ಬೆಂಗಳೂರು: ಮಗಳು ಸೋನಮ್ ಕಪೂರ್ ಗರ್ಭಿಣಿಯಾಗಿರುವ ವಿಚಾರ ಬಹಿರಂಗಪಡಿಸುತ್ತಿದ್ದಂತೆ ಬಾಲಿವುಡ್ ನಟ ಅನಿಲ್ ಕಪೂರ್ ಮನೆಯಲ್ಲಿ ಸಂಭ್ರಮ ಮನೆಮಾಡಿದೆ.
ಅನಿಲ್ ಕಪೂರ್ ಮತ್ತು ಸುನಿತಾ ಕಪೂರ್ ಅವರು ಅಜ್ಜ–ಅಜ್ಜಿ ಆಗುತ್ತಿರುವ ಬಗ್ಗೆ ಹರ್ಷ ವ್ಯಕ್ತಪಡಿಸಿದ್ದಾರೆ.
ಅನಿಲ್ ಕಪೂರ್ ಮತ್ತು ಸುನಿತಾ ಕಪೂರ್ ಇಬ್ಬರೂ ಟ್ವೀಟ್ ಮಾಡಿ, ಮಗಳು–ಅಳಿಯನ ಫೋಟೊ ಹಂಚಿಕೊಂಡು ಸಂಭ್ರಮಿಸಿದ್ದಾರೆ.
ಟ್ವೀಟ್ ಮಾಡಿರುವ ಅನಿಲ್ ಕಪೂರ್, ನನ್ನ ಜೀವನದ ಅತ್ಯಂತ ರೋಮಾಂಚನಕಾರಿ ಪಾತ್ರಕ್ಕೆ ತಯಾರಾಗುತ್ತಿದ್ದೇನೆ. ಅದೇನೆಂದರೆ, ತಾತನಾಗುತ್ತಿದ್ದೇನೆ.. ನಮ್ಮ ಜೀವನದಲ್ಲಿ ಅತ್ಯಂತ ಖುಷಿಯ ಸುದ್ದಿ ನೀಡಿರುವ ಸೋನಮ್ ಮತ್ತು ಆನಂದ್‌ಗೆ ಅಭಿನಂದನೆಗಳು ಎಂದು ಹೇಳಿದ್ದಾರೆ.
