<p><strong>ಶ್ರೀನಗರ</strong>: ಕೊರೊನಾ ಸೋಂಕಿನಿಂದ ಅಷ್ಟೇ ಅಲ್ಲದೆ ಬೇರೆ ಬೇರೆ ರೋಗಳಿಂದ ಬಳಲುತ್ತಿರುವ ಜಮ್ಮ ಮತ್ತು ಕಾಶ್ಮೀರ ರಾಜ್ಯದ ನಿವಾಸಿಗಳಿಗೆ ನೆರವಾಗಲು ವಿಶ್ವದಾದ್ಯಂತವಿರುವ 300 ವೈದ್ಯರನ್ನೊಳಗೊಂಡ ತಂಡವೊಂದು ಉಚಿತ ಟೆಲಿ ಮೆಡಿಸಿನ್ ಸಮಾಲೋಚನೆ ಸೇವಾ ಕೇಂದ್ರವನ್ನು ಆರಂಭಿಸಿದೆ.</p>.<p>‘ಡಯಲ್ ಎ ಡಾಕ್ಟರ್‘ ಕಾರ್ಯಕ್ರಮದ ಅಡಿಯಲ್ಲಿ ವಿಶ್ವದ ವಿವಿಧ ಭಾಗಗಳಲ್ಲಿ ನೆಲೆಸಿರುವ, ವಿವಿಧ ರೋಗಗಳ ತಜ್ಞರು ಸೇರಿದಂತೆ ಮುನ್ನೂರು ವೈದ್ಯರನ್ನೊಳಗೊಂಡ ತಂಡವೊಂದು ಸ್ವಯಂ ಪ್ರೇರಿತರಾಗಿ ಕಣಿವೆ ರಾಜ್ಯದಲ್ಲಿರುವ ಕೊರೊನೇತರ ರೋಗಿಗಳಿಗೆ ಆರೋಗ್ಯ ಸೇವೆ ನೀಡಲು ಮುಂದಾಗಿದೆ.</p>.<p>ಇಹ್ಸಾಸ್ಇಂಟರ್ನ್ಯಾಷನಲ್ ಮತ್ತು ಡರ್ಡ್ ವೆಲ್ಫೇರ್ ಸೊಸೈಟಿಯವರು, ಕಾಶ್ಮೀರ ಹೆಲ್ತ್ ಕೇರ್ ಸಪೋರ್ಟ್ ಗ್ರೂಪ್ ಸಹಯೋಗದೊಂದಿಗೆ ಈ ಟಲಿಮೆಡಿಸಿನ್ ಆರೋಗ್ಯ ಸಮಾಲೋಚನಾ ಸೇವೆಯನ್ನು ಆರಂಭಿಸಿರುವುದಾಗಿ ಇಹ್ಸಾಸ್ ಇಂಟರ್ನ್ಯಾಷನಲ್ನ ಪ್ರಧಾನ ಕಾರ್ಯದರ್ಶಿ ಹಕಿಮ್ ಮೊಹಮ್ಮದ್ ಇಲಿಯಾಸ್ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.</p>.<p>‘ಕೋವಿಡ್ 19 ಸಾಂಕ್ರಾಮಿಕ ರೋಗವು ಜಮ್ಮು ಮತ್ತು ಕಾಶ್ಮೀರ ರಾಜ್ಯದಲ್ಲಿ ಅಸ್ತಿತ್ವದಲ್ಲಿರುವ ಆರೋಗ್ಯ ಮೂಲ ಸೌಕರ್ಯದ ಮೇಲೆ ಬೀರುತ್ತಿರುವ ದುಷ್ಪರಿಣಾಮವನ್ನು ಗಮನಿಸಿ, ನಾವು ‘ಡಯಲ್ ಎ ಡಾಕ್ಟರ್‘ ಕಾರ್ಯಕ್ರಮವನ್ನು ಆರಂಭಿಸುತ್ತಿದ್ದೇವೆ. ಈ ಮೂಲಕ ಕಣಿವೆ ರಾಜ್ಯದ ಜನರು ಮನೆಯಲ್ಲೇ ಕುಳಿತು ಗುಣಮಟ್ಟದ ಆರೋಗ್ಯ ಸೇವೆಯನ್ನು ಪಡೆಯಬಹುದು‘ ಎಂದು ಅವರು ಹೇಳಿದ್ದಾರೆ.</p>.<p>‘ಕೊರೊನಾ ಸೋಂಕು ಅಲ್ಲದೇ ಬೇರೆ ಬೇರೆ ಕಾಯಿಲೆಗಳಿಂದ ಬಳಲುತ್ತಿರುವರು ಆಸ್ಪತ್ರೆಗೆ ಹೋಗಿ ಚಿಕಿತ್ಸೆ ಪಡೆಯುವುದು ಬಹಳ ಅಪಾಯ ಎಂಬುದನ್ನು ಗಮನಿಸಿ ಹಾಗೂ ದೂರವಾಣಿ ಮೂಲಕ ಅನೇಕ ರೋಗಗಳನ್ನು ನಿರ್ವಹಣೆ ಮಾಡಬಹುದು ಎಂದು ತೀರ್ಮಾನಿಸಿ ಈ ಸೇವೆ ಆರಂಭಿಸಿದ್ದೇವೆ‘ ಎಂದು ವಿವರಿಸಿದ್ದಾರೆ.</p>.<p>ಆರೋಗ್ಯ ಸಮಾಲೋಚನೆಗಾಗಿ ಬರುವ ಕರೆಗಳನ್ನು ಹಾಗೂ ಪ್ರಕರಣಗಳನ್ನು ಸೂಕ್ತವಾಗಿ ವಿಲೇವಾರಿ ಮಾಡುವುದಕ್ಕಾಗಿ ವೈದ್ಯರು ಮತ್ತು ಪ್ಯಾರಾಮೆಡಿಕಲ್ ಸಿಬ್ಬಂದಿಯಿರುವ ನಿಯಂತ್ರಣ ಕೊಠಡಿ ತೆರೆದು, ಅದರಲ್ಲಿ ಉಚಿತ ಸಹಾಯವಾಣಿ(1800 889 2729 ) ಆರಂಭಿಸಿದ್ದಾರೆ.</p>.<p>‘ಇಲ್ಲಿಯವರೆಗೆ ಎರಡು ತಿಂಗಳಲ್ಲಿ 2 ಸಾವಿರಕ್ಕೂ ಹೆಚ್ಚು ಜನರಿಗೆ ಸಮಾಲೋಚನೆ ಮೂಲಕ ಉಚಿತ ಆರೋಗ್ಯ ಸೇವೆ ನೀಡಲಾಗಿದೆ‘ ಎಂದು ಇಲಿಯಾಸ್ ಮಾಹಿತಿ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶ್ರೀನಗರ</strong>: ಕೊರೊನಾ ಸೋಂಕಿನಿಂದ ಅಷ್ಟೇ ಅಲ್ಲದೆ ಬೇರೆ ಬೇರೆ ರೋಗಳಿಂದ ಬಳಲುತ್ತಿರುವ ಜಮ್ಮ ಮತ್ತು ಕಾಶ್ಮೀರ ರಾಜ್ಯದ ನಿವಾಸಿಗಳಿಗೆ ನೆರವಾಗಲು ವಿಶ್ವದಾದ್ಯಂತವಿರುವ 300 ವೈದ್ಯರನ್ನೊಳಗೊಂಡ ತಂಡವೊಂದು ಉಚಿತ ಟೆಲಿ ಮೆಡಿಸಿನ್ ಸಮಾಲೋಚನೆ ಸೇವಾ ಕೇಂದ್ರವನ್ನು ಆರಂಭಿಸಿದೆ.</p>.<p>‘ಡಯಲ್ ಎ ಡಾಕ್ಟರ್‘ ಕಾರ್ಯಕ್ರಮದ ಅಡಿಯಲ್ಲಿ ವಿಶ್ವದ ವಿವಿಧ ಭಾಗಗಳಲ್ಲಿ ನೆಲೆಸಿರುವ, ವಿವಿಧ ರೋಗಗಳ ತಜ್ಞರು ಸೇರಿದಂತೆ ಮುನ್ನೂರು ವೈದ್ಯರನ್ನೊಳಗೊಂಡ ತಂಡವೊಂದು ಸ್ವಯಂ ಪ್ರೇರಿತರಾಗಿ ಕಣಿವೆ ರಾಜ್ಯದಲ್ಲಿರುವ ಕೊರೊನೇತರ ರೋಗಿಗಳಿಗೆ ಆರೋಗ್ಯ ಸೇವೆ ನೀಡಲು ಮುಂದಾಗಿದೆ.</p>.<p>ಇಹ್ಸಾಸ್ಇಂಟರ್ನ್ಯಾಷನಲ್ ಮತ್ತು ಡರ್ಡ್ ವೆಲ್ಫೇರ್ ಸೊಸೈಟಿಯವರು, ಕಾಶ್ಮೀರ ಹೆಲ್ತ್ ಕೇರ್ ಸಪೋರ್ಟ್ ಗ್ರೂಪ್ ಸಹಯೋಗದೊಂದಿಗೆ ಈ ಟಲಿಮೆಡಿಸಿನ್ ಆರೋಗ್ಯ ಸಮಾಲೋಚನಾ ಸೇವೆಯನ್ನು ಆರಂಭಿಸಿರುವುದಾಗಿ ಇಹ್ಸಾಸ್ ಇಂಟರ್ನ್ಯಾಷನಲ್ನ ಪ್ರಧಾನ ಕಾರ್ಯದರ್ಶಿ ಹಕಿಮ್ ಮೊಹಮ್ಮದ್ ಇಲಿಯಾಸ್ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.</p>.<p>‘ಕೋವಿಡ್ 19 ಸಾಂಕ್ರಾಮಿಕ ರೋಗವು ಜಮ್ಮು ಮತ್ತು ಕಾಶ್ಮೀರ ರಾಜ್ಯದಲ್ಲಿ ಅಸ್ತಿತ್ವದಲ್ಲಿರುವ ಆರೋಗ್ಯ ಮೂಲ ಸೌಕರ್ಯದ ಮೇಲೆ ಬೀರುತ್ತಿರುವ ದುಷ್ಪರಿಣಾಮವನ್ನು ಗಮನಿಸಿ, ನಾವು ‘ಡಯಲ್ ಎ ಡಾಕ್ಟರ್‘ ಕಾರ್ಯಕ್ರಮವನ್ನು ಆರಂಭಿಸುತ್ತಿದ್ದೇವೆ. ಈ ಮೂಲಕ ಕಣಿವೆ ರಾಜ್ಯದ ಜನರು ಮನೆಯಲ್ಲೇ ಕುಳಿತು ಗುಣಮಟ್ಟದ ಆರೋಗ್ಯ ಸೇವೆಯನ್ನು ಪಡೆಯಬಹುದು‘ ಎಂದು ಅವರು ಹೇಳಿದ್ದಾರೆ.</p>.<p>‘ಕೊರೊನಾ ಸೋಂಕು ಅಲ್ಲದೇ ಬೇರೆ ಬೇರೆ ಕಾಯಿಲೆಗಳಿಂದ ಬಳಲುತ್ತಿರುವರು ಆಸ್ಪತ್ರೆಗೆ ಹೋಗಿ ಚಿಕಿತ್ಸೆ ಪಡೆಯುವುದು ಬಹಳ ಅಪಾಯ ಎಂಬುದನ್ನು ಗಮನಿಸಿ ಹಾಗೂ ದೂರವಾಣಿ ಮೂಲಕ ಅನೇಕ ರೋಗಗಳನ್ನು ನಿರ್ವಹಣೆ ಮಾಡಬಹುದು ಎಂದು ತೀರ್ಮಾನಿಸಿ ಈ ಸೇವೆ ಆರಂಭಿಸಿದ್ದೇವೆ‘ ಎಂದು ವಿವರಿಸಿದ್ದಾರೆ.</p>.<p>ಆರೋಗ್ಯ ಸಮಾಲೋಚನೆಗಾಗಿ ಬರುವ ಕರೆಗಳನ್ನು ಹಾಗೂ ಪ್ರಕರಣಗಳನ್ನು ಸೂಕ್ತವಾಗಿ ವಿಲೇವಾರಿ ಮಾಡುವುದಕ್ಕಾಗಿ ವೈದ್ಯರು ಮತ್ತು ಪ್ಯಾರಾಮೆಡಿಕಲ್ ಸಿಬ್ಬಂದಿಯಿರುವ ನಿಯಂತ್ರಣ ಕೊಠಡಿ ತೆರೆದು, ಅದರಲ್ಲಿ ಉಚಿತ ಸಹಾಯವಾಣಿ(1800 889 2729 ) ಆರಂಭಿಸಿದ್ದಾರೆ.</p>.<p>‘ಇಲ್ಲಿಯವರೆಗೆ ಎರಡು ತಿಂಗಳಲ್ಲಿ 2 ಸಾವಿರಕ್ಕೂ ಹೆಚ್ಚು ಜನರಿಗೆ ಸಮಾಲೋಚನೆ ಮೂಲಕ ಉಚಿತ ಆರೋಗ್ಯ ಸೇವೆ ನೀಡಲಾಗಿದೆ‘ ಎಂದು ಇಲಿಯಾಸ್ ಮಾಹಿತಿ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>