ನವದೆಹಲಿ: ದೇಶದ ಕೊರೊನಾ ವೈರಸ್ನಿಂದ ಮೃತಪಟ್ಟವರ ಸಂಖ್ಯೆ 75 ಸಾವಿರ ದಾಟಿದೆ.
24 ಗಂಟೆ ಅವಧಿಯಲ್ಲಿ 89,706 ಹೊಸ ಕೊರೊನಾ ವೈರಸ್ ಸೋಂಕು ಪ್ರಕರಣಗಳು ಪತ್ತೆಯಾಗಿವೆ. 1,115 ಮಂದಿ ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಬುಧವಾರ ತಿಳಿಸಿದೆ.
ಇದರೊಂದಿಗೆ ದೇಶದಲ್ಲಿ ಈವರೆಗೆ ಸೋಂಕು ತಗುಲಿದವರ ಸಂಖ್ಯೆ 43,70,129ಕ್ಕೆ ಏರಿಕೆಯಾಗಿದೆ. 33,98,845 ಜನ ಗುಣಮುಖರಾಗಿದ್ದಾರೆ. 73,890 ಸಾವು ಸಂಭವಿಸಿದ್ದು, ಸದ್ಯ 8,97,394 ಸಕ್ರಿಯ ಪ್ರಕರಣಗಳಿವೆ.
ಒಂದೇ ದಿನ, ದೆಹಲಿಯಲ್ಲಿ 4 ಸಾವಿರ ಪ್ರಕರಣಗಳು, ತಮಿಳುನಾಡಿನಲ್ಲಿ 5 ಸಾವಿರ ಪ್ರಕರಣಗಳು, ಕರ್ನಾಟಕದಲ್ಲಿ 9 ಸಾವಿರ, ಪಶ್ಚಿಮ ಬಂಗಾಳದಲ್ಲಿ 3 ಸಾವಿರ ಹೊಸ ಪ್ರಕರಣಗಳು ದಾಖಲಾಗಿವೆ.
9,540 new #COVID19 cases and 128 deaths reported in Karnataka in the last 24 hours. There are 4,21,730 cases in the State now, including 3,15,433 discharges and 99,470 active cases: State Health Department pic.twitter.com/cQ0MPzyGjp
ಕೊರೊನಾದಿಂದಾಗಿ ದೇಶದಲ್ಲಿ ಸಂಭವಿಸಿದ ಸಾವಿನ ಪ್ರಮಾಣದ ಪೈಕಿ ಶೇ 70ರಷ್ಟು ಮಹಾರಾಷ್ಟ್ರ, ಆಂಧ್ರ ಪ್ರದೇಶ, ಕರ್ನಾಟಕ, ಉತ್ತರ ಪ್ರದೇಶ ಹಾಗೂ ತಮಿಳುನಾಡುಗಳಲ್ಲೇ ವರದಿಯಾಗಿವೆ ಎಂದೂ ಸಚಿವಾಲಯ ತಿಳಿಸಿದೆ.
ದೇಶದ ಒಟ್ಟು ಸಕ್ರಿಯ ಪ್ರಕರಣಗಳ ಪೈಕಿ ಶೇ 27ರಷ್ಟು ಮಹಾರಾಷ್ಟ್ರದಲ್ಲಿ ದಾಖಲಾಗಿದೆ. ಉಳಿದಂತೆ, ಆಂಧ್ರ ಪ್ರದೇಶದಲ್ಲಿ ಶೇ 11, ಕರ್ನಾಟಕದಲ್ಲಿ ಶೇ 10.98, ಉತ್ತರ ಪ್ರದೇಶದಲ್ಲಿ ಶೇ 7 ಹಾಗೂ ತಮಿಳುನಾಡಿನಲ್ಲಿ ಶೇ 6ರಷ್ಟು ಕಂಡುಬಂದಿವೆ ಎಂದು ಸಚಿವಾಲಯ ಹೇಳಿದೆ.
ಸೆಪ್ಟೆಂಬರ್ 8ರ ವರೆಗೆ ದೇಶದಾದ್ಯಂತ 5.18 ಕೋಟಿಗೂ ಹೆಚ್ಚು ಕೊರೊನಾ ಪರೀಕ್ಷೆಗಳನ್ನು ನಡೆಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ತಿಳಿಸಿದೆ.