ಗುರುವಾರ , ಆಗಸ್ಟ್ 18, 2022
25 °C

ಮನ ಕಲಕುವ ಘಟನೆ: ಸತ್ತ ಮರಿಯನ್ನು ಸೊಂಡಿಲಲ್ಲಿ ಹೊತ್ತು ಸಾಗಿದ ತಾಯಿ ಆನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೋಲ್ಕತ್ತ: ತಾಯಿ ಆನೆಯೊಂದು ಆಕಸ್ಮಿಕವಾಗಿ ಸಾವನ್ನಪ್ಪಿದ ತನ್ನ ಕರುಳ ಬಳ್ಳಿ ಮರಿಯಾನೆಯನ್ನು ಸೊಂಡಿಲಿನಲ್ಲಿ ಎತ್ತಿಕೊಂಡು ಸಾಗಿರುವ ಮನ ಕಲಕುವ ಘಟನೆ ವರದಿಯಾಗಿದೆ.

ತಾಯಿ ಆನೆ ಸತ್ತ ಮರಿಯ ಕಳೇಬರವನ್ನು ಸೊಂಡಿಲಿನಲ್ಲಿ ಹೊತ್ತು ಸುಮಾರು 7 ಕೀ. ಮೀಟರ್‌ವರೆಗೂ ಹೊತ್ತು ಸಾಗಿರುವ ಘಟನೆ ಪಶ್ಚಿಮ ಬಂಗಾಳದಲ್ಲಿ ನಡೆದಿದೆ.

ಪ್ರಾಣಿಗಳಿಗೂ ರಕ್ತ ಸಂಬಂಧ, ಪ್ರೀತಿ, ಮಮತೆ, ಭಾವನೆಗಳು ಇರುತ್ತವೆ ಎಂಬುದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ.

ಇಲ್ಲಿನ ಆರಣ್ಯ ವ್ಯಾಪ್ತಿಯಲ್ಲಿರುವ ಜಲಪೈಗುರಿ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಛುನಾಭಟಿ ಟೀ ತೋಟದಲ್ಲಿನ ಬನಾರತ್‌ ಬ್ಲಾಕ್‌ನಲ್ಲಿ ಆನೆ ಮರಿ ಮೃತಪಟ್ಟಿದೆ. ಅದನ್ನು ತಾಯಿ ಆನೆ ಸೊಂಡಿಲಿನಲ್ಲಿ ಎತ್ತಿಕೊಂಡು ಆನೆಗಳ ಹಿಂಡಿನೊಂದಿಗೆ ಸಾಗಿದೆ. 3 ಚಹಾ ತೋಟಗಳನ್ನು ದಾಟಿಕೊಂಡು ಸುಮಾರು 7 ಕೀ. ಮೀಟರ್‌ಗಳವರೆಗೂ ಸಾಗಿ ಪೊದೆಯೊಂದರಲ್ಲಿ ಮರಿಯನ್ನು ಹಾಕಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಈ ವ್ಯಾಪ್ತಿಯಲ್ಲಿ ಆನೆಗಳ ಹಿಂಡು ಕಾಣಿಸಿಕೊಂಡಿರುವುದಕ್ಕೆ ಸ್ಥಳೀಯರು ಭಯಭೀತರಾಗಿದ್ದಾರೆ. ಆನೆಗಳ ಹಿಂಡಿನಲ್ಲಿ ಸುಮಾರು 35ಕ್ಕೂ ಆನೆಗಳು ಇದ್ದವು ಎಂದು ಸ್ಥಳೀಯರು ಹೇಳಿದ್ದಾರೆ. 

ಸದ್ಯ ಅರಣ್ಯ ಸಿಬ್ಬಂದಿ ಈ ಪ್ರದೇಶದಲ್ಲಿದ್ದು, ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ ಎಂದು ಅರಣ್ಯ ಸಂರಕ್ಷಣಾಧಿಕಾರಿಗಳು ತಿಳಿಸಿದ್ದಾರೆ. 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು