ಶುಕ್ರವಾರ, ಡಿಸೆಂಬರ್ 4, 2020
21 °C
ಕೊಡಿಯೇರಿ ಮನೆಯಲ್ಲಿ ಇ.ಡಿ. ಶೋಧ ಪೂರ್ಣ

ಇ.ಡಿ ವಿರುದ್ಧ ಬಿನೀಶ್‌ ಪತ್ನಿ ಆರೋಪ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ತಿರುವನಂತಪುರ: ಕೇರಳದ ಸಿಪಿಎಂ ಕಾರ್ಯದರ್ಶಿ ಕೊಡಿಯೇರಿ ಬಾಲಕೃಷ್ಣನ್ ಅವರ ಪುತ್ರ ಬಿನೀಶ್‌ ಕೊಡಿಯೇರಿ ಅವರ ತಿರುವನಂತಪುರ ನಿವಾಸದಲ್ಲಿ ಸತತ 24 ಗಂಟೆ  ಜಾರಿ ನಿರ್ದೇಶನಾಲಯದ (ಇ.ಡಿ) ಅಧಿಕಾರಿಗಳ ಶೋಧ ನಡೆಸಿದ್ದಾರೆ.

ಗುರುವಾರ ಬೆಳಗ್ಗೆ ಶೋಧ ಕಾರ್ಯ ಪೂರ್ಣಗೊಂಡಿದ್ದು, ಬೆಂಗಳೂರು ಡ್ರಗ್‌ ಪ್ರಕರಣವೊಂದರ ಆರೋಪಿಯ ಕ್ರೆಡಿಟ್‌ ಕಾರ್ಡ್‌ ಒಂದನ್ನು ಬಿನೀಶ್‌ ಕೋಣೆ ಯಲ್ಲಿ ಇ.ಡಿ ಅಧಿಕಾರಿಗಳೇ ತಂದಿಟ್ಟಿ ದ್ದಾರೆ ಎಂದು ಬಿನೀಶ್‌ ಅವರ ಪತ್ನಿ ಆರೋಪಿಸಿದ್ದಾರೆ. ‘ಶೋಧನಾ ವರದಿ
ಯೊಂದಕ್ಕೆ ಸಹಿ ಹಾಕುವಂತೆ ನನಗೆ ಇ.ಡಿ ಅಧಿಕಾರಿಗಳು ಒತ್ತಡ ಹೇರಿದರು. ಇದರಲ್ಲಿ ‘ಬೆಂಗಳೂರಿನ ಡ್ರಗ್‌ ಪ್ರಕರಣವೊಂದರ ಆರೋಪಿ ಮೊಹಮ್ಮದ್‌ ಅನೂಪ್‌ ಎಂಬವವನ ಕ್ರೆಡಿಟ್ ಕಾರ್ಡ್‌ ಬಿನೀಶ್‌ ಕೊಠಡಿಯಲ್ಲಿ ಪತ್ತೆಯಾಗಿದೆ’ ಎಂದು ಉಲ್ಲೇಖಿಸಲಾಗಿತ್ತು. ಬಿನೀಶ್‌ ಅವರ ಕೊಠಡಿಯಿಂದ ಇ.ಡಿಗೆ ಏನೂ ದೊರೆತಿಲ್ಲ. ಈ ಕ್ರೆಡಿಟ್‌ ಕಾರ್ಡ್‌ ಅನ್ನು ಇ.ಡಿ ಅಧಿಕಾರಿಗಳೇ ತಂದಿಟ್ಟು, ನಂತರ ಕೊಠಡಿಯಲ್ಲಿ ದೊರಕಿದೆ ಎಂದು ಉಲ್ಲೇಖಿಸಿದ್ದಾರೆ ಎಂದು’ ಬಿನೀಶ್‌ ಪತ್ನಿ ರೆನಿಟಾ ಆರೋಪಿಸಿದರು.

‘ನಾನು ಈ ವರದಿಗೆ ಸಹಿ ಹಾಕಲು ನಿರಾಕರಿಸಿದೆ. ಈ ಸಂದರ್ಭದಲ್ಲಿ ಸಹಿ ಹಾಕಿದರಷ್ಟೇ ನಿಮ್ಮ ಪತಿಯನ್ನು ಉಳಿಸಿಕೊಳ್ಳಲು ಸಾಧ್ಯ ಎಂದ ಅಧಿಕಾರಿಗಳು ಸಹಿ ಹಾಕಲು ಒತ್ತಡ ಹಾಕಿದರು. ಆದರೆ ನಾನು ಸಹಿ ಹಾಕಿಲ್ಲ’ ಎಂದು ರೆನಿಟಾ ಹೇಳಿದರು.

ಇ.ಡಿ. ಅಧಿಕಾರಿಗಳನ್ನು ತಡೆದ ಪೊಲೀಸರು: ಬಿನೀಶ್‌ ಅವರ ಪತ್ನಿ, ಮಕ್ಕಳು ಹಾಗೂ ಅತ್ತೆಯನ್ನು ಇ.ಡಿ ಅಧಿಕಾರಿಗಳು ಅಕ್ರಮವಾಗಿ ಗೃಹಬಂಧನ ದಲ್ಲಿ ಇರಿಸಿದ್ದಾರೆ ಎಂದು ಸಂಬಂಧಿಕ ರೊಬ್ಬರು ದೂರು ನೀಡಿದ್ದರು. ಈ ದೂರು ಆಧರಿಸಿ ಸ್ಥಳಕ್ಕೆ ಆಗಮಿಸಿದ್ದ ಪೊಲೀಸರು, ಮನೆಯಿಂದ ತೆರಳುತ್ತಿದ್ದ ಇ.ಡಿ ಅಧಿಕಾರಿಗಳನ್ನು ತಡೆದರು. ಈ ಕುರಿತು ಹೇಳಿಕೆಯನ್ನು ದಾಖಲಿಸುವ ಕುರಿತು ಇ.ಡಿ ಅಧಿಕಾರಿಗಳು ಭರವಸೆ ನೀಡಿದ ಬಳಿಕ, ಸ್ಥಳದಿಂದ ತೆರಳಲು ಪೊಲೀಸರು ಅವಕಾಶ ನೀಡಿದ್ದಾರೆ. 

ಮೂರು ವರ್ಷದ ಮಗು ಸೇರಿದಂತೆ ಕುಟುಂಬದ ಸದಸ್ಯರನ್ನು ಗೃಹಬಂಧನದಲ್ಲಿ ಇರಿಸಿರುವುದರ ಕುರಿತು ಸಂಬಂಧಿಕರು ಕೇರಳ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗಕ್ಕೂ ದೂರು ನೀಡಿದ್ದರು. ಆಯೋಗದ ಸದಸ್ಯರೂ ಬಿನೀಶ್‌ ಅವರ ಮನೆಗೆ ಭೇಟಿ ನೀಡಿದ್ದರು. ಈ ವೇಳೆ ಆಯೋಗವನ್ನು ಭೇಟಿಯಾಗಲು ಇ.ಡಿ ಅಧಿಕಾರಿಗಳು ರೆನಿಟಾ, ಅವರ ಮಗಳು ಹಾಗೂ ತಾಯಿಗೆ ಅವಕಾಶ ನೀಡಿದ್ದರು. 24 ಗಂಟೆ ಇ.ಡಿ ಅಧಿಕಾರಿಗಳು ಮನೆಯಲ್ಲೇ ಇದ್ದ ಕಾರಣ ಮಗುವಿನ ಆರೈಕೆಗೆ ಅಡ್ಡಿಯಾಗಿತ್ತು ಎಂದು ಕುಟುಂಬ ಸದಸ್ಯರು ಆರೋಪಿಸಿದರು. ಈ ಕುರಿತು ಕ್ರಮ ಕೈಗೊಳ್ಳುವುದಾಗಿ ಆಯೋಗವು ತಿಳಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು