ರಸಸ್ವಾದ: ಹಾಗಲದ ಖಾದ್ಯಗಳು

ಹಾಗಲಕಾಯಿ ರಾಯತ

ಬೇಕಾಗುವ  ಸಾಮಗ್ರಿ: ಸಣ್ಣಗೆ ಹೆಚ್ಚಿ  ಬೇಯಿಸಿದ ಹಾಗಲ ಕಾಯಿ  1/2 ಕಪ್, ಹಸಿಶುಂಠಿ ತುರಿ 1/2 ಚಮಚ, ತೆಂಗಿನ ತುರಿ 1 ಚಮಚ, ಮೊಸರು 1 ಕಪ್, 1/2ಚಮಚ  ಸಕ್ಕರೆ, ರುಚಿಗೆ ತಕ್ಕಷ್ಟುಉಪ್ಪು.

ಮಾಡುವ ವಿಧಾನ: ತೆಂಗಿನತುರಿ, ಶುಂಠಿ, ಸಕ್ಕರೆ, ಉಪ್ಪು ಸೇರಿಸಿ ಅರೆದು ಮೊಸರಿನೊಂದಿಗೆ  ಮಿಶ್ರಣ ಮಾಡಿಕೊಳ್ಳಿ. ನಂತರ  ಇದನ್ನು ಬೆಂದ ಹಾಗಲಕ್ಕೆ  ಸೇರಿಸಿ ಚೆನ್ನಾಗಿ ಕೈಯಾಡಿಸಿ, ಕೊತ್ತಂಬರಿ ಸೊಪ್ಪು  ಉದುರಿಸಿ,  ಜೀರಿಗೆ-ಇಂಗಿನ ಒಗ್ಗರಣೆ ಕೊಡಿ.  

ಹಾಗಲದ ಪೋಹಾ

ಬೇಕಾಗುವ  ಸಾಮಗ್ರಿ: ಮೀಡಿಯಂ ಅವಲಕ್ಕಿ 2 ಕಪ್,ಸಣ್ಣಗೆ ಹೆಚ್ಚಿ  ಬೇಯಿಸಿದ ಹಾಗಲ ಕಾಯಿ  1/2 ಕಪ್,  ಹಸಿರುಮೆಣಸಿನಕಾಯಿ ಸೀಳು 8-10,ಕರಿಬೇವು  ಸ್ವಲ್ಪ, ಚಿಟಿಕೆ ಅರಿಶಿನ, ರುಚಿಗೆ ತಕ್ಕಷ್ಟು ಉಪ್ಪು.(ನಿಂಬೆರಸ 1/2 ಚಮಚ ಐಚ್ಚಿಕ )

ಮಾಡುವ ವಿಧಾನ: ಅವಲಕ್ಕಿಯನ್ನು ನೀರಿನಲ್ಲಿ ತೊಳೆದು ಬಸಿದುಕೊಳ್ಳಿ. ಬಾಣಲಿಯಲ್ಲಿ ಸಾಸಿವೆ ಸಿಡಿಸಿ, ಅರಿಶಿನ, ಹಸಿಮೆಣಸಿನಕಾಯಿ,ಬೇಯಿಸಿದ ಹಾಗಲ ಕಾಯಿ,ಕರಿಬೇವು ಹಾಕಿ ಬಾಡಿಸಿ,  ನಂತರ ಅವಲಕ್ಕಿ, ಉಪ್ಪು ಸೇರಿಸಿ  ಎರಡು ನಿಮಿಷ ಸಣ್ಣ ಉರಿಯಲ್ಲಿ ಕೈಯಾಡಿಸಿ, ಉರಿ ಆರಿಸಿ ನಿಂಬೆ ರಸ ಬೆರಸಿ ಮಿಶ್ರಣ ಮಾಡಿ.

 ಹಾಗಲ- ಬೇಳೆ ಪಲ್ಯ

ಬೇಕಾದ  ಸಾಮಗ್ರಿ: ಬೇಯಿಸಿದ  ಕಡಲೆಬೇಳೆ 1 ಕಪ್,ಬೇಯಿಸಿದ ಹಾಗಲ ಕಾಯಿ 1ಕಪ್,ತೆಂಗಿನ ತುರಿ 1/2 ಕಪ್, 3-4 ಒಣಮೆಣಸಿನಕಾಯಿ, ರುಚಿಗೆ ತಕ್ಕಷ್ಟು  ಉಪ್ಪು. 

ಮಾಡುವ ವಿಧಾನ:  ದಪ್ಪ ತಳದ ಬಾಣಲೆಗೆ ಸಾಸಿವೆ,ಉದ್ದಿನಬೇಳೆ, ಇಂಗು ಒಗ್ಗರಿಸಿ,ಮೆಣಸಿನಕಾಯಿ ಹುರಿದು, ಕಡಲೆಬೇಳೆ,ಹಾಗಲ ಕಾಯಿ, ತೆಂಗಿನ ತುರಿ ಮತ್ತು ಉಪ್ಪು ಸೇರಿಸಿ ಐದು ನಿಮಿಷ ಬಾಡಿಸಿ.