ಶನಿವಾರ, ಮೇ 28, 2022
30 °C

ವರವರರಾವ್‌ಗೆ ತಾತ್ಕಾಲಿಕ ಜಾಮೀನು 3 ತಿಂಗಳು ವಿಸ್ತರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮುಂಬೈ: ಎಲ್ಗಾರ್‌ ಪರಿಷದ್–ಮಾವೊವಾದಿ ಪ್ರಕರಣದ ನಂಟು ಹೊಂದಿರುವ ಕವಿ, ಕಾರ್ಯಕರ್ತ ವರವರರಾವ್‌ ಅವರಿಗೆ ಶಾಶ್ವತವಾಗಿ ವೈದ್ಯಕೀಯ ಜಾಮೀನು ನೀಡಬೇಕೆಂಬ ಅರ್ಜಿಯನ್ನು ಮುಂಬೈ ಹೈಕೋರ್ಟ್‌ನ ನ್ಯಾಯಮೂರ್ತಿಗಳಾದ ಎಸ್‌.ಬಿ. ಶುಕ್ರೆ ಮತ್ತು ಜಿ.ಎ. ಸನಪ್‌ ಅವರ ದ್ವಿಸದಸ್ಯ ಪೀಠ ವಜಾಗೊಳಿಸಿದೆ.

ಆದರೆ ಕಣ್ಣಿನ ಶಸ್ತ್ರ ಚಿಕಿತ್ಸೆಯ ಅಂಗವಾಗಿ ಅವರು ತಲೋಜಾ ಜೈಲಿನಲ್ಲಿ ಶರಣಾಗಲು 3 ತಿಂಗಳು ಕಾಲಾವಕಾಶ ನೀಡಿತು.

ಕಳೆದ ಫೆಬ್ರುವರಿಯಿಂದಲೂ ವರವರರಾವ್ ಅವರು ತಾತ್ಕಾಲಿಕ ವೈದ್ಯಕೀಯ ಜಾಮೀನಿನ ಅಡಿಯಲ್ಲಿ ಜೈಲಿನಿಂದ ಹೊರಗಡೆ ಇದ್ದಾರೆ. 

ಆರೋಪಿ ಪರ ವಕೀಲ ಆನಂದ್‌ ಗ್ರೋವರ್‌ ಅವರು, ‘ವರವರರಾವ್‌ ಅವರಿಗೆ ಶಾಶ್ವತವಾಗಿ ವೈದ್ಯಕೀಯ ಜಾಮೀನನ್ನು ನೀಡಬೇಕು. ತಲೋಜಾ ಜೈಲಿನಲ್ಲಿ ಸೂಕ್ತ ವೈದ್ಯಕೀಯ ಸೌಲಭ್ಯ ಹಾಗೂ ಸಮರ್ಪಕ ನೈರ್ಮಲ್ಯ ಇಲ್ಲ. ವರವರರಾವ್ ಅವರಿಗೆ ಪಾರ್ಕಿನ್ಸನ್‌ ಕಾಯಿಲೆಯ ಆರಂಭಿಕ ಲಕ್ಷಣಗಳು ಕಂಡುಬಂದಿವೆ. ಅವರು  ಹೈದರಾಬಾದ್‌ನ ನಿವಾಸದಲ್ಲಿ ವಾಸಿಸಲು ಅವಕಾಶ ಕೊಡಬೇಕು’ ಎಂದು ಅರ್ಜಿ ಸಲ್ಲಿಸಿದ್ದರು. ಆದರೆ ನ್ಯಾಯಮೂರ್ತಿಗಳು ಈ ಅರ್ಜಿಯನ್ನು ತಿರಸ್ಕರಿಸಿದ್ದಾರೆ.

ತಲೋಜಾ ಜೈಲಿನಲ್ಲಿ ಸಮರ್ಪಕ ವೈದ್ಯಕೀಯ ಸೌಲಭ್ಯಗಳಿಲ್ಲ ಎಂಬ ದೂರಿನ ಬಗ್ಗೆ ಏಪ್ರಿಲ್‌ 30ರೊಳಗೆ ವರದಿ ನೀಡಬೇಕು ಎಂದೂ ನ್ಯಾಯಮೂರ್ತಿಗಳು ಮಹಾರಾಷ್ಟ್ರ ಕಾರಾಗೃಹಗಳ ಮಹಾ ನಿರೀಕ್ಷಕರಿಗೆ ನಿರ್ದೇಶನ ನೀಡಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು