ಹತ್ತರ ಹರುಷ

ದರ್ಶನ್ ಬರುತ್ತಾರೆಂದು ನಿರೀಕ್ಷಿಸಲಾಗಿತ್ತು. ಅವರು ಬರಲಿಲ್ಲ. ಬಂದವರು, ದರ್ಶನ್ ಪತ್ನಿ ವಿಜಯಲಕ್ಷ್ಮಿ. ನಿರ್ಮಾಪಕ ಭಾ.ಮ. ಹರೀಶ್ ತಮ್ಮ `ಉಲ್ಲಾಸ್ ಕ್ರಿಯೇಷನ್ಸ್~ಗೆ ಹತ್ತು ವರ್ಷ ತುಂಬಿದ ನೆನಪಿಗಾಗಿ ಏರ್ಪಡಿಸಿದ್ದ ಕಾರ್ಯಕ್ರಮ. `ದಶಕದ ದರ್ಶನ - ಸತ್ಯ ಉಲ್ಲಾಸ~ ಎನ್ನುವುದು ಕಾರ್ಯಕ್ರಮದ ಶೀರ್ಷಿಕೆ. 2002ರಿಂದ ಈವರೆಗೆ `ಉಲ್ಲಾಸ್ ಕ್ರಿಯೇಷನ್ಸ್~ ಸಾಗಿಬಂದ ಹಾದಿಯಲ್ಲಿ ಜೊತೆಯಾದವರನ್ನು ಅಭಿನಂದಿಸಲು ಹರೀಶ್ ಕಾರ್ಯಕ್ರಮ ಏರ್ಪಡಿಸಿದ್ದರು. ಅವರ ನಿರ್ಮಾಣದ ಚೊಚ್ಚಿಲ ಚಿತ್ರ `ಮೆಜೆಸ್ಟಿಕ್~ನ ನಾಯಕನಟ ದರ್ಶನ್ ಅವರಿಗೆ ಅಭಿನಂದನೆ ಎಂದೇ ಕಾರ್ಯಕ್ರಮವನ್ನು ಬಿಂಬಿಸಲಾಗಿತ್ತು. ದರ್ಶನ್ ಪರವಾಗಿ ಅವರ ಪತ್ನಿ ವಿಜಯಲಕ್ಷ್ಮಿ ಗೌರವ ಸ್ವೀಕರಿಸಿದರು. `ಸಾಧಾರಣ ತರುಣನಾಗಿದ್ದ ದರ್ಶನ್ ಅವರ ಬದುಕಿನಲ್ಲಿ `ಮೆಜೆಸ್ಟಿಕ್~ ಚಿತ್ರ ಹೊಸ ತಿರುವು ನೀಡಿತು. ಅದಕ್ಕಾಗಿ ಉಲ್ಲಾಸ್ ಕ್ರಿಯೇಷನ್ಸ್ಗೆ ನಮ್ಮ ಕುಟುಂಬ ಋಣಿಯಾಗಿದೆ~ ಎಂದು ವಿಜಯಲಕ್ಷ್ಮಿ ಹೇಳಿದರು.

`ಮೆಜೆಸ್ಟಿಕ್~ನ ನಿರ್ದೇಶಕ ಪಿ.ಎನ್. ಸತ್ಯ ಅವರನ್ನು ಕೂಡ `ಉಲ್ಲಾಸ್~ ಬಳಗ ಗೌರವಿಸಿತು. ಹರೀಶ್ ನಿರ್ಮಾಣದ ಮತ್ತೊಂದು ಚಿತ್ರ `ಶಿಷ್ಯ~ದ ನಿರ್ದೇಶಕ ವಿಕ್ಟರಿ ವಾಸು ಕೂಡ ಅಭಿನಂದಿತರಲ್ಲಿ ಸೇರಿದ್ದರು.

ಹತ್ತು ವರ್ಷಗಳ ಹಿಂದಿನ ಗೆಲುವನ್ನು ನೆನಪಿಸಿಕೊಂಡ ನಿರ್ದೇಶಕ ಸತ್ಯ, `ಹತ್ತು ವರ್ಷಗಳ ಹಿಂದೆ ನಾನು ಹೇಳಿದ ಕಥೆಯನ್ನು ನೆಚ್ಚಿಕೊಂಡು ಹರೀಶ್ ಅವಕಾಶ ನೀಡಿದರು. ನನ್ನ ತಂದೆಯಂತೆ ಕೈಹಿಡಿದು ಬೆಂಬಲಿಸಿದರು. ಅವರನ್ನು ಎಂದಿಗೂ ಮರೆಯಲಾರೆ. ಈಗ ಅವರಿಂದ ಮತ್ತೊಂದು ಅವಕಾಶ ನಿರೀಕ್ಷಿಸುತ್ತಿರುವೆ~ ಎಂದು ಮಾತಿನಲ್ಲೇ ಧನ್ಯವಾದ ಸಮರ್ಪಣೆಯೊಂದಿಗೆ ಮನವಿ ಪತ್ರವನ್ನೂ ಸಲ್ಲಿಸಿದರು.

ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಕೆ.ವಿ.ಚಂದ್ರಶೇಖರ್, ಸಾ.ರಾ. ಗೋವಿಂದ್, ಥಾಮಸ್ ಡಿಸೋಜ, ಹಂಚಿಕೆದಾರ ಪ್ರಸಾದ್, ನಟ ದೀಪಕ್ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ನಿರ್ಮಾಪಕರು ಗೆಲ್ಲಬೇಕಾದ ಅನಿವಾರ್ಯತೆಯ ಬಗ್ಗೆ ಗೋವಿಂದು ಭಾವುಕತೆಯಿಂದ ಮಾತನಾಡಿದರು.

`ನಿರ್ಮಾಪಕರು ಗೆದ್ದರೆ ಚಿತ್ರೋದ್ಯಮ ಉಳಿಯುತ್ತದೆ~ ಎಂದ ಅವರು, ಭಾ.ಮ.ಹರೀಶ್ `ಗಟ್ಟಿ ನಿರ್ಮಾಪಕ~ರಾಗಿ ರೂಪುಗೊಳ್ಳಲಿ ಎಂದು ಹಾರೈಸಿದರು. `ಮೆಜೆಸ್ಟಿಕ್~, `ಶಿಷ್ಯ~ ಚಿತ್ರಗಳ ನಂತರ ಇದೀಗ `ಮಾಗಡಿ~ ಎನ್ನುವ ಚಿತ್ರವನ್ನು ಹರೀಶ್ ನಿರ್ಮಿಸಿದ್ದಾರೆ.

`ಶಿಷ್ಯ~ ಚಿತ್ರದಲ್ಲಿ ನಾಯಕರಾಗಿ ನಟಿಸಿದ್ದ ದೀಪಕ್ `ಮಾಗಡಿ~ಯಲ್ಲೂ ನಾಯಕ. `ಉಲ್ಲಾಸ~ ಮುಂದುವರೆಯಲಿ ಎಂದು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಬಂಧುಮಿತ್ರರು ಹಾರೈಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹತ್ತರ ಹರುಷ

ಚಿನಕುರುಳಿ Cartoon: 11 ಜುಲೈ 2025

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಲಾರ್ಡ್ಸ್‌ ಟೆಸ್ಟ್‌ನಲ್ಲಿ 5 ವಿಕೆಟ್ ಉರುಳಿಸಿದರೂ ಸಂಭ್ರಮಿಸದ ಬೂಮ್ರಾ: ಕಾರಣವೇನು?

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಆಂಗ್ಲರು: ಭಾರತದ ಜಯದ ಹಾದಿ ಕಠಿಣ! ಕಾರಣವೇನು?

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್: ದ್ರಾವಿಡ್ ದಾಖಲೆ ಮುರಿದ ಜೋ ರೂಟ್

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ