<p><strong>ನವದೆಹಲಿ:</strong> ಹತ್ತು ಸೇವೆಗಳ ಕುರಿತು ಉತ್ಪಾದಕರ ಬೆಲೆ ಸೂಚ್ಯಂಕವನ್ನು (ಪಿಪಿಐ) ಪ್ರಾಯೋಗಿಕವಾಗಿ ಪ್ರಕಟಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.</p>.<p>ದೂರಸಂಪರ್ಕ, ರೈಲ್ವೆ, ಬಂದರು, ಅಂಚೆ, ವಿಮೆ, ಬ್ಯಾಂಕಿಂಗ್, ಸಾರಿಗೆ, ವಿಮಾನ ಪ್ರಯಾಣ ಒಳಗೊಂಡಂತೆ ಹತ್ತು ಸೇವೆಗಳಲ್ಲಿನ ಹಣದುಬ್ಬರದ ಮೇಲೆ ನಿಗಾ ಇರಿಸಲು ಇದರಿಂದ ಸಾಧ್ಯವಾಗಲಿದೆ. ಈ ಸೇವೆಗಳ ‘ಪಿಪಿಐ’ಯನ್ನು ಜೂನ್ ತಿಂಗಳಲ್ಲಿ<br /> ಪ್ರಕಟಿಸಲಾಗುವುದು ಎಂದು ಅಧಿಕೃತ ಮೂಲಗಳು ತಿಳಿಸಿವೆ.</p>.<p>ಸದ್ಯಕ್ಕೆ, ಬೆಲೆಗಳ ಚಲನವಲನ ದಾಖಲಿಸಲು ಸಗಟು ಬೆಲೆ ಸೂಚ್ಯಂಕ (ಡಬ್ಲ್ಯುಪಿಐ) ಮತ್ತು ಗ್ರಾಹಕರ ಬೆಲೆ ಸೂಚ್ಯಂಕಗಳನ್ನು (ಸಿಪಿಐ) ಬಳಸಲಾಗುತ್ತಿದೆ. ಸಗಟು ಮಾರುಕಟ್ಟೆಯಲ್ಲಿನ ಬೆಲೆ ಏರಿಳಿತವನ್ನು ‘ಡಬ್ಲ್ಯುಪಿಐ’ ಮತ್ತು ಸರಕುಗಳ ಚಿಲ್ಲರೆ ಮಾರಾಟ ಹಂತದಲ್ಲಿನ ಬೆಲೆ ವ್ಯತ್ಯಾಸವನ್ನು ಮತ್ತು ಕೆಲ ಸೇವೆಗಳನ್ನು ‘ಸಿಪಿಐ’ ಪ್ರತಿನಿಧಿಸುತ್ತದೆ.</p>.<p>ಈ ಎರಡೂ ಸೂಚ್ಯಂಕಗಳನ್ನು ಲೆಕ್ಕ ಹಾಕುವಾಗ ತೆರಿಗೆ ಹೊರೆಗಳನ್ನೂ ಪರಿಗಣಿಸಲಾಗಿರುತ್ತದೆ. ತೆರಿಗೆ ಹೊರತಾದ ಉತ್ಪಾದನಾ ವೆಚ್ಚವನ್ನು ‘ಪಿಪಿಐ’ ಲೆಕ್ಕಕ್ಕೆ ತೆಗೆದುಕೊಳ್ಳಲಿದೆ.</p>.<p>ದೇಶಿ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ಮತ್ತು ರಫ್ತು ಮಾಡಲು ತಯಾರಕರು ತಮ್ಮ ಸರಕಿಗೆ ಪಡೆಯುವ ಬೆಲೆಗಳಲ್ಲಿನ ಸರಾಸರಿ ವ್ಯತ್ಯಾಸವನ್ನು ‘ಪಿಪಿಐ’ ಅಳೆಯಲಿದೆ.</p>.<p>ರೈಲ್ವೆ ವಿಷಯದಲ್ಲಿ ಸರಕುಗಳ ಸಾಗಾಣಿಕೆ ವೆಚ್ಚ ಮತ್ತು ಪ್ರಯಾಣಿಕರ ದರಗಳಲ್ಲಿನ ಏರಿಳಿತವನ್ನು ಪರಿಗಣಿಸಲಾಗುವುದು. ನೇರ ತೆರಿಗೆ ಮತ್ತು ಸೇವಾ ಶುಲ್ಕಗಳನ್ನು ಬ್ಯಾಂಕಿಂಗ್ ಕ್ಷೇತ್ರಕ್ಕೆ ಅನ್ವಯಿಸಲಾಗುವುದು.</p>.<p>ಸೇವಾ ವಲಯವು ಒಟ್ಟು ಆಂತರಿಕ ಉತ್ಪನ್ನಕ್ಕೆ (ಜಿಡಿಪಿ) ಶೇ 60ರಷ್ಟು ಕೊಡುಗೆ ನೀಡುತ್ತಿರುವುದರಿಂದ ಸೇವೆಗಳಿಗೆ ಸಂಬಂಧಿಸಿದ ‘ಪಿಪಿಐ’ಗೆ ಹೆಚ್ಚಿನ ಮಹತ್ವ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಹತ್ತು ಸೇವೆಗಳ ಕುರಿತು ಉತ್ಪಾದಕರ ಬೆಲೆ ಸೂಚ್ಯಂಕವನ್ನು (ಪಿಪಿಐ) ಪ್ರಾಯೋಗಿಕವಾಗಿ ಪ್ರಕಟಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.</p>.<p>ದೂರಸಂಪರ್ಕ, ರೈಲ್ವೆ, ಬಂದರು, ಅಂಚೆ, ವಿಮೆ, ಬ್ಯಾಂಕಿಂಗ್, ಸಾರಿಗೆ, ವಿಮಾನ ಪ್ರಯಾಣ ಒಳಗೊಂಡಂತೆ ಹತ್ತು ಸೇವೆಗಳಲ್ಲಿನ ಹಣದುಬ್ಬರದ ಮೇಲೆ ನಿಗಾ ಇರಿಸಲು ಇದರಿಂದ ಸಾಧ್ಯವಾಗಲಿದೆ. ಈ ಸೇವೆಗಳ ‘ಪಿಪಿಐ’ಯನ್ನು ಜೂನ್ ತಿಂಗಳಲ್ಲಿ<br /> ಪ್ರಕಟಿಸಲಾಗುವುದು ಎಂದು ಅಧಿಕೃತ ಮೂಲಗಳು ತಿಳಿಸಿವೆ.</p>.<p>ಸದ್ಯಕ್ಕೆ, ಬೆಲೆಗಳ ಚಲನವಲನ ದಾಖಲಿಸಲು ಸಗಟು ಬೆಲೆ ಸೂಚ್ಯಂಕ (ಡಬ್ಲ್ಯುಪಿಐ) ಮತ್ತು ಗ್ರಾಹಕರ ಬೆಲೆ ಸೂಚ್ಯಂಕಗಳನ್ನು (ಸಿಪಿಐ) ಬಳಸಲಾಗುತ್ತಿದೆ. ಸಗಟು ಮಾರುಕಟ್ಟೆಯಲ್ಲಿನ ಬೆಲೆ ಏರಿಳಿತವನ್ನು ‘ಡಬ್ಲ್ಯುಪಿಐ’ ಮತ್ತು ಸರಕುಗಳ ಚಿಲ್ಲರೆ ಮಾರಾಟ ಹಂತದಲ್ಲಿನ ಬೆಲೆ ವ್ಯತ್ಯಾಸವನ್ನು ಮತ್ತು ಕೆಲ ಸೇವೆಗಳನ್ನು ‘ಸಿಪಿಐ’ ಪ್ರತಿನಿಧಿಸುತ್ತದೆ.</p>.<p>ಈ ಎರಡೂ ಸೂಚ್ಯಂಕಗಳನ್ನು ಲೆಕ್ಕ ಹಾಕುವಾಗ ತೆರಿಗೆ ಹೊರೆಗಳನ್ನೂ ಪರಿಗಣಿಸಲಾಗಿರುತ್ತದೆ. ತೆರಿಗೆ ಹೊರತಾದ ಉತ್ಪಾದನಾ ವೆಚ್ಚವನ್ನು ‘ಪಿಪಿಐ’ ಲೆಕ್ಕಕ್ಕೆ ತೆಗೆದುಕೊಳ್ಳಲಿದೆ.</p>.<p>ದೇಶಿ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ಮತ್ತು ರಫ್ತು ಮಾಡಲು ತಯಾರಕರು ತಮ್ಮ ಸರಕಿಗೆ ಪಡೆಯುವ ಬೆಲೆಗಳಲ್ಲಿನ ಸರಾಸರಿ ವ್ಯತ್ಯಾಸವನ್ನು ‘ಪಿಪಿಐ’ ಅಳೆಯಲಿದೆ.</p>.<p>ರೈಲ್ವೆ ವಿಷಯದಲ್ಲಿ ಸರಕುಗಳ ಸಾಗಾಣಿಕೆ ವೆಚ್ಚ ಮತ್ತು ಪ್ರಯಾಣಿಕರ ದರಗಳಲ್ಲಿನ ಏರಿಳಿತವನ್ನು ಪರಿಗಣಿಸಲಾಗುವುದು. ನೇರ ತೆರಿಗೆ ಮತ್ತು ಸೇವಾ ಶುಲ್ಕಗಳನ್ನು ಬ್ಯಾಂಕಿಂಗ್ ಕ್ಷೇತ್ರಕ್ಕೆ ಅನ್ವಯಿಸಲಾಗುವುದು.</p>.<p>ಸೇವಾ ವಲಯವು ಒಟ್ಟು ಆಂತರಿಕ ಉತ್ಪನ್ನಕ್ಕೆ (ಜಿಡಿಪಿ) ಶೇ 60ರಷ್ಟು ಕೊಡುಗೆ ನೀಡುತ್ತಿರುವುದರಿಂದ ಸೇವೆಗಳಿಗೆ ಸಂಬಂಧಿಸಿದ ‘ಪಿಪಿಐ’ಗೆ ಹೆಚ್ಚಿನ ಮಹತ್ವ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
