ಆಳ– ಅಗಲ | ಹವಾಮಾನ ವೈಪರೀತ್ಯ: ಒಂದೆಡೆ ಬಿಸಿಗಾಳಿ, ಇನ್ನೊಂದೆಡೆ ಬಿರುಮಳೆ

ಹವಾಮಾನ ವೈಪರೀತ್ಯದ ಪರಿಣಾಮವು ಜಗತ್ತಿನ ಹಲವೆಡೆ ತಲೆದೋರಿದೆ. ಇದು ಆರಂಭದ ಹಂತದ ಪರಿಣಾಮಗಳಷ್ಟೆ. ಮುಂದಿನ ವರ್ಷಗಳಲ್ಲಿ ಈ ಪರಿಣಾಮದ ತೀವ್ರತೆ ಇನ್ನಷ್ಟು ಹೆಚ್ಚಲಿದೆ ಎಂದು ವಿಶ್ವ ಹವಾಮಾನ ಸಂಘಟನೆ ಹೇಳಿದೆ. ಭೂಮಧ್ಯೆ ರೇಖೆಗಿಂತ ಕೆಳಗೆ ಇರುವ ದೇಶಗಳಲ್ಲಿ ಈಗ ಬಿರುಬೇಸಿಗೆ. ಅಂದರೆ, ಇತ್ತೀಚಿನ ದಶಕಗಳಲ್ಲೇ ಕಂಡರಿಯದಷ್ಟು ಬಿಸಿಲಿಗೆ ಈ ದೇಶಗಳು ಮೈಯೊಡ್ಡಿವೆ. ಈ ದೇಶಗಳ ಪಕ್ಕದಲ್ಲೇ ಇರುವ ಯುಎಇ, ಈಜಿಪ್ಟ್‌, ಕೆನ್ಯಾ, ಸೊಮಲಿಯಾಗಳಲ್ಲಿ ಪ್ರವಾಹ ಸ್ಥಿತಿ ತಲೆದೋರುವಷ್ಟು ಮಳೆ ಹೊಯ್ಯುತ್ತಿದೆ. ಭಾರತವೂ ಒಳಗೊಂಡಂತೆ ದಕ್ಷಿಣ ಮತ್ತು ಆಗ್ನೇಯ ಏಷ್ಯಾದ ದೇಶಗಳಲ್ಲಿ ಒಂದು ವಾರದಿಂದ ಬಿಸಿಗಾಳಿಯ ಪರಿಸ್ಥಿತಿ ಇತ್ತು. ಆಗ್ನೇಯ ಏಷ್ಯಾದಲ್ಲಿ ಈಗ ಮಳೆಯಾಗುತ್ತಿದೆ. ಭಾರತದ ಕೆಲವೆಡೆ ಮಳೆ ಇದ್ದರೆ, ಕೆಲವೆಡೆ ಮಳೆಯಾಗುತ್ತಿದೆ. ದಕ್ಷಿಣ ಅಮೆರಿಕದ ದೇಶಗಳಲ್ಲೂ ಇಂಥದ್ದೇ ಸ್ಥಿತಿ ಇದೆ