'ರಾಯಲ್' ಸಿನಿಮಾ ವಿಮರ್ಶೆ: ‘ರಾಯಲ್‌’ ಆಗಲು ಹಪಹಪಿಸುವ ಕೃಷ್ಣ!

ಸಾಮಾನ್ಯರಿಗೆ, ಮಧ್ಯಮ ವರ್ಗದವರಿಗೆ ರಾಯಲ್ ಆಗಿ ಬದುಕಬೇಕೆಂಬ ಹಂಬಲ ಸಹಜ. ಕೆಲವರು ಶ್ರಮ ಹಾಕಿ ಆರ್ಥಿಕವಾಗಿ ಆ ಹಂತ ತಲುಪುತ್ತಾರೆ. ಇನ್ನು ಕೆಲವರು ಶೋಕಿ ಬದುಕಿಗಾಗಿ ಅಡ್ಡಹಾದಿ ಹಿಡಿಯುತ್ತಾರೆ. ಹೀಗೆ ಶೋಕಿ ಮಾಡಿಕೊಂಡಿದ್ದ ಕಥಾ ನಾಯಕ ಕೃಷ್ಣನಿಗೆ ಬದುಕಿನಲ್ಲಿ ಬಯಸದೇ ಶ್ರೀಮಂತಿಕೆ ಬರುತ್ತದೆ. ಇದು ‘ರಾಯಲ್’ ಚಿತ್ರದ ಒಂದೆಳೆ ಕಥೆ. ಮಾಮೂಲಿ ಮಾಸ್, ಆ್ಯಕ್ಷನ್ ಸಿನಿಮಾಗಳಿಗೆ ಹೋಲಿಸಿದರೆ ಚಿತ್ರದ ಕಥೆ ಭಿನ್ನವಾಗಿದೆ. ಸಾಕಷ್ಟು ತಿರುವುಗಳೊಂದಿಗೆ ಚಿತ್ರಕಥೆಯೂ ಕುತೂಹಲಭರಿತವಾಗಿದೆ.

. ಚಿತ್ರ ಶುರುವಾಗುವುದು ಗೋವಾದ ಕಡಲತೀರದಲ್ಲಿ. ನಾಯಕಿ ಸಂಜನಾ ಮತ್ತು ಗೆಳತಿಯರು ಮೋಜು ಮಸ್ತಿಗಾಗಿ ಗೋವಾಕ್ಕೆ ಹೋದಾಗ ನಾಯಕ ಕೃಷ್ಣನ ಪ್ರವೇಶವಾಗುತ್ತದೆ. ಅಲ್ಲಿಂದ ಅವರಿಬ್ಬರ ಪ್ರೇಮಕಥೆ ಪ್ರಾರಂಭ. ಮೊದಲ ಹತ್ತು ನಿಮಿಷ ಇದೊಂದು ಮಾಮೂಲಿ ಪ್ರೇಮಕಥೆಯ ಸಿನಿಮಾ ಎಂದು ಭಾಸವಾಗುತ್ತದೆ. ಆದರೆ ಕಥೆಗೆ ಇದ್ದಕ್ಕಿದ್ದಂತೆ ತಿರುವು ದೊರೆತು ಚಿತ್ರ ಕುತೂಹಲಕಾರಿಯಾಗುತ್ತದೆ. ಕೃಷ್ಣನ ಕೌಟಂಬಿಕ ಕಥೆ ತೆರೆದುಕೊಳ್ಳುವ ಹೊತ್ತಿಗೆ ಚಿತ್ರದ ಮೊದಲಾರ್ಧ ಮುಗಿದಿರುತ್ತದೆ.

. ದ್ವಿತೀಯಾರ್ಧ ಬೇರೆಯದೇ ಲೋಕ. ಗೋವಾದ ಬೀದಿಯಲ್ಲಿ ಕಳ್ಳತನ, ಮೋಸಮಾಡಿಕೊಂಡಿದ್ದ ನಾಯಕ ಅವನ ಕನಸಿನಂತೆ ಶ್ರೀಮಂತಿಕೆ ತುಂಬಿ ತುಳುಕುತ್ತಿರುವ ರಾಯಲ್ ಲೋಕಕ್ಕೆ ಬಂದಿರುತ್ತಾನೆ. ಅಲ್ಲಿಗೆ ಏಕೆ ಬಂದ? ಅದರ ಹಿನ್ನೆಲೆ ಏನು ಎಂಬುದರ ಸುತ್ತ ದ್ವಿತೀಯಾರ್ಧ ನಡೆಯುತ್ತದೆ. ಹುಡುಗಿಯರ ನೆಚ್ಚಿನ ಕೃಷ್ಣನಾಗಿ ನಾಯಕ ವಿರಾಟ್ ಇಷ್ಟವಾಗುತ್ತಾರೆ. ಆದರೆ ಆ್ಯಕ್ಷನ್ ದೃಶ್ಯಗಳನ್ನು ನಾಯಕ ವೈಭವೀಕರಣಕ್ಕಾಗಿ ಬಲವಂತವಾಗಿ ತುರಕಿದಂತೆ ಭಾಸವಾಗುತ್ತದೆ. ಸಂಜನಾ ಆನಂದ್ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ನಾಯಕನ ತಾಯಿ ಪಾತ್ರದಲ್ಲಿ ನಟಿ ಛಾಯಾಸಿಂಗ್ ನೆನಪಿನಲ್ಲಿ ಉಳಿಯುತ್ತಾರೆ. ರಂಗಾಯಣ ರಘು, ಅಚ್ಯುತ್ ಕುಮಾರ್ ಪಾತ್ರಕ್ಕೆ ಹೆಚ್ಚು ಕೆಲಸವಿಲ್ಲ. ಖಳನಟನಾಗಿ ರಘು ಮುಖರ್ಜಿ ನಟನೆ ಉತ್ತಮವಾಗಿದೆ.

. ಚರಣ್ರಾಜ್ ಹಿನ್ನೆಲೆ ಸಂಗೀತ ಚಿತ್ರಕ್ಕೆ ಶಕ್ತಿ ತುಂಬಿದೆ. ಆದರೆ ಹಾಡುಗಳು ನೆನಪಿನಲ್ಲಿ ಉಳಿಯುವುದಿಲ್ಲ. ರಘು ನಿಡುವಳ್ಳಿ ಅವರ ಸಂಭಾಷಣೆಯಲ್ಲಿ ಪಂಚ್ ಜೊತೆಗೆ ತೂಕದ ಮಾತುಗಳೂ ಇವೆ. ಒಟ್ಟಾರೆ ಚಿತ್ರದ ಅವಧಿ, ಅದರಲ್ಲಿಯೂ ದ್ವಿತೀಯಾರ್ಧದ ಅವಧಿಯನ್ನು ಇನ್ನಷ್ಟು ಕಡಿಮೆ ಮಾಡುವ ಅವಕಾಶ ನಿರ್ದೇಶಕರಿಗಿತ್ತು. ಇಡೀ ಚಿತ್ರವನ್ನು ಸಾಕಷ್ಟು ಕಡೆ ಲಾಜಿಕ್ ಮರೆತು ತೆಲುಗು ಮಾದರಿಯ ಮಾಸ್ ಸಿನಿಮಾವಾಗಿ ಟ್ರೀಟ್ ಮಾಡಿರುವುದರಿಂದ ನಿರ್ದೇಶಕರು ಹಾಸ್ಯಕ್ಕೆ ಇನ್ನಷ್ಟು ಒತ್ತು ನೀಡುವ ಅವಕಾಶವಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

'ರಾಯಲ್' ಸಿನಿಮಾ ವಿಮರ್ಶೆ: ‘ರಾಯಲ್‌’ ಆಗಲು ಹಪಹಪಿಸುವ ಕೃಷ್ಣ!

ಚಿನಕುರುಳಿ: ಭಾನುವಾರ, ಸೆಪ್ಟೆಂಬರ್ 07, 2025

ವಾರ ಭವಿಷ್ಯ: 07-9-2025ರಿಂದ 13-9-2025 ರವರೆಗೆ; ಉದ್ಯೋಗದಲ್ಲಿರುವವರಿಗೆ ಅನುಕೂಲ

ದಿನ ಭವಿಷ್ಯ: ಈ ರಾಶಿಯ ನವ ವಿವಾಹಿತರಿಗೆ ಸಂತಾನ ಭಾಗ್ಯ ಲಭ್ಯವಾಗಲಿದೆ

ವಿಟ್ಲ: ಲಂಚ– ಪೆರುವಾಯಿ ಗ್ರಾಪಂ ಅಧ್ಯಕ್ಷೆ, ಸಿಬ್ಬಂದಿ ಲೋಕಾಯುಕ್ತ ಬಲೆಗೆ

England vs South Africa 3rd ODI: ಇಂಗ್ಲೆಂಡ್‌ಗೆ ದಾಖಲೆ ರನ್‌ ಅಂತರದ ಜಯ

ತಿಮ್ಮಪ್ಪಯ್ಯ ಸ್ಮಾರಕ ಕ್ರಿಕೆಟ್‌ ಟೂರ್ನಿ: ಕಾರ್ಯದರ್ಶಿ ಇಲೆವೆನ್‌ ತಂಡಕ್ಕೆ ಜಯ

ಗ್ರ್ಯಾಂಡ್‌ ಸ್ವಿಸ್‌ ಚೆಸ್‌ ಲೀಗ್‌: ಮುನ್ನಡೆಯಲ್ಲಿ ಪರ್ಹಾಮ್, ವೈಶಾಲಿ

Hockey Asia Cup: ಭಾರತದ ಮುಡಿಗೆ ನಾಲ್ಕನೇ ಏಷ್ಯಾ ಕಪ್

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಚಿನಕುರುಳಿ: ಭಾನುವಾರ, ಸೆಪ್ಟೆಂಬರ್ 07, 2025

ವಾರ ಭವಿಷ್ಯ: 07-9-2025ರಿಂದ 13-9-2025 ರವರೆಗೆ; ಉದ್ಯೋಗದಲ್ಲಿರುವವರಿಗೆ ಅನುಕೂಲ

ದಿನ ಭವಿಷ್ಯ: ಈ ರಾಶಿಯ ನವ ವಿವಾಹಿತರಿಗೆ ಸಂತಾನ ಭಾಗ್ಯ ಲಭ್ಯವಾಗಲಿದೆ

ವಿಟ್ಲ: ಲಂಚ– ಪೆರುವಾಯಿ ಗ್ರಾಪಂ ಅಧ್ಯಕ್ಷೆ, ಸಿಬ್ಬಂದಿ ಲೋಕಾಯುಕ್ತ ಬಲೆಗೆ