ಬಾಲಕಿ ತಂದೆ ಹನುಮಂತು, ಮದುವೆ ಹಾಗೂ ಇತರ ಸಮಾರಂಭಗಳಲ್ಲಿ ಲೈಟಿಂಗ್ಸ್ ಅಲಂಕಾರದ ಕೆಲಸ ಮಾಡುತ್ತಾರೆ. ಆದರೆ, ಕೋವಿಡ್ ಲಾಕ್ಡೌನ್ ಕಾರಣ ಆ ಕೆಲಸವೂ ಇಲ್ಲದೆ ಸಂಕಷ್ಟಕ್ಕೆ ಒಳಗಾದರು. ಕುಟುಂಬ ನಿರ್ವಹಣೆಗಾಗಿ ಸೊಪ್ಪು ಮಾರಾಟಕ್ಕೆ ಮುಂದಾದರು. ಚೆನ್ನಾಗಿ ಓದಬೇಕು, ಮುಂದೆ ಬರಬೇಕು ಎಂಬ ಛಲ ಬಾಲಕಿಗೆ. ಆದರೆ, ಆನ್ಲೈನ್ ಕ್ಲಾಸ್ಗೆ ಮೊಬೈಲ್, ಕಂಪ್ಯೂಟರ್ ಎಲ್ಲಿಂದ ತರುವುದು? ಅದನ್ನು ಖರೀದಿಸಿಕೊಡುವ ಸಾಮರ್ಥ್ಯವೂ ಪೋಷಕರಿಗಿಲ್ಲ. ಅದಕ್ಕಾಗಿ ಆಕೆ ಕಂಡುಕೊಂಡ ಹಾದಿ ತಂದೆ ಜೊತೆ ತೆರಳಿ, ಸೊಪ್ಪು ಮಾರಿ ಹಣ ಸಂಪಾದಿಸುವುದು.