ರಮಣ ಸ್ಥಿತಿ. ಅವರೊಟ್ಟಿಗೆ ನಡು ಬಳುಕಿಸಲು ಬಹುತೇಕ ಹೀರೊಯಿನ್ಗಳು ಸಿದ್ಧರಿಲ್ಲವಂತೆ. ಒಂದೊಮ್ಮೆ ಅವರೊಟ್ಟಿಗೆ ನಟಿಸಬೇಕೆಂದು ಅಪೇಕ್ಷಿಸಿದರೆ ದೊಡ್ಡ ಮೊತ್ತ ನೀಡಬೇಕೆಂಬುದು ಕಾಜಲ್ ಅಗರ್ವಾಲ್, ತಮನ್ನಾ ಭಾಟಿಯಾ ಸೇರಿದಂತೆ ಹಲವು ನಟಿಯರ ಬೇಡಿಕೆ.

. ನಿರ್ದೇಶಕ ಬೊಯಪತಿ ಶ್ರೀನು ಮತ್ತು ಬಾಲಕೃಷ್ಣ ಕಾಂಬಿನೇಷನ್ನಡಿ ಹೊಸ ಸಿನಿಮಾ ನಿರ್ಮಾಣವಾಗುತ್ತಿದೆ. ಇದರಲ್ಲಿ ಬಾಲಯ್ಯನ ಜೊತೆಗೆ ಮುಖ್ಯಪಾತ್ರದಲ್ಲಿ ನಟಿಸಲು ‘ಮಿಲ್ಕಿ ಬ್ಯೂಟಿ’ ತಮನ್ನಾಗೆ ನಿರ್ದೇಶಕ ಶ್ರೀನು ಕೋರಿದರಂತೆ. ಇದರಲ್ಲಿ ಗ್ಲಾಮರ್ ಎಲಿಮೆಂಟ್ಗಳೂ ಹೆಚ್ಚಿವೆಯಂತೆ. ಪಕ್ಕಾ ಮಸಾಲ ಸ್ಪರ್ಶವಿರುವ ಈ ಸಿನಿಮಾದಲ್ಲಿ ನಟಿಸುವಂತೆ ಆಕೆಯನ್ನು ಮನವೊಲಿಸಲು ಚಿತ್ರತಂಡ ಹರಸಾಹಸಪಟ್ಟಿದೆ. ಕೊನೆಗೆ, ಆಕೆಯ ಅಪ್ಪನ ಮೂಲಕವೂ ಕೋರಿಕೆ ಮುಂದಿಟ್ಟಿದ್ದ ನಿರ್ಮಾಪಕರಿಗೆ ಶಾಕ್ ಆಗಿದೆ.

. ಸಾಮಾನ್ಯವಾಗಿ ತಮನ್ನಾ ಸಿನಿಮಾವೊಂದಕ್ಕೆ ₹ 1.5 ಕೋಟಿಯಿಂದ ₹ 1.75 ಕೋಟಿ ಸಂಭಾವನೆ ಪಡೆಯುತ್ತಾರೆ. ಆದರೆ, ಬಾಲಯ್ಯನ ಜೊತೆಗೆ ನಟಿಸಲು ಆಕೆಯ ತಂದೆ ₹ 3 ಕೋಟಿ ಸಂಭಾವನೆ ನೀಡುವಂತೆ ಬೇಡಿಕೆ ಇಟ್ಟಿದ್ದಾರೆ. ಈ ಮೊತ್ತದ ಜೊತೆಗೆ ಜಿಎಸ್ಟಿ ಸೇರಿಸಬಾರದು ಎಂಬುದು ಅವರ ಷರತ್ತು.

. ಬಾಲಯ್ಯನೊಟ್ಟಿಗೆ ನಟಿಸಲು ಇಚ್ಛೆ ಇಲ್ಲದಿರುವ ಹಿನ್ನೆಲೆಯಲ್ಲಿ ತಮನ್ನಾ ದುಬಾರಿ ಸಂಭಾವನೆ ಕೇಳಿದರೇ ಅಥವಾ ನಿಜವಾಗಿಯೂ ಆಕೆ ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರೆಯೇ ಎಂಬುದು ಈಗ ಟಾಲಿವುಡ್ ಅಂಗಳದಲ್ಲಿ ಚರ್ಚೆಯಾಗುತ್ತಿದೆ. ಕೊನೆಗೆ, ಆಕೆ ಕೇಳಿದಷ್ಟು ಸಂಭಾವನೆ ಭರಿಸಲಾಗದೆ ನಿರ್ದೇಶಕರು ಮತ್ತು ನಿರ್ಮಾಪಕರು ಹೊಸ ನಾಯಕಿಯ ಹುಡುಕಾಟಕ್ಕೆ ಮುಂದಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರೊಮ್ಯಾನ್ಸ್‌ ಮಾಡಲು ಈ ನಟರಿಗೆ ಹೀರೊಯಿನ್‌ ಸಿಗುತ್ತಿಲ್ಲ!

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ