ಕಸದಿಂದ ರಸ ಎಂಬಂತೆ, ಗುಜರಿ ಸೇರಿ ದೂಳು ಮೆತ್ತಿಕೊಂಡಿದ್ದ ಆಸ್ಪತ್ರೆಯ ಆಂಬುಲೆನ್ಸ್ನ ಬೇಡವಾದ ಟೈರ್ಗಳು, ಡಾಕ್ಟರ್ ಮಕ್ಕಳ ಸೈಕಲ್ಗಳು, ಅದರ ಚಕ್ರಗಳು, ಹಳೆಯ ಸ್ಕೂಟರ್, ಮೂಲೆ ಸೇರಿದ ಚಕ್ಕಡಿ, ನೀರಿನ ಬಾಟಲಿ, ತೆಂಗಿನ ಹೆಡೆಗಳು, ಆಸ್ಪತ್ರೆಯಲ್ಲಿ ಡ್ರೈನ್ಗೆ ಬಳಸಿದ್ದ ಖಾನಾಪುರ ಪೈಪ್ಗಳೇ ಕಿಮ್ಸ್ ಆವರಣವನ್ನು ಸುಂದರವಾಗಿಸಿವೆ. ಟೈರ್ಗಳನ್ನು ಬಳಸಿ ಬುಲೆಟ್, ಹೂಹುಡುಗಿ, ಮೊಲಗಳನ್ನಾಗಿ ಮಾಡಿದ್ದು, ಅವುಗಳಿಗೆಲ್ಲ ಬಣ್ಣ ಬಳಿದು ಗಮನ ಸೆಳೆಯುವಂತೆ ಮಾಡಲಾಗಿದೆ. ಉದ್ಯಾನಗಳೆಲ್ಲ ಟ್ರಿಮ್ ಆಗಿ ನಡುನಡುವೆ ಟೈರ್ ಬುಲೆಟ್, ಟೈರ್ ಬಾವಿ, ಹೂವಿನ ಕುಂಡಗಳ ಹೊತ್ತು ನಿಂತ ಬಣ್ಣದ ಚಕ್ಕಡಿ ಕೈಬೀಸಿ ಕರೆಯುವಂತಿವೆ. ಅಲ್ಲಲ್ಲಿ ಮರಗಳ ಕಾಂಡದ ಮೇಲೆ ಸೈಕಲ್ ಚಕ್ರಗಳ ಚಶ್ಮಾ ತೊಟ್ಟು ನಮ್ಮನ್ನೇ ದಿಟ್ಟಿಸುವ ಸುಂದರ ಮೀಸೆ ಮಾವ ಕೂಡ ಆಕರ್ಷಣೆಯ ಕೇಂದ್ರ
ಬಿಂದು.