ಸ್ತನ್ಯಪಾನದಿಂದ ಕ್ಯಾನ್ಸರ್‌ ದೂರ

ಇತ್ತೀಚಿನ ಅಧ್ಯಯನಗಳ ಪ್ರಕಾರ, ಶ್ರೀಲಂಕಾ, ಅಫ್ಘಾನಿಸ್ತಾನ ಮತ್ತು ಬಾಂಗ್ಲಾದೇಶ ಸೇರಿದಂತೆ ದಕ್ಷಿಣ ಏಷ್ಯಾದ ದೇಶಗಳಲ್ಲಿ ಸ್ತನ್ಯಪಾನ ಪದ್ಧತಿಯಲ್ಲಿ ಭಾರತ ಅತ್ಯಂತ ಕಡಿಮೆ ಸ್ಥಾನದಲ್ಲಿದೆ. ಹುಟ್ಟಿದ ಒಂದು ಗಂಟೆಯೊಳಗೆ ಕೇವಲ ಶೇಕಡ 44ರಷ್ಟು ಮಹಿಳೆಯರು ಶಿಶುವಿಗೆ ಹಾಲುಣಿಸುತ್ತಾರೆ. ಶೇಕಡಾ 55ರಷ್ಟು ಮಕ್ಕಳು ಮೊದಲ ಆರು ತಿಂಗಳಲ್ಲಿ ಎದೆಹಾಲು ಪಡೆಯುತ್ತಾರೆ.

ಆದರೆ ಸ್ತನ್ಯಪಾನದಿಂದ ಕ್ಯಾನ್ಸರ್‌ ಬರುವ ಸಾಧ್ಯತೆ ತೀರಾ ಕಡಿಮೆ. ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಹಾಗೂ ಮಗುವಿಗೆ ಎದೆಹಾಲು ಕೊಡುವುದರಿಂದ ಆಕ್ಸಿಟೋಸಿನ್ ಬಿಡುಗಡೆ ಮಾಡುತ್ತದೆ. ಇದು ಕ್ಯಾನ್ಸರ್ ಉಂಟುಮಾಡುವ ರೂಪಾಂತರಗಳಿಗೆ ಹೆಚ್ಚು ನಿರೋಧಕವಾಗಿರುವುದರಿಂದ ಸ್ತನ ಕ್ಯಾನ್ಸರ್ ಅಪಾಯ ಕಡಿಮೆಯಾಗುತ್ತದೆ. ಅಲ್ಲದೆ, ಸ್ತನ್ಯಪಾನ ಮಾಡುವ ಮಹಿಳೆಯರು ಆರೋಗ್ಯಕರ ಆಹಾರಕ್ರಮವನ್ನು ಅನುಸರಿಸುವುದರ ಜೊತೆಗೆ ಆಲ್ಕೊಹಾಲ್ ಮತ್ತು ಧೂಮಪಾನದಿಂದ ದೂರವಿರುವುದರಿಂದ ಕ್ಯಾನ್ಸರ್‌ ಅಪಾಯ ಕಡಿಮೆ.

ಸಾಮಾನ್ಯವಾಗಿ ಹಾಲು ಕುಡಿಯುವ ಮಗುವಿರುವಾಗ ತಾಯಿಗೆ ಕಡಿಮೆ ಮುಟ್ಟಾಗುತ್ತದೆ. ಅದು ಈಸ್ಟ್ರೊಜೆನ್ ಮಟ್ಟವನ್ನು ಕಡಿಮೆ ಮಾಡುವುದರಿಂದ ಸ್ತನ ಕ್ಯಾನ್ಸರ್ ಅಪಾಯ ಕಡಿಮೆಯಾಗುತ್ತದೆ. ರೋಗದ ಕುಟುಂಬದ ಇತಿಹಾಸ ಹೊಂದಿರುವ ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಅಪಾಯವು ಶೇಕಡ 60 ಕಡಿಮೆಯಾಗುತ್ತದೆ. ಸಂಶೋಧನೆಯ ಪ್ರಕಾರ, 18 ತಿಂಗಳವರೆಗೆ ಸ್ತನ್ಯಪಾನ ಮಾಡಿಸಿದ ಮಹಿಳೆಯರಿಗೆ ಹೋಲಿಸಿದರೆ, ಎಂದಿಗೂ ಸ್ತನ್ಯಪಾನ ಮಾಡಿಸದ ಮಹಿಳೆಯರಲ್ಲಿ ಅಂಡಾಶಯದ ಕ್ಯಾನ್ಸರ್ ಅಪಾಯವು ಶೇಕಡ 1.5 ಹೆಚ್ಚಾಗಿದೆ.

ಸ್ತನ ಕ್ಯಾನ್ಸರ್ ಬಾರದಂತೆ ಅನುಸರಿಸಬಹುದಾದ ಕ್ರಮಗಳು:ಸ್ತನ ಕ್ಯಾನ್ಸರ್ ಇರುವ ಕುಟುಂಬದ ಸ್ತ್ರೀಯರು ಈ ಕಾಯಿಲೆಯ ಬಗ್ಗೆ ಜಾಗರೂಕರಾಗಿರಬೇಕು. ತಮ್ಮ ಮಕ್ಕಳಿಗೆ ದೀರ್ಘಕಾಲ ಸ್ತನಪಾನ ಮಾಡಬೇಕು

ಸ್ವಯಂ ಸ್ತನ ಪರೀಕ್ಷೆ:ಮಹಿಳೆಯರು ತಾವೇ ಸ್ವತಃ ಸ್ತನ ಪರೀಕ್ಷೆ ಮಾಡಬಹುದು. ಇದು ಸ್ತನ ಕ್ಯಾನ್ಸರಿನ ಪ್ರಾರಂಭಿಕ ಪತ್ತೆಗೆ ಸಹಕಾರಿ. ಪ್ರಾರಂಭದಲ್ಲೇ ಪತ್ತೆ ಹಚ್ಚಿದರೆ ಆಧುನಿಕ ಚಿಕಿತ್ಸೆಯಿಂದ ಪೂರ್ಣವಾಗಿ ಗುಣಪಡಿಸಬಹುದು. ಸ್ತನಗಳ ಪ್ರತಿನಿತ್ಯದ ಬದಲಾವಣೆಗಳ ಮೇಲೆ ದೇಹದ ಲೈಂಗಿಕ ಹಾರ್ಮೋನು ಗಳ ಪ್ರಭಾವವಿರುವುದರಿಂದ, ಸಾಮಾನ್ಯ ವಾಗಿ ಮುಟ್ಟು ಆಗುವ ಮೊದಲು ಪ್ರತಿ ಸ್ತ್ರೀಯರ ಸ್ತನಗಳು ಗಟ್ಟಿಯಾಗಿಯೂ ಮತ್ತು ನೋವು ಭರಿತವಾಗಿಯೂ ಇರುವುದರಿಂದ ಈ ಪರೀಕ್ಷೆಯನ್ನು ಮುಟ್ಟು ಆದ ನಂತರ ಅಂದರೆ 4-5 ದಿನಗಳ ನಂತರ ಮಾಡಬೇಕು. ಮುಟ್ಟು ನಿಂತ ಹೆಂಗಸರಲ್ಲಿ ಪ್ರತಿ ತಿಂಗಳ ನಿರ್ದಿಷ್ಟ ದಿನ ಉದಾಹರಣೆಗೆ ಮೊದಲನೇ ವಾರ ಈ ಪರೀಕ್ಷೆ ಮಾಡಬಹುದ

(ಲೇಖಕರ ಪರಿಚಯ:ಸೀನಿಯರ್ ಕನ್ಸಲ್ಟೆಂಟ್ ಸ್ತ್ರೀರೋಗತಜ್ಞ ಮತ್ತು ಪ್ರಸೂತಿ, ಅಪೊಲೊ ಕ್ರೆಡಲ್ - ಬ್ರೂಕ್‌ಫೀಲ್ಡ್)