ನೋಯ್ಡಾದ ಬ್ರಹ್ಮಪುತ್ರ ಮಾರುಕಟ್ಟೆಯಲ್ಲಿ ಬೀದಿ ವ್ಯಾಪಾರಿಯೊಬ್ಬ 30 ಮೊಟ್ಟೆಗಳನ್ನು ಸೇರಿಸಿ ರೋಲ್‌ ತಯಾರಿಸುವ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಗಮನಸೆಳೆದಿದೆ. @oye.foodieee ಎಂಬ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಈ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ. ಎಲೆಕೋಸು, ಈರುಳ್ಳಿ, ಕ್ಯಾರೋಟ್‌ ಮತ್ತಿತರ ಪದಾರ್ಥಗಳನ್ನು ದೊಡ್ಡ ತವಾದ ಮೇಲೆ ಹಾಕಿ ರೋಲ್‌ ಸಿದ್ಧಪಡಿಸುತ್ತಿರುವುದು ವಿಡಿಯೊದಲ್ಲಿದೆ.

ಈ ವಿಡಿಯೊವನ್ನು 54 ಲಕ್ಷಕ್ಕೂ ಹೆಚ್ಚು ಮಂದಿ ನೋಡಿದ್ದಾರೆ. ಸುಮಾರು 3.15 ಲಕ್ಷ ಲೈಕ್ಸ್‌ಗಳು ಬಂದಿವೆ.

ಈ ನಡುವೆ ಇಂತಹ ಬೃಹತ್‌ ಎಗ್‌ ರೋಲ್‌ಗಳು ಆರೋಗ್ಯಕ್ಕೆ ಹಾನಿಕರ ಮತ್ತು ಆಹಾರ ವ್ಯರ್ಥ ಎಂದು ಕೆಲವರು ಕಮೆಂಟ್‌‌ ಮಾಡಿದ್ದಾರೆ.