ಭಾನುವಾರ, ಅಕ್ಟೋಬರ್ 25, 2020
24 °C
ಸಲ್ಮಾನ್‌ ಖಾನ್ ನಿರೂಪಣೆಯಲ್ಲಿ, ಕಲರ್ಸ್ ವಾಹಿನಿಯಲ್ಲಿ ಪ್ರಸಾರ,

ಶನಿವಾರದಿಂದ ಹಿಂದಿ ‘ಬಿಗ್‌ಬಾಸ್ – ಸೀಸನ್ ‌14‌‘ ಶುರು

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಮುಂಬೈ: ಕೊರೊನಾ ಆತಂಕದ ನಡುವೆಯೇ ಹಿಂದಿ ಕಿರುತೆರೆಯ ಬಹು ಜನಪ್ರಿಯ ರಿಯಾಲಿಟಿ ಷೊ ‘ಬಿಗ್‌ ಬಾಸ್ –ಸೀಸನ್‌ 14‌‘ ಶನಿವಾರ ರಾತ್ರಿಯಿಂದ ಪ್ರೀಮಿಯರ್ ಶೋ ಮೂಲಕ ಪ್ರದರ್ಶನ ಆರಂಭಿಸುತ್ತಿದೆ.

ಪ್ರತಿ ಬಾರಿ ಪ್ರೇಕ್ಷಕರ ಸಂಭ್ರಮ, ಕರತಾಡನದ ನಡುವೆ ವಿಜೃಂಭಿಸುತ್ತಿದ್ದ ಪ್ರೀಮಿಯರ್‌ ಷೊ, ಕೊರೊನಾ ಸೋಂಕಿನಿಂದಾಗಿ, ಪ್ರೇಕ್ಷಕ ರಹಿತವಾಗಿ ಪ್ರದರ್ಶನಗೊಳ್ಳುತ್ತಿದೆ. 

ಬಾಲಿವುಡ್‌ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಿದ್ದಾರೆ. ಸಂಕಷ್ಟಗಳನ್ನು ಎದುರಿಸುತ್ತಿರುವ 2020 ವರ್ಷಕ್ಕೆ ಬಿಗ್‌ ಬಾಸ್ ಷೊ ಉತ್ತಮ ಪ್ರತಿಕ್ರಿಯೆ ನೀಡಬಹುದು ಎಂದು ನಿರೀಕ್ಷಿಸಲಾಗಿದೆ.

ಬಿಗ್‌ಬಾಸ್ ಸೀಸನ್ 14 ಉದ್ಘಾನಾ ಕಾರ್ಯಕ್ರಮ ಪ್ರೀಮಿಯರ್ ಷೊನಲ್ಲಿ ಮಾತನಾಡಿದ ನಟ ಸಲ್ಮಾನ್‌ಖಾನ್, ‘ಈ ವರ್ಷ ಅತ್ಯಂತ ನಕಾರಾತ್ಮಕ ಪದ ಸಕಾರಾತ್ಮಕವಾಗಿದೆ‘ ಎಂದು ಹೇಳಿದ್ದಾರೆ.

‘ಈ ಲಾಕ್‌ಡೌನ್‌, ನಮಗೆ ಅನೇಕ ಮನೆಕೆಲಸಗಳನ್ನು ಕಲಿಸಿದೆ. ಎಲ್ಲದಕ್ಕಿಂತ ಹೆಚ್ಚಾಗಿ ‘ಆ ಕಾಲವೇ ಎಷ್ಟು ಚೆನ್ನಾಗಿತ್ತಲ್ಲವಾ‘ ಎಂದು ಭೂತಕಾಲವನ್ನು ಮೆಚ್ಚಿಕೊಳ್ಳುವಂತೆ ಮಾಡಿದೆ‘ ಎಂದು ಸಲ್ಮಾನ್  ಬಿಗ್‌ಬಾಸ್‌ ಪ್ರೀಮಿಯರ್ ಷೊ ನಲ್ಲಿ ನೆನಪಿಸಿಕೊಂಡಿದ್ದಾರೆ. 

ಕೊರೊನಾ ಹಿನ್ನೆಲೆಯಲ್ಲಿ ಸುರಕ್ಷತೆ ಕಾಪಾಡುವ ದೃಷ್ಟಿಯಿಂದ  ಪ್ರೇಕ್ಷಕರಿಲ್ಲದೇ ಕಾರ್ಯಕ್ರಮ ನಡೆಸಬೇಕಾಗಿದೆ. ಪ್ರೇಕ್ಷಕರೇ ಇಲ್ಲದೇ ಷೊ ನಡೆಸುತ್ತಿರುವುದು ಒಂದು ರೀತಿ ಖಾಲಿ ಖಾಲಿ ಎನ್ನಿಸುತ್ತಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

‘ಬಿಗ್‌ಬಾಸ್ – ಸೀಸನ್ 14‘ ಪ್ರೀಮಿಯರ್ ಷೊ, ಶನಿವಾರ ರಾತ್ರಿ ಕಲರ್ಸ್‌ ವಾಹಿನಿಯಲ್ಲಿ ಪ್ರಸಾರವಾಗಲಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು