ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಹುಣಸೆ ಹಣ್ಣಿನಿಂದ ಸೌಂದರ್ಯೋಪಸಾನೆ

Last Updated 29 ಜೂನ್ 2020, 8:17 IST
ಅಕ್ಷರ ಗಾತ್ರ

ಹುಣಸೆ ಹಣ್ಣಿನ ರಸ ತ್ವಚೆಯ ಕಾಂತಿ ವರ್ಧಿಸಲು ಸಹಕಾರಿ. ಈ ಹಣ್ಣಿನಲ್ಲಿ ಟಾರ್ಟಾರಿಕ್ ಆಮ್ಲ,ವಿಟಮಿನ್‎ಗಳು, ಆಂಟಿ ಆಕ್ಸೈಡ್‎ಗಳು ಹಾಗೂ ಖನಿಜಗಳಿದ್ದು, ಇವು ಮುಖದ ಅಂದವನ್ನು ವೃದ್ಧಿಸಲು ನೆರವಾಗುತ್ತವೆ.

ಹುಣಸೆ ಹಣ್ಣಿನ ಸ್ಕ್ರಬ್

ಹುಣಸೆ ಹಣ್ಣಿನಲ್ಲಿ ಆಲ್ಫಾ ಹೈಡ್ರಾಕ್ಸಿ ಆಮ್ಲ‎ಗಳು ಇದ್ದು, ಇದು ಚರ್ಮದ ಮೃತಕೋಶಗಳನ್ನು(ಡೆಡ್‌ ಸೆಲ್ಸ್‌) ತೆಗೆದುಹಾಕುತ್ತದೆ. ಕುದಿಸಿದ ನೀರಿನಲ್ಲಿ ಹುಣಸೆ ಹಣ್ಣನ್ನು ಹಾಕಿ ರಸ ಬೇರ್ಪಡಿಸಿಕೊಳ್ಳಿ. ಇದಕ್ಕೆ ಒಂದು ಚಮಚ ಉಪ್ಪು ಮತ್ತು ಒಂದು ಚಮಚ ಮೊಸರನ್ನು ಸೇರಿಸಿ ಮೃದುವಾದ ಪೇಸ್ಟ್ ತಯಾರಿಸಿಕೊಳ್ಳಿ. ಇದರಿಂದ ವೃತ್ತಾಕಾರವಾಗಿ ಮುಖವನ್ನು ಸ್ಕ್ರಬ್‌ ಮಾಡಬಹುದು.

ಫೇಸ್‌ ಪ್ಯಾಕ್

ನೀರಿನಲ್ಲಿ ಕುದಿಸಿದ ಹುಣಸೆ ಹಣ್ಣಿನ ರಸಕ್ಕೆ ಅರ್ಧ ಚಮಚ ಅರಿಶಿನವನ್ನು ಬೆರಸಿ ಮುಖಕ್ಕೆ ಹಚ್ಚಿಕೊಂಡು 20 ನಿಮಿಷಗಳ ನಂತರ ಮುಖವನ್ನು ತೊಳೆದುಕೊಳ್ಳಿ. ಇದುಮುಖದ ಕಾಂತಿ ವೃದ್ಧಿಸಿ, ಕಪ್ಪು ಕಲೆ, ಮೊಡವೆ, ಜಿಡ್ಡನ್ನು ಕಡಿಮೆ ಮಾಡುತ್ತದೆ. ವಾರಕ್ಕೆ ಮೂರು ಬಾರಿ ಇದನ್ನು ಬಳಸಬಹುದು.

ಹುಣಸೆ ಬ್ಲೀಚ್

1 ಚಮಚ ಹುಣಸೆ ತಿರುಳು, ಒಂದು ಚಮಚ ಜೇನು ಮತ್ತು ಲಿಂಬೆ ರಸವನ್ನು ಸೇರಿಸಿ ಪೇಸ್ಟ್ ತಯಾರಿಸಿಕೊಳ್ಳಿ. ಮುಖಕ್ಕೆ ಹಚ್ಚಿಕೊಂಡು 20 ನಿಮಿಷಗಳ ನಂತರ ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ(ಬ್ಲೀಚ್‌). ಇದು ಮುಖದಲ್ಲಿನ ಸಣ್ಣ ಕೂದಲನ್ನು ನಿವಾರಿಸುತ್ತದೆ. ಬ್ಲೀಚ್‌ ಮಾಡಿಕೊಂಡ ನಂತರ ಆರು ಗಂಟೆ ಸೋಪ್‌ ಅಥವಾ ಯಾವುದೇ ಕ್ರೀಂ ಅನ್ನು ಬಳಸಬಾರದು. ಹೀಗಾಗಿ ರಾತ್ರಿ ಮಲಗುವ ಮುನ್ನ ಈಬ್ಲೀಚ್‌ ಮಾಡಿಕೊಳ್ಳುವುದು ಸೂಕ್ತ.

ಹುಣಸೆ ಗ್ಲೊ ಫೇಶಿಯಲ್

2 ಚಮಚದಷ್ಟು ಗೋಧಿ ಹಾಗೂಅಕ್ಕಿಹಿಟ್ಟಿಗೆ ಒಂದು ಚಮಚ ಜೇನು, ಹುಣಸೆ ಹಣ್ಣಿನ ರಸ ಸೇರಿಸಿ ಮಿಶ್ರಣ ಮಾಡಿಕೊಳ್ಳಿ. ತೆಳುವಾದ ಹತ್ತಿಬಟ್ಟೆಯೊಳಗೆ ಈ ಮಿಶ್ರಣವನ್ನು ತುಂಬಿಕೊಳ್ಳಿ. ಇದನ್ನು ಹಬೆಯಲ್ಲಿ ಐದು ನಿಮಿಷ ಇಟ್ಟು ಬಿಸಿ ಮಾಡಿಕೊಳ್ಳಿ. ನಂತರಇದರಿಂದ ಮುಖವನ್ನು ಮಸಾಜ್‌ ಮಾಡಿ. ಮುಖಕ್ಕೆ ನೇರವಾಗಿ ಬಳಸುವುದರಿಂದ ಬಟ್ಟೆ ಶುಚಿಯಾಗಿರಬೇಕು. ಬಿಸಿ ಕಡಿಮೆಯಾಗುವವರೆಗೂ ಮಸಾಜ್ ಮಾಡಿ ನಂತರ ಮಿಶ್ರಣವನ್ನು ಹೊರ ತೆಗೆದು ಮುಖಕ್ಕೆ ಮಾಸ್ಕ್‌ನಂತೆ ಹಾಕಿಕೊಳ್ಳಿ. 20 ನಿಮಿಷಗಳ ನಂತರ ಮುಖವನ್ನು ತೊಳೆದುಕೊಳ್ಳಿ.

ಫೇಸ್ ಟೋನರ್

ಹುಣಸೆಹಣ್ಣನ್ನು ತ್ವಚೆಯ ಬಣ್ಣವನ್ನು ತಿಳಿಗೊಳಿಸಲು ಬಳಸುವುದರ ಜೊತೆಗೆ, ಇದನ್ನು ತ್ವಚೆಯ ಪರಿಪೂರ್ಣ ಟೋನರ್ ಆಗಿ ಸಹ ಬಳಸಬಹುದು. ಹುಣಸೆ ಹಣ್ಣನ್ನು ರೋಸ್ ವಾಟರ್ ಜೊತೆ ಮಿಶ್ರಣ ಮಾಡಿ ಮತ್ತು ಬೇಸಿಗೆಯಲ್ಲಿ ಟೋನರ್ ಆಗಿ ಬಳಸಿ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT