ಪಟ್ನಾ: ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ಗಿಂತ ಅವರಪುತ್ರ ನಿಶಾಂತ್ 5 ಪಟ್ಟು ಹೆಚ್ಚು ಶ್ರೀಮಂತ ಎಂಬುದು ವರದಿಯಾಗಿದೆ.
ವರ್ಷದ ಕೊನೆಯಲ್ಲಿ ಶಾಸಕರು, ಸಚಿವರು ಆದಾಯ ಘೋಷಣೆ ಮಾಡಬೇಕು ಎಂದು ಸರ್ಕಾರ ಆದೇಶ ಹೊರಡಿಸಿತ್ತು. ಈ ಹಿನ್ನೆಲೆಯಲ್ಲಿ ಶಾಸಕರು, ಸಚಿವರು ವೆಬ್ಸೈಟ್ನಲ್ಲಿ ಆದಾಯ ಘೋಷಣೆ ಮಾಡಿಕೊಂಡಿದ್ದಾರೆ.
ನಿತೀಶ್ ಕುಮಾರ್ ಬಳಿ ಒಟ್ಟಾರೆ ₹ 75ಲಕ್ಷ ಮೌಲ್ಯದ ಆಸ್ತಿ (ಸ್ಥಿರ ಮತ್ತು ಚರಾಸ್ತಿ) ಇದ್ದರೆ, ಅವರ ಪುತ್ರ ₹ 3.6 ಕೋಟಿ ಮೌಲ್ಯದ ಆಸ್ತಿ (ಸ್ಥಿರ ಮತ್ತು ಚರಾಸ್ತಿ) ಹೊಂದಿದ್ದಾರೆಎಂಬುದುಬಿಹಾರ ಸರ್ಕಾರದ ವೆಬ್ಸೈಟ್ನಲ್ಲಿ ದಾಖಲಾಗಿದೆ.
ನಿತೀಶ್ ಕುಮಾರ್ ₹29,385 ನಗದು ಹಣವನ್ನು ಇಟ್ಟುಕೊಂಡಿದ್ದಾರೆ. ಹಾಗೇ ಬ್ಯಾಂಕ್ ಅಕೌಂಟ್ನಲ್ಲಿ₹ 42,763 ಹೊಂದಿದ್ದಾರೆ. ಪುತ್ರನ ಬಳಿ ₹ 16, 549 ನಗದು ಹಣವಿದ್ದು ಬ್ಯಾಂಕ್ನಲ್ಲಿ ₹ 1.28 ಕೋಟಿ ಎಫ್ಡಿ ಇಟ್ಟಿದ್ದಾರೆ.
ದೆಹಲಿಯ ದ್ವಾರಕಾದ ಸಹಕಾರಿ ಹೌಸಿಂಗ್ ಸೊಸೈಟಿಯಲ್ಲಿ ಮುಖ್ಯಮಂತ್ರಿಯವರು ಒಂದು ವಸತಿ ಫ್ಲಾಟ್ ಹೊಂದಿದ್ದಾರೆ. ತಮ್ಮ ಹಳ್ಳಿಯಲ್ಲಿ 13 ಹಸುಗಳು ಮತ್ತು 9 ಕರುಗಳನ್ನು ಹೊಂದಿರುವುದಾಗಿ ವೆಬ್ಸೈಟ್ನಲ್ಲಿ ಉಲ್ಲೇಖಿಸಲಾಗಿದೆ.