ಬಿಗ್‌ಬಾಸ್ ವಿಜೇತ ಸೂರಜ್ ಚವಾಣ್ ಅದ್ಧೂರಿ ವಿವಾಹ; ಚಿತ್ರಗಳು ಇಲ್ಲಿವೆ

ಬಿಗ್‌ಬಾಸ್ ಮರಾಠಿ ಸೀಸನ್ 5ರ ವಿಜೇತ ಸೂರಜ್ ಚವಾಣ್ ಅವರು ಬಾಲ್ಯದ ಗೆಳೆತಿ ಜೊತೆ ಅದ್ಧೂರಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಪುಣೆ ಜಿಲ್ಲೆಯ ಬಾರಾಮತಿ ತಾಲೂಕಿನ ಮೋಡ್ವೆ ಗ್ರಾಮದ ಸೂರಜ್ ನವೆಂಬರ್ 29ರಂದು ಸಂಜನಾ ಗೋಫಾನೆ ಜೊತೆಗೆ ಮದುವೆಯಾಗಿದ್ದಾರೆ.

ಸೂರಜ್ ಚವಾಣ್ ಅವರು ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ವಿವಾಹ ಸಂಭ್ರಮದ ಚಿತ್ರಗಳನ್ನು ಹಂಚಿಕೊಂಡಿದ್ದು, ಈ ಫೋಟೊಗಳು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಹರಿದಾಡುತ್ತಿವೆ.

ಟಿಕ್‌ಟಾಕ್ ತಾರೆಯಾಗಿದ್ದ ಸೂರಜ್ ಚವಾಣ್ ಅವರು ಬಿಗ್‌ಬಾಸ್ ಮರಾಠಿ ಸೀಸನ್ 5ರಲ್ಲಿ ಭಾಗವಹಿಸಿದ್ದರು. ತಮ್ಮ ಸರಳತೆಯಿಂದಲೇ ಪ್ರೇಕ್ಷಕರ ಹೃದಯ ಗೆದ್ದು ಬಿಗ್‌ಬಾಸ್‌ ಮರಾಠಿ ಸೀಸನ್ 5ರ ವಿಜೇತರು ಕೂಡ ಆದರು.

ಫೋಟೊಗಳನ್ನು ಹಂಚಿಕೊಂಡ ಸೂರಜ್‌ ಅವರು, ‘ನಾನು ಬಯಸಿದ ಹುಡುಗಿಯೇ ಹೆಂಡತಿಯಾಗಿ ನನಗೆ ಸಿಕ್ಕಳು’ ಎಂದು ಬರೆದುಕೊಂಡಿದ್ದಾರೆ.