ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ವಿ. ಪಾರ್ಥಿಬನ್ ಅವರು, 2018ರ ಜೂನ್ 20ರ ಸರ್ಕಾರಿ ಆದೇಶವನ್ನು ಉಲ್ಲೇಖಿಸಿ, ‘ಸರ್ಕಾರಿ ನೌಕರಿಯಲ್ಲಿರುವ ಮಹಿಳಾ ಉದ್ಯೋಗಿಗೆ ಮೊದಲ ಹೆರಿಗೆಯಲ್ಲಿ ಅವಳಿ– ಜವಳಿ ಮಕ್ಕಳು ಜನಿಸಿದರೆ, ಆ ಮಹಿಳೆಗೆ ಮೂರನೇ ಮಗು ಹೊಂದುವ ಸಮಯದಲ್ಲಿ ಅದನ್ನು ಎರಡನೇ ಹೆರಿಗೆ ಎಂದು ಪರಿಗಣಿಸಿ, ಹೆರಿಗೆ ರಜೆ ಮಂಜೂರು ಮಾಡಬೇಕು. ಇಂಥದ್ದೇ ವಿಶೇಷ ಪ್ರಕರಣ ಅಂದರೆ ಮೊದಲ ವಿವಾಹದಲ್ಲಿ ಇಬ್ಬರು ಮಕ್ಕಳಿದ್ದರೂ ಆ ಮಕ್ಕಳು ಮೊದಲ ಪತಿಯ ಜತೆಗೆ ಇರುವುದರಿಂದ ಎರಡನೇ ವಿವಾಹದ ಸರ್ಕಾರಿ ಉದ್ಯೋಗಿಗೆ ಮೂರನೇ ಮಗುವಿನ ಸಂದರ್ಭದಲ್ಲಿ ವೇತನ ಸಹಿತ ಒಂದು ವರ್ಷ ಹೆರಿಗೆ ರಜೆ ಮಂಜೂರು ಮಾಡಬೇಕು’ ಎಂದು ತೀರ್ಪು ನೀಡಿದ್ದಾರೆ.