ಬೆಂಗಳೂರು:ಆಂಧ್ರಪ್ರದೇಶದ ದಿವಂಗತ ಮಾಜಿ ಮುಖ್ಯಮಂತ್ರಿ ವೈ. ಎಸ್‌. ರಾಜಶೇಖರ ರೆಡ್ಡಿ ಅವರ ಪಾದಯಾತ್ರೆ ಆಧರಿಸಿದ ‘ಯಾತ್ರ‘ ಸಿನಿಮಾದ ಟೀಸರ್ ಬಿಡುಗಡೆಯಾಗಿದ್ದು ಮೊದಲ ದಿನವೇ 6.9 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಣೆ ಮಾಡಿದ್ದಾರೆ.
ಟಾಲಿವುಡ್‌ನಲ್ಲಿ ಈ ಟೀಸರ್ ಹೊಸ ಸಂಚಲನ ಉಂಟು ಮಾಡಿದೆ.
ಮಲಯಾಳಂನ ಮೆಗಾ ಸ್ಟಾರ್‌ ಮಮ್ಮುಟ್ಟಿ ವೈ ಎಸ್‌ ರಾಜಶೇಖರ ರೆಡ್ಡಿ ಪಾತ್ರವನ್ನು ನಿರ್ವಹಿಸಿದ್ದಾರೆ. ಟೀಸರ್‌ನಲ್ಲಿ ಯಾತ್ರೆಗೆ ಸಜ್ಜಾಗಿ ಹೊರಡುವ ದೃಶ್ಯವಿದೆ. ಇದರಲ್ಲಿ ಮಮ್ಮುಟ್ಟಿ ಸಖತ್ ಖಡಕ್‌ ಆಗಿ ಮಿಂಚಿದ್ದಾರೆ. ಮಾಹಿ ರಾಘವ್‌ ಯಾತ್ರ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ.
2004ರಲ್ಲಿ ರಾಜಶೇಖರ ರೆಡ್ಡಿ 1475 ಕಿಲೋಮೀಟರ್‌ ಪಾದಯಾತ್ರೆ ಮಾಡಿ ಜನರನ್ನು ಭೇಟಿ ಮಾಡಿದ್ದರು. ಇದರ ಪರಿಣಾಮವಾಗಿ ಅವರು ಜಯಗಳಿಸಿದ್ದರು. ಈ ಕಥೆಯನ್ನು ಇಟ್ಟುಕೊಂಡು ಯಾತ್ರ ಸಿನಿಮಾ ತಯಾರಾಗಿದೆ.
