ಐಪಿಎಸ್‌ ಅಧಿಕಾರಿ ಪುರುಷೋತ್ತಮ್‌ ಪತ್ನಿಯ ವಿರುದ್ಧ ದೂರು ನೀಡಿದ ನಿರೂಪಕಿ

ಭೋಪಾಲ್ : ಹಿರಿಯ ಐಪಿಎಸ್ ಅಧಿಕಾರಿ ಪುರುಷೋತ್ತಮ್ ಶರ್ಮಾ ಅವರ ಪತ್ನಿ ಹಾಗೂ ಪುತ್ರ ಪಾರ್ಥ ವಿರುದ್ಧ ಪ್ರಾದೇಶಿಕ ಸುದ್ದಿ ವಾಹಿನಿಯ ನಿರೂಪಕಿಯೊಬ್ಬರು ಶಹಪುರ ಪೊಲೀಸ್ ಠಾಣೆಯಲ್ಲಿ ಮಂಗಳವಾರ ದೂರು ದಾಖಲಿಸಿದ್ದಾರೆ.

. ‘ಅಮ್ಮ ಮತ್ತು ಮಗ ಸೇರಿಕೊಂಡು ನನ್ನ ಹೆಸರಿಗೆ ಮಸಿ ಬಳಿಯಲು ಪ್ರಯತ್ನಿಸುತ್ತಿದ್ದಾರೆ’ ಎಂದು ಅವರು ದೂರಿನಲ್ಲಿ ಹೇಳಿದ್ದಾರೆ.

. ಪುರುಷೋತ್ತಮ್ ಅವರು ನಿರೂಪಕಿಯ ಜೊತೆ ಆಕೆಯ ಫ್ಲ್ಯಾಟ್ನಲ್ಲಿ ಇರುವುದನ್ನು ಅವರ ಪತ್ನಿ ಪ್ರಶ್ನಿಸಿದ್ದರು. ಇದರಿಂದ ಕೆರಳಿದ್ದ ಪುರುಷೋತ್ತಮ್ ಪತ್ನಿಯ ಮೇಲೆ ಹಲ್ಲೆ ನಡೆಸಿದ್ದರು. ಅವಾಚ್ಯ ಶಬ್ದಗಳಿಂದಲೂ ನಿಂದಿಸಿದ್ದರು. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತ್ತು. ಇದರ ಆಧಾರದಲ್ಲೇ ಅವರನ್ನು ವರ್ಗಾವಣೆ ಕೂಡ ಮಾಡಲಾಗಿತ್ತು.

. ‘ಹಿರಿಯ ಐಪಿಎಸ್ ಅಧಿಕಾರಿ ಪುರುಷೋತ್ತಮ್ ಶರ್ಮಾ ನನ್ನ ತಂದೆ ಇದ್ದ ಹಾಗೆ. ಅವರು ನನ್ನನ್ನು ಮಗಳೇ ಅಂತಲೇ ಕರೆಯುತ್ತಿದ್ದರು’ ಎಂದು ನಿರೂಪಕಿ ಹೇಳಿದ್ದಾರೆ.

. ‘ಘಟನೆಯಿಂದ ನನ್ನ ಖಾಸಗಿತನಕ್ಕೆ ಧಕ್ಕೆಯಾಗಿದೆ. ಘನತೆಗೂ ಚ್ಯುತಿ ಉಂಟಾಗಿದ್ದು, ಸಮಾಜದಲ್ಲಿ ತಲೆ ಎತ್ತಿಕೊಂಡು ಓಡಾಡದಂತೆ ಆಗಿದೆ. ಇಷ್ಟಕ್ಕೆಲ್ಲಾ ಪುರುಷೋತ್ತಮ್ ಅವರ ಪತ್ನಿ ಹಾಗೂ ಮಗನೇ ಕಾರಣ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ’ ಎಂದು ಶಹಪುರ ಠಾಣೆಯ ಉಸ್ತುವಾರಿ ಜಿತೇಂದರ್ ಪಟೇಲ್ ನುಡಿದಿದ್ದಾರೆ.

. ‘ಪತ್ರಿಕೋದ್ಯಮ ವೃತ್ತಿಯಲ್ಲಿರುವ ನಾನು ರಾಜಕಾರಣಿಗಳು ಹಾಗೂ ಅಧಿಕಾರಿಗಳನ್ನು ಭೇಟಿಯಾಗುವುದು ಸಾಮಾನ್ಯ. ಭಾನುವಾರ (ಸೆ.27) ರಾತ್ರಿ 7 ಗಂಟೆಯ ಸುಮಾರಿಗೆ ಪುರುಷೋತ್ತಮ್ ಅವರು ಕರೆ ಮಾಡಿದ್ದರು. ನನ್ನ ಫ್ಲ್ಯಾಟ್ ಹತ್ತಿರವೇ ಇರುವುದಾಗಿ ತಿಳಿಸಿದರು. ಹೀಗಾಗಿ ಮನೆಗೆ ಬಂದು ಕಾಫಿ ಕುಡಿದು ಹೋಗಿ ಎಂದು ಸೌಜನ್ಯದಿಂದಲೇ ಕರೆದಿದ್ದೆ. ಕೆಲ ಸಮಯದ ನಂತರ ಮಹಿಳೆಯೊಬ್ಬರು ಫ್ಲ್ಯಾಟ್ ಬಳಿ ಬಂದು ಕಾಲಿಂಗ್ ಬೆಲ್ ಮಾಡಿದರು. ಕದ ತೆರೆಯುತ್ತಿದ್ದಂತೆಯೇ ಬಲವಂತದಿಂದಲೇ ಒಳಗೆ ನುಗ್ಗಿದರು. ಆಕೆ ಶರ್ಮಾ ಅವರ ಪತ್ನಿ ಎಂಬುದು ನನಗೆ ಗೊತ್ತಿರಲಿಲ್ಲ. ನಂತರ ಗಂಡ ಹೆಂಡತಿ ನಡುವೆ ಜಗಳವಾಯಿತು. ಶರ್ಮಾ ಅವರು ಸಿಟ್ಟಿನಿಂದಲೇ ಫ್ಲ್ಯಾಟ್ನಿಂದ ಆಚೆ ಹೋದರು. ಬಳಿಕ ಅವರ ಪತ್ನಿ ನನಗೆ ಇಲ್ಲಸಲ್ಲದ ಪ್ರಶ್ನೆಗಳನ್ನೆಲ್ಲಾ ಕೇಳಿದರು. ನಂತರ ಏಕಾಏಕಿ ಮಲಗುವ ಕೋಣೆಗೆ ಹೋಗಿ ವಿಡಿಯೊ ಚಿತ್ರೀಕರಿಸಿದರು. ಅದೇ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತ್ತು’ ಎಂದು ನಿರೂಪಕಿಯು ದೂರಿನಲ್ಲಿ ವಿವರಿಸಿದ್ದಾರೆ.

. ‘ಪುರುಷೋತ್ತಮ್ ಅವರು ನನ್ನ ಮನೆಗೆ ಕಾಫಿ ಕುಡಿಯಲು ಬಂದರೆ ಇಷ್ಟೆಲ್ಲಾ ಅವಾಂತರಗಳು ಆಗುತ್ತವೆ ಎಂದು ನಾನಂತೂ ನಿರೀಕ್ಷಿಸಿರಲಿಲ್ಲ. ಈ ಘಟನೆಯಿಂದ ಮಾನಸಿಕವಾಗಿ ತುಂಬಾ ನೊಂದಿದ್ದೇನೆ’ ಎಂದೂ ದೂರಿನಲ್ಲಿ ತಿಳಿಸಿದ್ದಾರೆ.

. ‘ಇದು ವ್ಯಕ್ತಿಯೊಬ್ಬರ ಘನತೆಗೆ ಧಕ್ಕೆ ಉಂಟು ಮಾಡುವುದಕ್ಕೆ ಸಂಬಂಧಿಸಿದ ಪ್ರಕರಣವಾಗಿದೆ. ಈ ಸಂಬಂಧ ನ್ಯಾಯಾಲಯದಲ್ಲೇ ದೂರು ದಾಖಲಿಸಬೇಕು’ ಎಂದುಜಿತೇಂದರ್ ಪಟೇಲ್ ಹೇಳಿದ್ದಾರೆ.

. ಘಟನೆಯ ಬೆನ್ನಲ್ಲೇ ಪುರುಷೋತ್ತಮ್ ಅವರನ್ನುಪಬ್ಲಿಕ್ ಪ್ರಾಸಿಕ್ಯೂಷನ್ ನಿರ್ದೇಶಕ ಹುದ್ದೆಯಿಂದ ಸ್ಟೇಟ್ ಸೆಕ್ರೆಟರಿಯೇಟ್ಗೆ ವರ್ಗಾವಣೆ ಮಾಡಲಾಗಿದ್ದು ಯಾವುದೇ ಹುದ್ದೆ ತೋರಿಸಿಲ್ಲ.

. ‘ನೀವು ಪತ್ನಿಯನ್ನು ಥಳಿಸುತ್ತಿರುವ ಹಾಗೂ ಕೌಟುಂಬಿಕ ದೌರ್ಜನ್ಯವೆಸಗುತ್ತಿರುವುದಕ್ಕೆ ಸಂಬಂಧಪಟ್ಟ ಎರಡು ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಹೀಗಾಗಿ ನಿಮ್ಮನ್ನು ವರ್ಗಾವಣೆ ಮಾಡಲಾಗಿದೆ’ ಎಂದು ಗೃಹ ಸಚಿವಾಲಯದ ಅಧೀನ ಕಾರ್ಯದರ್ಶಿ ಅನು ಭಲಾವಿ ನೀಡಿರುವ ಷೋಕಾಸ್ ನೋಟಿಸ್ನಲ್ಲಿ ಉಲ್ಲೇಖಿಸಲಾಗಿದೆ.

. ‘ಇದು ನಮ್ಮ ಕುಟುಂಬದ ವಿಚಾರ. ಬಹುದೊಡ್ಡ ಅಪರಾಧವೇನಲ್ಲ. ನಾನು ಅಪರಾಧಿಯೂ ಅಲ್ಲ. ನಾನು ಎಲ್ಲೇ ಹೋದರೂ ಪತ್ನಿ ಹಿಂಬಾಲಿಸುತ್ತಾಳೆ. ಅನುಮಾನದಿಂದಲೇ ನೋಡುತ್ತಾಳೆ’ ಎಂದು ಪುರುಷೋತ್ತಮ್ ತಿಳಿಸಿದ್ದಾರೆ.

. ಇದನ್ನೂ ಓದಿ: ಪತ್ನಿಗೆ ಥಳಿತ: ಕರ್ತವ್ಯದಿಂದ ಐಪಿಎಸ್ ಅಧಿಕಾರಿ ಬಿಡುಗಡೆ ಮಧ್ಯಪ್ರದೇಶ: ಪತ್ನಿ ಮೇಲೆ ಹಲ್ಲೆ ನಡೆಸಿದ ಎಡಿಜಿ, ವಿಡಿಯೊ ವೈರಲ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಐಪಿಎಸ್‌ ಅಧಿಕಾರಿ ಪುರುಷೋತ್ತಮ್‌ ಪತ್ನಿಯ ವಿರುದ್ಧ ದೂರು ನೀಡಿದ ನಿರೂಪಕಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ