ನವದೆಹಲಿ: ದೇಶದಾದ್ಯಂತ ಈವರೆಗೆ 62,59,008 ಮಂದಿಗೆ ಕೋವಿಡ್–19 ವಿರುದ್ಧ ಲಸಿಕೆ ನೀಡಲಾಗಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ತಿಳಿಸಿದೆ.
24 ಗಂಟೆ ಅವಧಿಯಲ್ಲಿ ದೇಶದಲ್ಲಿ 9,110 ಹೊಸ ಕೋವಿಡ್–19 ಪ್ರಕರಣಗಳು ವರದಿಯಾಗಿದ್ದು, 78 ಸೋಂಕಿತರು ಅಸುನೀಗಿದ್ದಾರೆ. 14,016 ಸೋಂಕಿತರು ಗುಣಮುಖರಾಗಿದ್ದು ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ.
ಈವರೆಗೆ ಸೋಂಕಿತರಾದವರ ಒಟ್ಟು ಸಂಖ್ಯೆ 1,08,47,304ಕ್ಕೆ ಏರಿಕೆಯಾಗಿದೆ. ಒಟ್ಟು 1,05,48,521 ಸೋಂಕಿತರು ಚೇತರಿಸಿಕೊಂಡಿದ್ದು, 1,55,158 ಮೃತಪಟ್ಟಿದ್ದಾರೆ. ಸದ್ಯ, 1,43,625 ಸಕ್ರಿಯ ಪ್ರಕರಣಗಳಿವೆ.
