ವಿರಾಟ್, ಋತುರಾಜ್ ಶತಕl ತಿರುಗೇಟು ನೀಡಿದ ಮರ್ಕರಂ: ದಕ್ಷಿಣ ಆಫ್ರಿಕಾಕ್ಕೆ ಅಮೋಘ ಜಯ

ರಾಯಪುರ: ವಿರಾಟ್ ಕೊಹ್ಲಿ ಮತ್ತು ಋತುರಾಜ್ ಗಾಯಕವಾಡ ಅವರ ಶತಕದ ಬಲದಿಂದ ಭಾರತ ತಂಡವು ದೊಡ್ಡ ಮೊತ್ತ ಪೇರಿಸಿತು. ಆ ಗುರಿಯನ್ನು ಮೀರಿ ನಿಂತ ದಕ್ಷಿಣ ಆಫ್ರಿಕಾ ತಂಡವು ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಅಮೋಘ ಜಯ ಸಾಧಿಸಿತು.

. ಬುಧವಾರ ಇಲ್ಲಿ ನಡೆದ ಎರಡನೇ ಪಂದ್ಯದಲ್ಲಿ 359 ರನ್ಗಳ ಕಠಿಣ ಗುರಿಯನ್ನು ಯಶಸ್ವಿಯಾಗಿ ಮುಟ್ಟಿದ ಪ್ರವಾಸಿ ಬಳಗವು 4 ವಿಕೆಟ್ಗಳಿಂದ ಜಯಿಸಿತು. ಏಡನ್ ಮರ್ಕರಂ (110 ರನ್) ಅವರ ಶತಕ, ಮ್ಯಾಥ್ಯೂ ಬ್ರೀಟ್ಜ್ಸ್ಕಿ (68 ರನ್) ಹಾಗೂ ಡೆವಾಲ್ಡ್ ಬ್ರೆವಿಸ್ (54 ರನ್) ಅವರು ಗೆಲುವಿನ ರೂವಾರಿಗಳಾದರು. ದಕ್ಷಿಣ ಆಫ್ರಿಕಾ ತಂಡವು ಮೂರು ಪಂದ್ಯಗಳ ಸರಣಿಯಲ್ಲಿ 1–1ರ ಸಮಬಲ ಸಾಧಿಸಿತು. ಇನ್ನೊಂದು ಪಂದ್ಯ ಬಾಕಿ ಇದೆ.

. ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ (102; 93ಎಸೆತ) ಮತ್ತು ಋತುರಾಜ್ ಗಾಯಕವಾಡ (105; 83ಎಸೆತ) ಅವರ ಶತಕಗಳು ಮಾತ್ರ ಭಾರತದ ಅಭಿಮಾನಿಗಳ ಪಾಲಿಗೆ ಸವಿನೆನಪಾಗಿ ಉಳಿದವು.

. ವಿರಾಟ್ ಏಕದಿನ ಕ್ರಿಕೆಟ್ನಲ್ಲಿ ಗಳಿಸಿದ 53ನೇ ಶತಕ ಇದಾಗಿದೆ. ಋತುರಾಜ್ ಅವರಿಗೆ ಮೊದಲನೇಯದ್ದು. ನಾಯಕ ಕೆ.ಎಲ್ ರಾಹುಲ್ (ಔಟಾಗದೇ 66) ಅವರೂ ಉಪಯುಕ್ತ ಕಾಣಿಕೆ ನೀಡಿದರು. ಅದರಿಂದಾಗಿ ಆತಿಥೇಯ ತಂಡವು 50 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 358 ರನ್ ಗಳಿಸಿತು.

. ಗುರಿ ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ತಂಡವು 49.2 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 362 ರನ್ ಗಳಿಸಿತು.

. ಭಾರತದ ಬೌಲಿಂಗ್ ಇನಿಂಗ್ಸ್ನ ಆರಂಭದಲ್ಲಿ ಸ್ವಲ್ಪ ಉತ್ತಮವಾಗಿತ್ತು. ಆದರೆ ನಂತರದ ಹಂತದಲ್ಲಿ ಬೌಲರ್ ಗಳು ಹೆಚ್ಚು ದಂಡನೆಗೊಳಗಾದರು. ಅಲ್ಲದೇ ಫೀಲ್ಡಿಂಗ್ ಲೋಪಗಳೂ ಹೆಚ್ಚು ರನ್ಗಳು ಪ್ರವಾಸಿ ತಂಡದ ಖಾತೆಗೆ ಸೇರಲು ಕಾರಣವಾದವು.

. ಐದನೇ ಓವರ್ನಲ್ಲಿ ಕ್ವಿಂಟನ್ ಡಿ ಕಾಕ್ ವಿಕೆಟ್ ಗಳಿಸಿದ ಅರ್ಷದೀಪ್ ಸಿಂಗ್ ಭಾರತಕ್ಕೆ ಉತ್ತಮ ಆರಂಭ ನೀಡಿದ್ದರು. ಆರಂಭಿಕ ಬ್ಯಾಟರ್ ಏಡನ್ ಮರ್ಕರಂ ಅವರು 10 ಬೌಂಡರಿ ಮತ್ತು 4 ಸಿಕ್ಸರ್ ಹೊಡೆಯುವ ಮೂಲಕ ಅಮೋಘ ಆಟವಾಡಿದರು. ಅಲ್ಲದೇ ಅವರು ನಾಯಕ ತೆಂಬಾ ಬವುಮಾ (46 ರನ್) ಅವರೊಂದಿಗೆ ಎರಡನೇ ವಿಕೆಟ್ ಜೊತೆಯಾಟದಲ್ಲಿ 101 ರನ್ ಸೇರಿಸಿದರು.

. ಈ ಗಟ್ಟಿ ಅಡಿಪಾಯದ ಮೇಲೆ ಬ್ರೀಟ್ಜ್ಸ್ಕಿ ಮತ್ತು ಡೆವಾಲ್ಡ್ ಅವರು ಗೆಲುವಿನ ಸೌಧ ಕಟ್ಟಿದರು. ಆದರೂ ಕುಲದೀಪ್ ಯಾದವ್ ಮತ್ತು ಅರ್ಷದೀಪ್ ಸಿಂಗ್ ಅವರು ಇನಿಂಗ್ಸ್ ನಿಯಂತ್ರಿಸಲು ಪ್ರಯತ್ನಿಸಿದರು.ಟೋನಿ ಡಿ ಝೋರ್ಜಿ ಗಾಯಗೊಂಡು ನಿವೃತ್ತರಾದರು. ಆದರೆ, ಕೊನೆಯಲ್ಲಿ ಮತ್ತೆ ಮಿಂಚಿದ ಕಾರ್ಬಿನ್ ಬಾಷ್ ಹಾಗೂ ಕೇಶವ್ ಮಹಾರಾಜ್ ಅವರು ತಂಡ ವನ್ನುಗೆಲುವಿನ ದಡ ಮುಟ್ಟಿಸಿದರು.

. ಭಾರತ: 50 ಓವರುಗಳಲ್ಲಿ 5 ವಿಕೆಟ್ಗೆ 358 . ಜೈಸ್ವಾಲ್ ಬಿ ಬಾಷ್ ಬಿ ಯಾನ್ಸೆನ್ 22 (38ಎ, 4x2, 6x1)

ರೋಹಿತ್ ಸಿ ಡಿಕಾಕ್ ಬಿ ಬರ್ಗರ್ 14 (8ಎ, 4x3)

ಕೊಹ್ಲಿ ಸಿ ಮರ್ಕರಂ ಬಿ ಗಿಡಿ 102 (93ಎ, 4x7, 6x2)

ಋತುರಾಜ್ ಸಿ ಡಿ ಝೋರ್ಜಿ ಬಿ ಯಾನ್ಸೆನ್ 105 (83ಎ, 4x12, 6x2)

ರಾಹುಲ್ ಔಟಾಗದೇ 66 (43ಎ, 4x6, 6x2)

ಸುಂದರ್ ರನೌಟ್ (ಬಾಷ್/ಡಿಕಾಕ್) 1 (8ಎ)

ಜಡೇಜ ಔಟಾಗದೇ 24 (27ಎ, 4x2)

ಇತರೆ: 24 (ಲೆಗ್ಬೈ 4, ವೈಡ್ 20)

ವಿಕೆಟ್ ಪತನ: 1–40 (ರೋಹಿತ್ ಶರ್ಮಾ, 4.5), 2–62 (ಯಶಸ್ವಿ ಜೈಸ್ವಾಲ್, 9.4), 3–257 (ಋತುರಾಜ್ ಗಾಯಕವಾಡ, 35.4), 4–284 (ವಿರಾಟ್ ಕೊಹ್ಲಿ, 39.1), 5–289 (ವಾಷಿಂಗ್ಟನ್

ಸುಂದರ್, 40.6)

ಬೌಲಿಂಗ್: ನಾಂಡ್ರೆ ಬರ್ಗರ್ 6.1–0–43–1; ಲುಂಗಿ ಗಿಡಿ 10–1–51–1; ಮಾರ್ಕೊ ಯಾನ್ಸೆನ್ 10–1–63–2; ಕೇಶವ ಮಹಾರಾಜ್ 10–0–70–0; ಕಾರ್ಬಿನ್ ಬಾಷ್ 8–0–79–0; ಏಡನ್ ಮರ್ಕರಂ 5.5–0–48–0

ದಕ್ಷಿಣ ಆಫ್ರಿಕಾ: 49.2 ಓವರುಗಳಲ್ಲಿ 6ಕ್ಕೆ362 ಮರ್ಕರಂ ಸಿ ಋತುರಾಜ್ ಬಿ ಹರ್ಷಿತ್ 110 (98ಎ, 4x10, 6x4)

ಡಿಕಾಕ್ ಸಿ ವಾಷಿಂಗ್ಟನ್ ಬಿ ಅರ್ಷದೀಪ್ 8 (11ಎ, 4x2)

ಬವುಮಾ ಸಿ ಹರ್ಷಿತ್ ಬಿ ಬವುಮಾ 46 (48ಎ, 4x3, 6x1)

ಬ್ರೀಟ್ಜ್ಸ್ಕಿ ಎಲ್ಬಿಡಬ್ಲ್ಯು ಬಿ ಪ್ರಸಿದ್ಧ 68 (64ಎ, 4x5)

ಬ್ರೆವಿಸ್ ಸಿ ಜೈಸ್ವಾಲ್ ಬಿ ಕುಲದೀಪ್ 54 (34ಎ, 4x1, 6x5)

ಝೋರ್ಜಿ ಗಾಯಾಳಾಗಿ ನಿವೃತ್ತಿ 17 (11ಎ, 6x1)

ಯಾನ್ಸೆನ್ ಸಿ ಋತುರಾಜ್ ಹಿ ಅರ್ಷದೀಪ್ 2 (2ಎ)

ಬಾಷ್ ಔಟಾಗದೇ 29 (15ಎ, 4x4)

ಮಹಾರಾಜ್ ಔಟಾಗದೇ 10 (14ಎ)

ಇತರೆ: 18 (ಬೈ 1, ಲೆಗ್ಬೈ 5, ನೋಬಾಲ್ 1, ವೈಡ್ 11)

ವಿಕೆಟ್ ಪತನ: 1–26 (ಕ್ವಿಂಟನ್ ಡಿಕಾಕ್, 4.5), 2–127 (ತೆಂಬಾ ಬವುಮಾ, 20.5), 3–197 (ಏಡನ್ ಮರ್ಕರಂ, 29.6), 4–289 (ಡೆವಾಲ್ಡ್ ಬ್ರೆವಿಸ್, 40.3), 5–317 (ಮ್ಯಾಥ್ಯೂ ಬ್ರೀಟ್ಜ್ಸ್ಕಿ , 43.5), 6–322 (ಮಾರ್ಕೊ ಯಾನ್ಸೆನ್, 44.3), 6–322* (ಟೋನಿ ಡಿ ಝೋರ್ಜಿ ನಿವೃತ್ತಿ)

ಬೌಲಿಂಗ್: ಅರ್ಷದೀಪ್ 10–0–54–2; ಹರ್ಷಿತ್ ರಾಣಾ 10–1–70–1; ಪ್ರಸಿದ್ಧ ಕೃಷ್ಣ 8.2–0–85–2; ವಾಷಿಂಗ್ಟನ್ ಸುಂದರ್ 4–0–28–0; ರವೀಂದ್ರ ಜಡೇಜ 7–0–41–0; ಕುಲದೀಪ್ ಯಾದವ್ 10–0–78–1.

.IND vs SA: ಸತತ ಎರಡನೇ ಶತಕ ಗಳಿಸಿದ ಕಿಂಗ್ ಕೊಹ್ಲಿ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿರಾಟ್, ಋತುರಾಜ್ ಶತಕl ತಿರುಗೇಟು ನೀಡಿದ ಮರ್ಕರಂ: ದಕ್ಷಿಣ ಆಫ್ರಿಕಾಕ್ಕೆ ಅಮೋಘ ಜಯ

IND vs SA: ಸತತ ಎರಡನೇ ಶತಕ ಗಳಿಸಿದ ಕಿಂಗ್ ಕೊಹ್ಲಿ

ಚಿನಕುರುಳಿ: 11 ಡಿಸೆಂಬರ್ 2025, ಗುರುವಾರ

ಚುರುಮುರಿ: ಗೀತಾ ಎಕನಾಮಿಕ್ಸ್ !

ದಿನ ಭವಿಷ್ಯ | ಈ ರಾಶಿಯವರು ಮಗಳ ಮದುವೆ ಬಗ್ಗೆ ಯೋಚಿಸುವಿರಿ

ದರ್ಶನ್‌ರ The Devilಗೆ ಅಭಿಮಾನಿಗಳು ಫುಲ್ ಮಾರ್ಕ್ಸ್

ವಿಶ್ವಕಪ್: ಕಡಿಮೆ ದರದಲ್ಲಿ ಟಿಕೆಟ್‌

ಹಾಕಿ ಕೋಚ್ ಬ್ರಿಂಟ್ ನಿಧನ

ನಾಮಧಾರಿ ಕಪ್‌ ಹಾಕಿ: ಪವನ್‌ ಹ್ಯಾಟ್ರಿಕ್‌ ಗೋಲು

ಏಷ್ಯನ್‌ ಯೂತ್‌ ಪ್ಯಾರಾ ಕ್ರೀಡಾಕೂಟ: ಅಬ್ದುಲ್ ಖಾದಿರ್‌ಗೆ ಡಬಲ್ ಚಿನ್ನದ ಪದಕ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಒಳನೋಟ: ಕಮರಿತೆ 'ಉತ್ಕೃಷ್ಟ' ಶಿಕ್ಷಣದ ಕನಸು?

ಚಿನಕುರುಳಿ: 11 ಡಿಸೆಂಬರ್ 2025, ಗುರುವಾರ

ಚುರುಮುರಿ: ಗೀತಾ ಎಕನಾಮಿಕ್ಸ್ !

ದಿನ ಭವಿಷ್ಯ | ಈ ರಾಶಿಯವರು ಮಗಳ ಮದುವೆ ಬಗ್ಗೆ ಯೋಚಿಸುವಿರಿ

ದರ್ಶನ್‌ರ The Devilಗೆ ಅಭಿಮಾನಿಗಳು ಫುಲ್ ಮಾರ್ಕ್ಸ್