ಇ–ಆಫೀಸ್ಗೆ ಒತ್ತು:ಇ–ಆಡಳಿತದಲ್ಲಿ ಇ–ಆಫೀಸ್ ಯೋಜನೆ ಆಡಳಿತ ಸುಧಾರಣೆ ಹಾಗೂ ಸಾರ್ವಜನಿಕ ಕುಂದುಕೊರತೆಗಳ ಇಲಾಖೆಯ ಒಂದು ಪ್ರಮುಖ ಯೋಜನೆಯಾಗಿದ್ದು, ಸರ್ಕಾರದ ಕೆಲಸವು ವೇಗಗೊಳ್ಳುವಲ್ಲಿ ಮಹತ್ವದ ಪಾತ್ರ ವಹಿಸಿರುವುದಲ್ಲದೇ, ನಿರ್ಣಯ ಕೈಗೊಳ್ಳುವಿಕೆಯಲ್ಲೂ ವಿಭಿನ್ನತೆ ಮೆರೆದಿದೆ. ಆದ್ದರಿಂದ ಕೇಂದ್ರದ ಎಲ್ಲ ಸಚಿವಾಲಯ, ಇಲಾಖೆ ಹಾಗೂ ಸಂಸ್ಥೆಗಳಲ್ಲಿ ಇ–ಆಡಳಿತವನ್ನು ಸ್ಥಾಪಿಸಿ, ಕಾರ್ಯಗತಗೊಳಿಸಬೇಕು. ಎಲ್ಲ ನೌಕರರಿಗೂ ಇ–ಆಫೀಸ್ ಕುರಿತಾಗಿ ಸೂಕ್ತ ತರಬೇತಿಯನ್ನು ನೀಡಿ, ಇ–ಆಫೀಸ್ ಮೂಲಕವೇ ಕೆಲಸ ನಿರ್ವಹಿಸಲು ಪ್ರೋತ್ಸಾಹ ನೀಡಬೇಕು ಎಂದು ಸಮಿತಿಯು 2022–23ರ ಬೇಡಿಕೆಯ ಅನುದಾನದ ವರದಿಯಲ್ಲಿ ತಿಳಿಸಿದೆ.